कोरोना व्हायरस विरुद्धच्या लढ्यात मदत म्हणून कोटक महिंद्रा बँकेकडून 50 कोटी रुपयांचे योगदान
कोरोना व्हायरसच्या गंभीर संकटावर मात करण्यासाठी PM CARES फंडात अनेकजण निधी जमा करत आहेत. यातच आता कोटक महिंद्रा बँकेने देखील पुढे येत मदत करण्याचा निर्णय घेतला आहे.
कोरोना व्हायरसच्या (Coronavirus) गंभीर संकटावर मात करण्यासाठी PM CARES फंडात अनेकजण निधी जमा करत आहेत. यातच आता कोटक महिंद्रा बँकेने (Kotak Mahindra Bank) देखील पुढे येत मदत करण्याचा निर्णय घेतला आहे. PM CARES फंडात कोटक बँकेकडून आणि बँकेचे डिरेक्टर उदय कोटक (Uday Kotak) यांच्याकडून तब्बल 50 कोटी रुपये जमा करण्यात येणार आहेत. यापैकी 25 कोटी रुपये कोटक बँकेकडून देण्यात येणार असून उर्वरीत 25 कोटी रुपये स्वतः उदय कोटक देणार आहेत.
पंतप्रधान नरेंद्र मोदी यांनी ट्विट करत PM CARES फंडात पैसे जमा करण्याचे आवाहन केले होते. अगदी लहान देगणी देखील यात स्वीकारली जाईल. यामुळे संकटाशी सामना करण्याची क्षमता वाढेल आणि नागरिकांची सुरक्षितता जपली जाण्यास मदत होईल असेही त्यात म्हटले होते. मोदींच्या या आवाहनानंतर अनेकजण मदतीचा हात पुढे करत आहेत.
ANI Tweet:
यापूर्वी केंद्रीय रेल्वेमंत्री पियुष गोयल यांच्यासह 3 लाख रेल्वे कर्मचारी आपला महिन्याभराचा पगार PM CARES फंडात जमा करणार असल्याचे सांगितले. तसंच BCCI ने PM CARES फंडात 51 कोटींचे दान दिले होते. अभिनेता अक्षय कुमार याने देखील 25 कोटी रुपये मदत म्हणून PM CARES फंडात दिले आहेत. इतंकच नाही तर टाटा ट्र्स्टकडून 500 कोटी रुपयांची मदत जाहीर करण्यात आली आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)