Alcohol at Rs 99: काय सांगता? अवघ्या 99 रुपयांत मिळणार अनेक ब्रँडची दारू, 'या' राज्याने अधिसूचित केले नवीन मद्य धोरण, जाणून घ्या सविस्तर

Alcohol at Rs 99: भारतात दारूच्या (Liquor) विक्रीतून सरकारला कोट्यवधी रुपये मिळतात. मद्याचे अनेक ब्रँड बाजारात उपलब्ध आहेत, त्यातील काहींची किंमत एक हजार रुपयांपेक्षा जास्त आहे, मात्र आता आंध्र प्रदेशात (Andhra Pradesh) दारू स्वस्त झाली आहे. आंध्र प्रदेशमध्ये 12 ऑक्टोबरपासून नवीन दारू धोरण लागू होणार आहे. या पॉलिसी अंतर्गत, तुम्हाला 180 मिलीलीटर दारूची बाटली फक्त 99 रुपयांमध्ये मिळू शकते. यासह मुख्यमंत्र्यांनी आपले निवडणूक आश्वासन पूर्ण केले आहे.

हे धोरण लागू झाल्यानंतर विषारी किंवा अनधिकृत दारूला आळा बसेल आणि दारू पिणाऱ्यांच्या संख्येत मोठी वाढ होण्याची शक्यता आहे. नवीन मद्य धोरणांतर्गत सरकार दारू 99 रुपये किंवा त्याहून कमी किमतीत उपलब्ध करून देणार आहे. एवढेच नाही तर दारूची दुकाने आता आणखी तीन तास सुरू राहणार आहेत. या नवीन धोरणामुळे सरकारने 2000 कोटी रुपयांहून अधिक महसुलाचे लक्ष्य ठेवले आहे.

चंद्राबाबू नायडू सरकारने आंध्र प्रदेशमध्ये दर्जेदार मद्य ब्रँड उपलब्ध करून देण्यासाठी हा महत्त्वपूर्ण निर्णय घेतला आहे. दारू धोरण शिथिल करून सर्वसामान्यांना कमी किमतीत दर्जेदार मद्य उपलब्ध करून देणे हे सरकारचे उद्दिष्ट आहे. या योजनेची खास गोष्ट म्हणजे प्रत्येक ग्राहकाला 180 मिलीलीटर दारूसाठी 99 रुपये मोजावे लागणार आहेत. नव्या सुधारणांमुळे सर्वसामान्यांना कमी किमतीत दर्जेदार दारू उपलब्ध करून देण्याचा सरकारचा दावा असला, तरी त्यातून महसूल मिळवणे हे सरकारचे उद्दिष्ट आहे. (हेही वाचा: Dry Day On Gandhi Jayanti 2024: गांधी जयंतीनिमित्त आज देशभरातील सर्व दारू दुकाने बंद, ड्राय डे घोषित)

खासगी कंपन्यांना मद्यविक्रीची परवानगी देण्याचा निर्णयही सरकारने घेतला आहे. चंद्राबाबू नायडू यांनी जगन मोहन रेड्डी सरकारच्या काळात बंद केलेली खासगी क्षेत्रातील दारू विक्री पुन्हा सुरू केली आहे. राज्यभरात 3736 नवीन आउटलेट उघडण्यात आले आहेत. दरम्यान, तुम्ही आंध्र प्रदेशातून ट्रेनने प्रवास करत असाल तर तुम्हाला फक्त 2 लिटर दारू आणण्याची परवानगी आहे. यापेक्षा जास्त असल्यास 500 रुपये दंड आणि 6 महिने तुरुंगवास होऊ शकतो आणि पुढील प्रवासाचे तिकीट रद्द केले जाऊ शकते. जर तुम्ही कारने प्रवास करत असाल तर तुम्ही एक लिटर दारू आणू शकता. यापेक्षा जास्त असल्यास कारवाई केली जाईल. जर तुम्ही विमानाने प्रवास करत असाल तर तुम्ही जास्त अल्कोहोल आणू शकता, परंतु याचेही काही नियम आहेत ज्यांची तुम्हाला जाणीव असणे आवश्यक आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)