Delhi, Patna, Lucknow Most Polluted Cities: देशात तब्बल 70 टक्के शहरांमध्ये हवा प्रदूषित, फक्त 11 टक्के शहरांमध्ये स्वच्छ हवा; दिल्ली, पाटणा, लखनऊ सर्वात प्रदूषित शहरे
दिल्लीतील हवेचा दर्जा मंगळवारी सकाळी खूपच खालावला आहे. एक्यूआय 494 वर पोहोचला होता. नव्या माहितीनुसार, दिल्ली पाटणा लखनऊ येथील हवेची सर्वात प्रदूषित हवा म्हणून गणना झाली आहे. गुवाहाटी तिरुवनंतपुरममध्ये सर्वात कमी प्रदूषण आहे.
Delhi, Patna, Lucknow Most ed Cities: दिल्ली, पाटणा, लखनऊ, भिवानी आणि बिकानेरमधील हवेची गुणवत्ताही आपत्कालीन स्थितीत कायम आहे. भारतातील वाढत्या प्रदूषणाने (India Air Pollution) जीवघेणी पातळी गाठली आहे. परिस्थिती अशी आहे की देशातील केवळ 11 टक्के शहरांमध्ये हवा स्वच्छ आहे. तर जवळपास 70 टक्के शहरांमध्ये परिस्थिती चिंताजनक (Most Polluted Cities) आहे. आकडेवारीवर नजर टाकल्यास दिल्लीसह अन्य तीन शहरांमध्ये प्रदूषणामुळे परिस्थिती गंभीर आहे. (Delhi Air Pollution: दिल्लीत 10वी आणि 12वीचे वर्गही ऑनलाइन चालणार, SC च्या आदेशानंतर मुख्यमंत्री आतिशी यांचा निर्णय)
दिल्लीमध्ये हवेचा दर्जा निर्देशांक 494 वर नोंदवला गेला आहे. त्याचप्रमाणे भिवानी (415), आणि बिकानेर (403) येथील हवेची गुणवत्ताही आपत्कालीन स्थितीत आहे. या सर्व शहरांमध्ये हवेचा दर्जा निर्देशांक 400 च्या पुढे गेला आहे. जागतिक आरोग्य संघटनेने ठरवून दिलेल्या मानकांवर आधारित, बहादूरगढमधील प्रदूषण पातळी 2,867 टक्क्यांनी जास्त आहे. दिल्लीतही प्रमाणापेक्षा 2,840 टक्के जास्त प्रदूषणाची नोंद झाली आहे. ज्यावरून स्पष्टपणे दिसून येते की भारतीय शहरांमधील हवा आरोग्यासाठी अत्यंत वाईट आहे.
तसेच देशातील 46 शहरांमध्ये हवा 'खराब' राहिली आहे. या शहरांमध्ये आगरतळा, आसनसोल, बद्दी, बदलापूर, बागपत, बराकपूर, बेगुसराय, भागलपूर, भिवंडी, भोपाळ, बिहारशरीफ, बिलीपाडा, बोईसर, बक्सर, बर्निहाट, चंदीगड, चरखी दादरी, छपरा, फरीदाबाद, हल्दिया, हावडा, जैसलमेर, जोधपूर यांचा समावेश आहे. कैथल, कानपूर, खन्ना, खुर्जा, किशनगंज, कोलकाता, कुरुक्षेत्र, लखनौ, लुधियाना, मंडीदीप, मानेसर, मेरठ, मुंगेर, मुझफ्फरनगर, मुझफ्फरपूर, पिंपरी-चिंचवड, राजगीर, समस्तीपूर, सिंगरौली, तालचेर, टोंक, विल्हार नगर.
दुसरीकडे, रामनाथपुरममध्ये देशातील सर्वात स्वच्छ हवा आहे, जिथे हवा गुणवत्ता निर्देशांक 19 वर नोंदवला गेला आहे. अशा परिस्थितीत देशातील सर्वात प्रदूषित शहर बहादूरगढची तुलना रामनाथपुरमशी केली, तर तेथील परिस्थिती जवळपास 22 पट वाईट आहे.
रामनाथपुरमप्रमाणेच देशातील इतर २६ शहरांमध्ये हवेची गुणवत्ता चांगली आहे. या शहरांमध्ये आयझॉल, अरियालूर, बागलकोट, चामराजनगर, चिक्कमगालुरू, कोईम्बतूर, दिंडीगुल, हसन, कलबुर्गी, कांचीपुरम, करूर, कोप्पल, मदिकेरी इत्यादींचा समावेश आहे. मात्र, कालपासून देशातील स्वच्छ हवेच्या शहरांची संख्या २७ टक्क्यांनी घसरली आहे, ही चिंतेची बाब आहे.
ताज्या ट्रेंडनुसार, देशातील 51 लहान-मोठ्या शहरांमध्ये हवेची गुणवत्ता समाधानकारक आहे. या शहरांमध्ये प्रतापगढ, प्रयागराज, पुडुचेरी, पूर्णिया, रामनगर, रानीपेट, ऋषिकेश, सतना, शिवमोग्गा, सिलचर, सिलीगुडी, सिरोही, शिवसागर, तिरुपूर, वाराणसी, वेल्लोर, विजयवाडा इत्यादींचा समावेश आहे.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
