Ghaziabad Gang Rape News: हौसिंग सोसायटीतील महिला सुरक्षा रक्षकावर सामूहिक बलात्कार, गाझियाबाद येथील घटना

उत्तर प्रदेश राज्यातील गाझियाबाद (Ghaziabad ) येथे धक्कादायक घटना घडली आहे. एका गृहनिर्माण संस्थेमध्ये सुरक्षा रक्षक म्हणून काम करणाऱ्या महिलेवर तिच्या सहकाऱ्यांनीच सामूहिक बलात्कार (Gang Rape News) केला आहे. वय वर्षे 19 असलेल्या सुरक्षारक्षक महिला कर्मचाऱ्याला पर्यवेक्षक आणि तिच्या दोन सहकाऱ्यांनी मारहाण केली. या मारहाणीस तिने विरोध केला. त्यानंतर त्यांनी तिच्यावर सामूहिक बलात्कार केला. या घटनेनंतर पीडितेला मोठा मानसिक धक्का बसला. तिला शारीरिक त्रास झाल्याने जीवावर बेतेल हे लक्षात आल्याने आरोपींनीच तिला रुग्णालयात दाखल केले.

धक्कादायक म्हणजे पोलिसांपासून आणि कायदेशीर कारवाईपासून वाचण्यासाठी तसेच घटनेची वाच्यता होऊ नये यासाठी आरोपींनी पीडितेला गाझियाबादऐवजी ग्रेटर नोएडा येथील खासगी रुग्णालयात दाखल केले. मात्र, पीडितेच्या नातेवाईकांना घटनेची माहिती मिळताच त्यांनी सोसायटीकडे धाव घेतली. तसेच, पोलिसांमध्ये जाऊन घटनेची माहिती दिली.

घटनेची माहिती कळताच पोलिसांनी तातडीने तपासास सुरुवातकेली. या प्रकरणात पोलिसांनी एकास अटक केली आहे. तर उर्वरीत दोन आरोपींचा शोध घेतला जात आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)