Exit Polls And Stock Market Chronology: शेअर मार्केट क्रोनोलॉजी वास्तवात? अखिलेश यादव यांनी एग्झिट पोल निकालानंतर केले होते भाकीत
समाजवादी पक्षाचे सर्वेसर्वा अखिलेश यादव (Akhilesh Yadav) यांनी तर थेट एक्झिट पोल्स आणि भारतीय शेअर बाजार यांबाबत क्रोनोलॉजी समजून सांगत भाजपवर टीका केली होती. ही क्रोनोलॉजी खरोखरच वास्तवात उतरली की काय अशीही चर्चा आता राजकीय वर्तुळात व्यक्त केली जात आहे.
लोकसभा निवडणूक 2024 मध्ये झालेल्या मतदानाची मतमोजणी उद्या म्हणजेच 4 जून रोजी पार पडत आहे. तर्पूर्वी 1 जून रोजी एक्झिट पोल्सचे (Exit Polls) निकाल आले. या निकालाचे भारतीय शेअर बाजारात जोरदार पडसाद उमटले. आज (3 जून) सकाळी पहिल्या सत्रात शेअर बाजार (Stock Market) सुरु झाला तेव्हा 30 शेअर्सच्या सेन्सेक्सने (Sensex) आज सकाळी 2,000 अंकांची वाढ नोंदवली, तर 50 शेअर्सच्या निफ्टीने (Nifty) बाजार उघडताना चार वर्षांतील सर्वात मोठी उडी नोंदवली. दरम्यान, एक्झिट पोल्सच्या (Exit Polls) निकालावरुन विरोधकांनी मात्र जोरदार टीकास्त्र सोडले होते. समाजवादी पक्षाचे सर्वेसर्वा अखिलेश यादव (Akhilesh Yadav) यांनी तर थेट एक्झिट पोल्स आणि भारतीय शेअर बाजार यांबाबत क्रोनोलॉजी समजून सांगत भाजपवर टीका केली होती. ही क्रोनोलॉजी खरोखरच वास्तवात उतरली की काय अशीही चर्चा आता राजकीय वर्तुळात व्यक्त केली जात आहे. एक्झिट पोल्स निकालातील जनमताचा कल, अखिलेश यादव यांचे भाकीत आणि भारतीय शेअर बाजार याबाबतच्या आजच्या घडामोडींबाबत घ्या जाणून.
शेअर बाजारातील सकाळच्या सत्रातील स्थिती
शेअर बाजार उलाढालीत महत्त्वाची भूमिका निभावणाऱ्या सेन्सेक्स आणि निफ्टी या दोन्ही निर्देशांकांनी अनुक्रमे बॉम्बे स्टॉक एक्स्चेंज आणि नॅशनल स्टॉक एक्सचेंज विक्रमी उच्चांक गाठला. सर्व सेन्सेक्स आणि निफ्टी समभाग सध्या हिरव्या रंगात आहेत. प्री-ओपनच्या वेळी, निफ्टी 800 अंकांपेक्षा जास्त किंवा 3.58% वाढून 23,227.90 वर पोहोचला, तर सेन्सेक्स 2,621.98 अंकांनी किंवा 3.55% ने 76,583.29 वर गेला. अदानी पोर्ट्स, अदानी एंटरप्रायझेस, पॉवर ग्रीड, श्रीराम फायनान्स आणि एनटीपीसी यांचा बाजारातील रॅली चालविणाऱ्या अव्वल परफॉर्मर्समध्ये समावेश होता. (हेही वाचा, Trading Platforms Down: ट्रेडिंग प्लॅटफॉर्म Groww, Zerodhaसह CDSL वेबसाईट डाऊन, वापरकर्ते चिंतेत)
एक्झिट पोल्सचा अंदाज काय?
