Pune No-Parking Zones Visarjan Day: शहरातील 10 प्रमुख रस्त्यांवर 'नो-पार्किंग'; 48 तास सर्व जड वाहनांना शहरात प्रवेशबंदी

पुणे शहरात मुख्य मिरवणूक सुरळीत, सुरक्षित आणि विनाअडथळा पार पडावी यासाठी पुणे शहर वाहतूक पोलिसांनी कडक वाहतूक नियोजन व निर्बंध जाहीर केले आहेत. शहरातील मध्यवर्ती भागातील गर्दीचे व्यवस्थापन करण्यासाठी आणि वाहतूक कोंडी टाळण्यासाठी २४ सप्टेंबर २०२६ रोजी रात्री ११:०० वाजल्यापासून मुख्य मिरवणूक संपेपर्यंत शहरातील १० प्रमुख मार्गांवर सर्व वाहनांसाठी 'नो-पार्किंग' लागू करण्यात येत आहे.

याशिवाय, शहरातील सुरक्षिततेचा विचार करून सलग दोन दिवस म्हणजेच एकूण ४८ तास संपूर्ण पुणे शहरात सर्व प्रकारच्या जड वाहनांना पूर्णपणे प्रवेशबंदी लागू करण्याचे आदेश वाहतूक विभागाने दिले आहेत.

'या' १० प्रमुख रस्त्यांवर नो-पार्किंग लागूवाहतूक शाखेने दिलेल्या माहितीनुसार, २४ सप्टेंबरच्या रात्री ११:०० वाजल्यापासून ते मिरवणूक पूर्णपणे संपेपर्यंत खालील मार्गांवरील नियमित पार्किंग व्यवस्था पूर्णतः स्थगित करण्यात आली आहे:

लक्ष्मी रोड,

संत कबीर चौक ते अलका टॉकीज चौक केळकर रोड,

बुधवार चौक ते अलका टॉकीज चौक कुमठेकर रोड,

शनिपार चौक ते अलका टॉकीज चौक टिळक रोड,

जधे चौक ते अलका टॉकीज चौक बाजीराव रोड,

पुरम चौक ते फुटका बुरुज चौक शिवाजी रोड,

गाडगीळ पुतळा ते जधे चौक शास्त्री रोड,

सेनादत्त पोलीस चौकी ते अलका टॉकीज चौक जंगली महाराज रोड,

झाशी राणी चौक ते खंडोजी बाबा चौक कर्वे रोड,

नळस्टॉप ते खंडोजीबाबा चौक फर्ग्युसन कॉलेज (FC) रोड,

खंडोजी बाबा चौक ते गुडलक चौक तसेच खंडोजीबाबा चौक ते हॉटेल वैशाली यांना जोडणाऱ्या सर्व उपरस्त्यांच्या १०० मीटर परिसरातही कोणत्याही वाहनाला पार्किंग करण्याची परवानगी नसेल.