Monsoon Session 2025: संसदेचे पावसाळी अधिवेशन आजपासून सुरु, पहलगाम दहशतवादी हल्ला आणि ऑपरेशन सिंदूर मुद्द्यांवरु केद्राची कसोटी
संसदेच्या 2025 च्या पावसाळी अधिवेशनाची सुरुवात विरोधी इंडिया आघडीने ऑपरेशन सिंदूर, पहलगाम दहशतवादी हल्ला, विमान वाहतूक सुरक्षेच्या चिंता आणि मणिपूरमधील राष्ट्रपती राजवटीवर (President’s Rule Manipur) केंद्राला घेरण्याच्या तयारीने केली.
सदेचे पावसाळी अधिवेशन (Monsoon Session 2025) आजपासून जोरदार होत आहे. पहलगाम दहशतवादी हल्ला (Pahalgam Terror Attac), ऑपरेशन सिंदूर (Operation Sindoor), बिहार स्पेशल इंटेन्सिव्ह रिव्हिजन (SIR) आणि एअर इंडिया AI 171 क्रॅश यासारख्या अनेक महत्त्वाच्या मुद्द्यांवर विरोधी पक्ष नरेंद्र मोदी यांच्या नेतृत्वाखालील सरकारला घेरण्यासाठी सज्ज झाले आहेत. ऑपरेशन सिंदूर दरम्यान भारत आणि पाकिस्तान यांच्यात शांतता प्रस्थापित करण्याच्या अमेरिकेचे अध्यक्ष डोनाल्ड ट्रम्प यांच्या वारंवारच्या दाव्यांवरही विरोधी पक्ष सरकारला प्रश्न विचारण्याची अपेक्षा आहे. 26 जणांचा बळी घेणाऱ्या पहलगाम दहशतवादी हल्ल्यानंतर सुरू करण्यात आलेल्या ऑपरेशन सिंदूर या कोडनेम असलेल्या दहशतवादी छावण्यांवर भारताने केलेल्या अचूक हल्ल्यानंतर हे पहिलेच संसदीय अधिवेशन आहे. याआधी विरोधी पक्षांनी या प्रकरणावर लक्ष केंद्रित करण्यासाठी विशेष अधिवेशन बोलावण्याची मागणी केली होती, ज्यामध्ये पीडितांना जबाबदारी आणि न्याय मिळावा अशी मागणी करण्यात आली होती.
विमान सुरक्षिततेवर संसदेत चर्चेची शक्यता
या अधिवेशनात विमान वाहतूक सुरक्षेचे प्रश्नही पुढे येणार आहेत. प्रवासी सुरक्षितता, Boeing 787 Dreamliner विमानांची तपासणी आणि नागरी उड्डयन महासंचालनालय (DGCA) कडून करण्यात आलेल्या ऑडिट्स यावर चर्चा अपेक्षित आहे.
RJD चे राज्यसभा खासदार मनोज कुमार झा यांनी मागील 3 वर्षांत DGCA ने किती सुरक्षा व देखभाल तपासण्या केल्या, त्यातून किती अनियमितता सापडल्या आणि नियमांचे पालन न करणाऱ्या विमानकंपन्यांवर काय कारवाई झाली याची माहिती मागितली आहे. AAP खासदार संदीप कुमार पाठक यांनीही प्रवासी सुरक्षिततेबाबत प्रश्न उपस्थित केला असून BJP खासदार अशोकराव शंकरराव चव्हाण यांनी Boeing 787 Dreamliner (AI 171 सारखे मॉडेल) विमानांवरील तपासण्यांचा तपशील मागितला आहे.
लोकसभेतील व राज्यसभेतील प्रमुख कामकाज
अधिकृत कामकाजयादीप्रमाणे, गजेंद्रसिंह शेखावत, अर्जुन राम मेघवाल, जयंत चौधरी, पंकज चौधरी, किर्ती वर्धन सिंह, रक्षा खडसे आणि सुकांत मजूमदार यांसह अनेक केंद्रीय मंत्री लोकसभेत त्यांच्या संबंधित मंत्रालयांशी निगडित कागदपत्रे सादर करणार आहेत.
खासदार सुप्रिया सुळे Income-Tax Bill, 2025 वरील निवड समितीचा अहवाल तसेच समितीसमोर नोंदवलेली साक्ष नोंदींची प्रत सभागृहासमोर ठेवतील. तसेच गोवा राज्यातील विधानसभा मतदारसंघांमध्ये अनुसूचित जमातींच्या प्रतिनिधित्वाचा पुनर्समायोजन करणारा Readjustment of Representation of Scheduled Tribes in Assembly Constituencies of the State of Goa Bill, 2024 हा विधेयक अर्जुन राम मेघवाल विचारार्थ मांडतील.
राज्यसभेच्या कामकाज यादीत विमान सुरक्षा विषयक प्रश्नांसोबतच इतर मुद्द्यांचा समावेश असून, दोन्ही सभागृहांत मणिपूरमधील President’s Rule (13 February 2025 रोजी Article 356(1) अंतर्गत लागू) वाढविण्यास मंजुरी मागणारा ठरावही विचारात घेतला जाणार आहे.
अधिवेशनाचा कालावधी आणि कायदेविषयक अजेंडा
Monsoon Session 2025 मध्ये एकूण 21 बैठकांत 32 दिवसांचे कामकाज नियोजित आहे. 12 August ते 18 August दरम्यान अधिवेशनाला विश्रांती असेल आणि 21 August रोजी पुन्हा बैठक घेतली जाईल. केंद्रीय संसदीय कामकाज मंत्री किरेन रिजिजू यांच्या म्हणण्यानुसार, या सत्रात चर्चेसाठी 17 विधेयके व अन्य कामकाज घटक निश्चित करण्यात आले आहेत.
दरम्यान, दोन्ही सभागृहांत माजी सदस्यांना श्रद्धांजली वाहण्यासाठी शोकप्रस्ताव सादर केले जातील. राज्यसभेत विरोधी पक्षनेते आणि काँग्रेस अध्यक्ष मल्लिकार्जुन खर्गे यांना वाढदिवसाच्या शुभेच्छाही नोंदवल्या जातील.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)