लोकसभा निवडणुकीच्या सातव्या टप्प्यासाठी शनिवारी झालेल्या मतदानानंतर आलेल्या 12 एक्झिट पोल्सच्या अंदाजातजनमत विद्यमान केंद्र सरकारच्या बाजूने असल्याचे दर्शवण्यात आले. पोल्सच्या निकालांमध्ये भाकीत करण्यात आले की, सत्ताधारी एनडीए आघाडीसह भाजपला 365 जागा मिळतील. भारतात सरकार स्थापन करण्यासाठी पक्ष किंवा आघाडीला किमान 272 जागांची आवश्यकता असते. त्यामुळे विश्लेषकांच्या मते, एक्झिट पोल्सचे निकाल बाजार राजकीय स्थैर्यासाठी अनुकूल आहेत. सरकारमधील कोणताही बदल सामान्यत: शेअर मार्केटमध्ये अस्थिरता आणतो. (हेही वाचा, Share Market Fraud: बोगस शेअर मार्केट कंपनीचा पर्दाफाश, वडोदरा येथे 17 जणांना अटक; गुजरात पोलिसांची कारवाई)
एक्झिट पोल्स अचूक नसतो
एक्झिट पोलने असेही भाकीत केले आहे की भाजप दक्षिणेकडील केरळ आणि तामिळनाडूमध्ये लक्षणीय प्रवेश करेल आणि पूर्वेला ओडिशा आणि बंगालमध्ये मोठ्या प्रमाणात पाऊल ठेवेल. दरम्यान, आमच्या वाचकांसाठी इशारा असा की, एक्झिट पोल नेहमीच निकालाचा अचूक अंदाज लावत नाहीत. भाजपने एक्झिट पोलच्या अंदाजांचे स्वागत केले आहे, तर विरोधकांनी अंदाज फेटाळून लावला असून, वास्तविक निकाल वेगळे चित्र रंगवतील, असे सुचवले आहे. भारतीय गटातील विरोधी पक्षांच्या नेत्यांच्या बैठकीनंतर, काँग्रेसचे प्रमुख मल्लिकार्जुन खर्गे यांनी शनिवारी सांगितले की, ब्लॉकला एकूण 543 जागांपैकी किमान 295 जागा जिंकण्याची अपेक्षा आहे.
एक्स पोस्ट
एक्ज़िट पोल की क्रोनोलॉजी समझिए:
- विपक्ष ने पहले ही घोषित कर दिया था कि भाजपाई मीडिया भाजपा को 300 पार दिखाएगा, जिससे घपला करने की गुंजाइश बन सके.
- आज का ये भाजपाई एक्ज़िट पोल कई महीने पहले ही तैयार कर लिया गया था बस चैनलों ने चलाया आज है.
- इस एक्ज़िट पोल के माध्यम से…
— Akhilesh Yadav (@yadavakhilesh) June 2, 2024
अखिलेश यादव यांनी काय म्हटले
दरम्यान, उत्तर प्रदेशचे माजी मुख्यमंत्री आणि समाजवादी पक्षाचे सर्वेसर्वा अखिलेश यादव यांनी एक्झिट पोल्सच्या अंदाजांवर टीका करत म्हटले होते की, विरोधकांनी आगोदरच स्पष्ट केले आहे की, भाजपाई मीडिया भाजपला 300 पेक्षा अधिक जागा मिळतील असे दाखवतील. ज्यामुळे घपला करण्याची शक्यता वाढेल. आज आलेला एक्झिट पोल एक महिन्यापूर्वीच तयार करण्यात आला आहे. फक्त वाहिन्यांनी तो आज चालवला आहे. एक्झिट पोल्सच्या माध्यमातून लोकांसोबत धोका केला जात आहे. ज्याच्या आधारे भाजप सोमवारी उघडणाऱ्या शेअर बाजारातून अधिक फायदा घेऊ इच्छिते. ही एक क्रोनोलॉजी आहे. लोकांनी ती समजून घ्यायला पाहिजे.
(The above story first appeared on LatestLY on Jun 03, 2024 11:26 AM IST. For more news and updates on politics, world, sports, entertainment and lifestyle, log on to our website latestly.com).
