PM Narendra Modi (PC - ANI)

पंतप्रधान नरेंद्र मोदी ( PM Narendra Modi on Budget 2023) यांनी अर्थमंत्री निर्मला सीतारमण (Nirmala Sitharaman) यांनी सादर केलेल्या अर्थसंकल्पाचे स्वागत केले आहे. निर्मला सीतारमण यांनी जाहीर केलेला अर्थसंकल्प हा अमृत कालचा पहिला संकल्प आहे. तो विकसित भारताच्या उभारणीसाठी मजबूत पाया घालेल, असे सांगतानाच पंतप्रधान म्हणाले अर्थसंकल्प वंचितांना प्राधान्य देतो आणि आशावादी समाज, शेतकरी आणि मध्यमवर्गाची स्वप्ने पूर्ण करेल. अमृत कालचा पहिला अर्थसंकल्प विकसित भारताच्या उभारणीसाठी भक्कम पाया रचणार आहे. यात वंचितांना प्राधान्य देण्यात आले आहे.

नरेंद्र मोदी पुढे म्हणाले की, अर्थसंकल्प गरीब लोक, मध्यमवर्गीय लोक आणि शेतकऱ्यांसह महत्त्वाकांक्षी समाजाची स्वप्ने पूर्ण करेल. या ऐतिहासिक अर्थसंकल्पासाठी सीतारामन आणि त्यांची टीम यांचे मी अभिनंदन करतो. विश्वकर्मा कौशल सन्मान नागरिकांच्या जीवनात मोठा बदल घडवून आणेल, असे नमूद करून पंतप्रधान म्हणाले की, त्यांच्या समर्थनाशी संबंधित योजनांचा प्रथमच अर्थसंकल्पात समावेश करण्यात आला आहे. (हेही वाचा, Union Budget 2023: केंद्रीय अर्थसंकल्पावर महाराष्ट्रातील नेत्यांची प्रतिक्रिया, नितीन गडकरी, देवेंद्र फणवीस, जितेंद्र आव्हाड काय म्हणाले पाहा)

देशासाठी परंपरेने कष्ट करणारे 'विश्वकर्मा' हेच देशाचे निर्माते आहेत. पहिल्यांदाच 'विश्वकर्मा'साठी प्रशिक्षण आणि समर्थनाशी संबंधित योजना अर्थसंकल्पात आणण्यात आली आहे. त्यांच्या प्रशिक्षणाची तयारी करण्यात आली आहे. पंतप्रधान विश्वकर्मा कौशल सन्मान करोडो विश्वकर्मांच्या जीवनात मोठा बदल घडवून आणेल असे, पंतप्रधान म्हणाले.