Ramesh Bidhuri Controversy: आगोदर घाणेरडे वक्तव्य, नंतर माफी; भाजप नेते बिधुरी Priyanka Gandhi यांच्याबद्दलच्या टिप्पणीमुळे वादात

भारतीय जनता पक्षाचे (BJP) कालकाजी येथील आमदार उमेदवार रमेश बिधुरी (Ramesh Bidhuri) यांनी एका प्रचारसभेत काँग्रेस खासदार प्रियांका गांधी (Priyanka Gandhi) यांच्याबद्दल केलेल्या वक्तव्यामुळे वाद (Ramesh Bidhuri Controversial Statements) निर्माण झाला आहे. या विधानामुळे विरोधी नेते आणि नागरी समाजाकडून व्यापक टीका झाली आहे, अनेकांनी 'महिलांबद्दल घृणास्पद मानसिकतेचे' प्रतिबिंब म्हणून त्याचा निषेध केला आहे. या सर्व टीकेनंतर बिधुरी यांनी सोशल मीडियाच्या माध्यमातून आपल्या वक्तव्याबद्दल माफी मागितली आहे. एका सभेला संबोधित करताना बिधुरी म्हणाले, "लालू म्हणाले की बिहारमध्ये ते हेमा मालिनी यांच्या गालासारखे रस्ते गुळगुळीत करतील. लालू खोटे बोलले; ते असे करू शकले नाहीत. पण मी तुम्हाला आश्वासन देतो, जसे आम्ही ओखल्यात रस्ते सुधारले. आणि संगम विहार, कालकाजीतील सर्व रस्ते आम्ही प्रियंका गांधींच्या गालाप्रमाणे गुळगुळीत नक्कीच करू'.

भाजपचा खरा चेहरा दिसला

काँग्रेस प्रवक्त्या सुप्रिया श्रीनेत यांंच्यासह काँग्रेस नेत्यांनी बिधुरी यांच्या वक्तव्यावर टीका केली. श्रीनेत यांनी एक्सवर (पूर्वीचे ट्विटर) वर या टिप्पणीचे वर्णन 'लज्जास्पद' आणि भाजपच्या कथित महिला विरोधी मानसिकतेचे उदाहरण म्हणून गणले. त्या पुढे म्हणाल्या, 'हा भाजपचा खरा चेहरा आहे. रमेश बिधुरी यांचा इतिहास आहे की त्यांनी संसदेतील त्यांच्या सहकारी खासदारांविरुद्धही, कोणत्याही परिणामांना सामोरे न जाता अपमानास्पद भाषा वापरली आहे.' (हेही वाचा, Priyanka Gandhi 1984 Bag: खासदार Aparajita Sarangi यांच्याकडून प्रियंका गांधी यांना 1984 लिहीलेली बॅग भेट; नवा वाद)

भाजप महिला विरोधी- श्रीनेत

बिधुरी यांनी मागितली माफी

वक्तव्यावरुन जोरदार उमटलेले पडसाद आणि राजकीय वादानंतर रमेश बिधुरी आपल्या विधानापासून काहीसे मागे हटले आहेत. त्यांनी सोशल मीडियाच्या माध्यमातून प्रियंका गांंधी यांच्याबद्दल केलेल्या आपल्या वक्तव्याबद्दल माफी मागितली आहे. माफीमागण्यापूर्वी त्यांनी महिलांबाबत राजकीय नेत्यांनी केलेल्या याआधी केलेल्या वक्तव्याचा संदर्भ देत त्यांनी काँग्रेसवर दुटप्पीपणाचा आरोप केला. काँग्रेसने माफी मागण्यापूर्वी आधी त्यांची कृती सुधारली पाहिजे. आम्ही सर्व स्तरातील महिलांसह सर्वांचा आदर करतो. माझ्या वक्तव्यामुळे कोणाचे मन दुखावले गेले असेल तर मी मनापासून खेद व्यक्त करतो. माझा हेतू कोणाचाही अपमान करण्याचा नव्हता. (हेही वाचा, Priyanka Gandhi on Constitution and Reservation: प्रियंका गांधी यांचे पहिलेच भाषण दणदणीत, संविधान आणि आरक्षणावर मुद्द्यांवरुन भाजपवर हल्लाबोल)

नेमके काय म्हणाले बिधुरी?

कोणाचा अपमान करण्याचा माझा उद्देश नव्हता

विरोधकांची जोरदार टीका

बिधुरी यांच्या या वक्तव्यावर राजकीय क्षेत्रातून तीव्र प्रतिक्रिया उमटल्या आहेत. काँग्रेस नेत्या अलका लांबा यांनी बिधुरींचा निषेध केला आणि दिल्लीवासीयांनी अशा विचारांच्या उमेदवाराला पाठिंबा देऊ नये असे आवाहन केले. तिने विरोध करण्याची आणि बिधुरीविरोधात एफआयआर दाखल करण्याची योजना जाहीर केली. दिल्लीच्या मुख्यमंत्री आतिशी यांनी भाजपला 'महिलाविरोधी' म्हटले आहे, 'जर भाजपचा नेता अशी टिप्पणी करू शकतो, तर पक्ष दिल्लीतील महिलांच्या सुरक्षेची खात्री कशी देऊ शकेल? आगामी निवडणुकीत महिला भाजपला सडेतोड उत्तर देतील.'

अलका लांबा यांच्याकडून बिधुरी यांचा निषेध

आप खासदार संजय सिंह यांनीही भाजपवर टीका केली, त्यांनी X वरील बिधुरीच्या टिप्पण्यांचा व्हिडिओ शेअर केला आणि दिल्लीच्या महिला अशा नेत्यांवर विश्वास ठेवू शकतात का असा सवाल केला. दरम्यान, बिधुरी यांची अशा पद्धतीने वक्तव्य करण्याची ही पहिलीच वेळ नाही. या आधीही त्यांनी तत्कालीन बसपा खासदार दानीश अली यांच्याबद्दल आक्षेपार्ह वक्तव्य केले होते.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)