'मिग 29के' विमानाचा ड्रॉप टॅंक कोसळला, गोवा विमानतळाची वाहतूक स्थगित
मिग 29 के या लढाऊ विमानाचा ड्रॉप टॅंक कोसळल्याने गोवा विमानतळाच्या जवळ आग लागली आहे. यामुळे विमानतळावरील वाहतूक पुढील दोन तासांसाठी बंद असणार आहे.
मिग 29 के ( Mig 29k) या लढाऊ विमानाचा ड्रॉप टॅंक कोसळल्याने गोवा विमानतळाजवळ (Goa Airport) आग लागली आहे. यामुळे विमानतळावरील वाहतूक काही काळासाठी बंद ठेवण्यात आली आहे. याबाबत नौदलाच्या प्रवक्त्यांनी माहिती देत लवकरात लवकर आगीवर नियंत्रण आणून विमानसेवा पुन्हा पुर्वव्रत करण्याचे प्रयत्न सुरु असल्याचे म्हंटले आहे. दाभोली विमानतळावरून उड्डाण घेताच मिग 29 के या लढाऊ विमानाची इंधन टाकी खाली कोसळली हवेच्या दाबामुळे लगेचच या टाकीने पेट घेतला. आग लागली असली तरी सुदैवाने मिग 29के विमानाला व वैमानिकांना कोणतीही हानी झालेली नाही.
ANI ट्विट
Spokesperson Navy: Goa Airport closed temporarily for a few hours in view of fire caused by a drop tank of MiG 29K which got detached whilst taking off. All efforts in hand to resume flights as soon as possible. MiG 29K fighter aircraft is safe. (Pic courtesy: Spokesperson Navy) pic.twitter.com/dpPbMhBodV
— ANI (@ANI) June 8, 2019
आगीवर नियंत्रण येताच विमानसेवा सुरु करण्यात येईल मात्र तूर्तास पुढील दोन तासांसाठी गोवा विमानतळ बंद ठेवण्यात आल्याचे देखील नौदलाच्या अधिकाऱ्यांनी सांगितले आहे. यामुळे गोव्याकडे जाणाऱ्या विमानाची वाहतूक देखील उशिराने होणार आहे.
(The above story first appeared on LatestLY on Jun 08, 2019 04:11 PM IST. For more news and updates on politics, world, sports, entertainment and lifestyle, log on to our website latestly.com).
