दोन मुलांची हत्या करून एका व्यक्तीची आत्महत्या; बेरोजगाराला वैतागून केले हे कृत्य ; 9 फेब्रुवारी 2020 च्या ताज्या मराठी बातम्या आणि ब्रेकिंग न्यूज LIVE

शालीमार येथील राहत्या घरात दोन मुलांची हत्या केल्यानंतर एका व्यक्तीने मेट्रो ट्रेनच्या मार्गावर उडी मारून आत्महत्या केली. बेरोजगारीला वैतागून संबंधित व्यक्तीने आत्महत्या केल्याचे प्राथमिक तपासात समोर आले आहे. ट्वीट-

डोंगरी येथून दाऊद इब्राहिमचा निकटवर्तीय तारिक परवीन याला अटक करण्यात आली आहे.

मनसेच्या महामोर्चासाठी करण्यात आलेल्या व्यवस्थापनेबाबत राज ठाकरे यांनी मुंबई पोलिसांचे ट्वीट करत आभार मानले आहेत.

कोरोना व्हायरसमुळे जहाजावर अडकलेले 138 भारतीय नागरिक सुरक्षित असल्याचे सांगण्यात येत आहे. तर कोरोनामुळे समुद्रात 3 हजार 700 प्रवासी अडकले होते त्यापैकी 60 पेक्षा अधिक जणांना त्याची लागण झाली आहे. 

दिल्ली येथे विधानसभा निवडणूकीसाठी 62.59 टक्के मतदान झाल्याचे निवडणूक आयोगाकडून आकडेवारी जाहीर करण्यात आली आहे. 

घुसखोरांच्या विरोधातील मोर्चानंतर मनसे अध्यक्ष राज ठाकरे महाराष्ट्र दौरा करणार असल्याचे पक्षाचे नेते अभिजीत पानसे यांनी स्पष्ट केले आहे. 

वृक्षतोडीची परवानगी देण्यात तेलगंणा अव्वल असल्याची बाब समोर आली आहे. 

मुख्यमंत्री उद्धव ठाकरे यांनी आज राजभवन येथे राज्यपाल भगत सिंग कोश्यारी यांची भेट घेतली आहे. मात्र कोश्यारी यांची नेमक्या कोणत्या कारणामुळे उद्धव ठाकरे यांनी भेट घेतली हे अद्याप स्पष्ट झालेले नाही. 

मला हिंदुत्व साध्य करण्याची गरज नसल्याची मुख्यमंत्री उद्धव ठाकरे यांनी मनसेच्या महामोर्चावर खोचक टीका केली आहे. 

23 लाख 86 हजार रुपये असलेल्या 2 हजार रुपयांच्या बनावटी नोटा पाकिस्तान आणि दुबई येथून मुंबईत आणल्याचा प्रकार समोर आला आहे. या प्रकरणी गुन्हे शाखेकडून एका आरोपीला अटक करण्यात आली आहे. 

जळगाव येथे खड्डा चुकवण्याच्या प्रयत्नात बसची ट्रकला धडक लागल्याने महिलेचा मृत्यू झाल्याची घटना घडली आहे. 

प्रसिद्ध मॉडेल पूनम पांडेने शिल्पा शेट्टीचा पती राज कुंद्रा आणि त्यांच्या सहकाऱ्याविरोधात फौजदारी गुन्हा दाखल केला आहे. 

आमचा देश म्हणजे धर्मशाळा नाही, अशा शब्दांत राज ठाकरे यांनी सीएएला समर्थन दर्शवलं आहे. मुस्लिमांनी सीएएविरोधात काढलेल्या मोर्चाचा अर्थच लागलेला नाही, असंही राज ठाकरे यावेळी म्हणाले. परदेशात घुसखोरांना थारा दिला जात नाही. मग भारताने काय माणुसकीचा ठेका घेतला आहे काय? असा सवालही त्यांनी यावेळी केला आहे.

राज ठाकरे यांनी सीएएला जाहीर पाठिंबा दर्शवला आहे. केंद्रावर टीका केली की, भाजपच्या विरोधात आणि त्यांच्या एखाद्या निर्णयाला पाठिंबा दिला की मनसे त्यांच्या बाजूने हा काय प्रकार आहे, असा सवालही राज ठाकरे यांनी यावेळी विचारला आहे.  

देशातील CAA, NRC वरुन राज ठाकरे यांनी भाषणादरम्यान पाकिस्तानी, बांगलादेशी घुसखोरांना हकलले पाहिजे असल्याचे विधान केले आहे.

मनसे अध्यक्ष राज ठाकरे यांच्या भाषणाला आझाद मैदानात सुरुवात झाली आहे. 

मनसेच्या महामोर्चाला राज ठाकरे यांच्या उपस्थितीत सुरुवात झाली आहे. या मोर्चाला मनसैनिकांची प्रचंड गर्दी केली आहे. दक्षिण मुंबईत सर्वत्र भगवे वातावरण झाले आहे.

राज ठाकरे यांच्या नेतृत्वाखाली मोर्चाला सुरुवात झाली आहे. राज ठाकरे हिंदू जिमखाना ते मेट्रो सिनेमापर्यंत कार्यकर्त्यांसोबत पायी चालणार आहेत. 

राज ठाकरे यांच्या नेतृत्वाखाली मोर्चाला सुरुवात झाली आहे.

हिंदू जिमखाना येथून निघणारा मनसेच्या मोर्चाचा आझाद मैदानात संपणार आहे. याठिकाणी राज ठाकरे मोर्चाला मार्गदर्शन करणार आहेत. यासाठी आझाद मैदानात व्यासपीठ उभारण्यात आलं आहे.