Kamal Haasan Defends Udhayanidhi Stalin: कमल हसन यांच्याकडून उदयनिधी स्टॅलीन यांचा बचाव, 'सनातन धर्म' टिप्पणीवरुन वाद
उदयनिधी स्टॅलीन हे डिएमके नेते आणि विद्यमान तामिळनाडू सरकारमध्ये मंत्री आहेत. तर, कमल हसन हे मक्कल निधि मैयम (MNM) या राजकीय पक्षाचे प्रमुख आणि तामिळ अभिनेते-राजकारणी आहेत. त्यांनी म्हटले आहे की, उदयनिधी स्टॅलिन या लहान मुलाला या मुद्द्यावरून लक्ष्य केले जात आहे. 22 सप्टेंबर रोजी पक्ष कार्यकर्त्यांच्या बैठकीत अभिनेत्याने हे विधान केले होते.
Sanatan Dharma Remark Row: कमल हसन (Kamal Haasan) यांनी उदयनिधी स्टॅलीन (Udhayanidhi Stalin) यांच्या 'सनातन धर्म' (Sanatana Dharma) निर्मूलन वक्तव्यावरुन समर्थन केले आहे. उदयनिधी हे डिएमके नेते आणि विद्यमान तामिळनाडू सरकारमध्ये मंत्री आहेत. तर, कमल हसन हे मक्कल निधि मैयम (MNM) या राजकीय पक्षाचे प्रमुख आणि तामिळ अभिनेते-राजकारणी आहेत. त्यांनी म्हटले आहे की, उदयनिधी स्टॅलिन या लहान मुलाला या मुद्द्यावरून लक्ष्य केले जात आहे. 22 सप्टेंबर रोजी पक्ष कार्यकर्त्यांच्या बैठकीत अभिनेत्याने हे विधान केले होते.
'उदयनिधी स्टॅलीन काहीही वावगं बोलले नाहीत'
कमल हसन यांनी म्हटले आहे की, उदयनिधी स्टॅलीन हे लहान आहेत. पक्षाच्या कार्यक्रमात ते बोलले आहेत. असे असूनही त्यांना लक्ष्य केले जात आहे. पण, ते काहीही चुकीचे बोलले नाहीत. त्यांचे आजोबा आजोबा आणि दिवंगत DMK नेते एम करुणानिधी यांसारख्या द्रविड चळवळीतील अनेक नेत्यांनीही यापूर्वी याबद्दल असे बोलले आहे. सुधारणावादी नेते पेरियार यांची व्याप्ती ई.व्ही. रामास्वामी यांची सामाजिक दुष्प्रवृत्तींबद्दलची नाराजी त्यांच्या जीवनातून समजू शकते, असेही हसन यांनी म्हटले आहे.
'पेरियार यांच्यामुळेच सनातन शब्द समजला'
कमल हसन यांनी पुढे जोर देत म्हटले की, खरेतर पेरियार यांच्यामुळेच आपल्याला सनातन हा शब्द समजू शकला. पेरियार हे एका मंदिराचे पुजारी होते आणि त्यांनी काशीतील वास्तव्यादरम्यान पूजाही केली होती. परंतु त्यांनी सर्वस्वाचा त्याग केला आणि आपले संपूर्ण आयुष्य लोकांच्या सेवेसाठी समर्पित केले. सत्ताधारी द्रमुक किंवा इतर कोणताही पक्ष असा दावा करू शकत नाही की पेरियार फक्त त्यांचेच आहेत आणि संपूर्ण तामिळनाडूला त्यांचा नेता म्हणून अभिमान वाटला पाहिजे, असेही ते म्हणाले.
ट्विट
I saw about the Supreme Court order in the media. There is still no notice received from SC asking for an explanation says Tamil Nadu minister Udhayanidhi Stalin on SC notice on his 'Sanatan Dharma' remarks pic.twitter.com/Gq17xqLj9l
— ANI (@ANI) September 23, 2023
कोर्टाची नोटीस अद्याप मिळाली नाही- उदयनिधी
दरम्यान, उदयनिधी स्टॅलिन यांना सनातन धर्म निर्मूलन वक्तव्यावरुन नोटीस बजावल्याचे वृत्त प्रसारमाध्यमांनी दिले आहे. यावर विचारले असता 'होय, मलाही प्रसारमाध्यमातूनच त्याबाबत कळले. पण, अद्याप तरी कोर्टाकडून कोणतीही सूचना, नोटीस आपणास प्राप्त झाली नाही', असे उदयनिधी स्टॅलीन यांनी म्हटले आहे.
(The above story first appeared on LatestLY on Sep 23, 2023 03:47 PM IST. For more news and updates on politics, world, sports, entertainment and lifestyle, log on to our website latestly.com).
