Coronavirus: दिल्लीत 3 कॅन्सर रुग्णांची कोरोना व्हायरसची चाचणी पॉझिटिव्ह ; 9 एप्रिल 2020 च्या ताज्या मराठी बातम्या आणि ब्रेकिंग न्यूज LIVE

दिल्लीत 3 कॅन्सर रुग्णांची कोरोना व्हायरसची चाचणी पॉझिटिव्ह आल्यानंतर त्यांना रुग्णालयात दाखल करण्यात आल्याची माहिती देण्यात आली आहे. 

मंत्र्यांच्या पुढील एक वर्षाच्या वेतनात 30 टक्के कपात करण्याच्या अध्यादेशाला राष्ट्रपती रामनाथ कोविंद यांनी मंजूरी दिली आहे.

कारागृहात कोरोना व्हायरसचा प्रादुर्भाव टाळण्यासाठी COVID-19 बाधित क्षेत्रातील कारागृहे तातडीने लॉकडाउन करण्याचा निर्णय घेतल्याची माहिती  गृहमंत्री अनिल देशमुख यांनी दिली आहे.

फ्रान्स येथे कोरोना व्हायरसमुळे 12,200 जणांचा मृत्यू झाल्याची माहिती AFP न्यूज यांनी दिली आहे.

 पंजाब येथे कोरोना व्हायरसच्या पार्श्वभुमीवर नागरिकांनी सार्वजनिक ठिकाणी मास्क घालणे अनिवार्य असल्याची सुचना स्थानिक सरकारकडून देण्यात आली आहे. 

पुणे येथे कोरोना व्हायरसचे दिवसभरात 10 नवे रुग्ण आढळल्याने आकडा 176 वर पोहचल्याची माहिती महापौर मुलरीधर मोहोळ यांनी दिली आहे.

महाराष्ट्रात दिवसभरात कोरोनाच्या 229 रुग्णांचे निदान, एकूण आकडा 1364 वर पोहचल्याची माहिती आरोग्यमंत्री राजेश टोपे यांनी दिली आहे.

उत्तराखंड येथे आज एकही कोरोनाचा रुग्ण आढळला नाही. मात्र राज्यातील कोरोनाबाधितांचा आकडा 35 वर कायम असल्याची माहिती देण्यात आली आहे.

वाधवान कुटुंबातील 23 जणांना खंडाळा ते महाबळेश्वर प्रवास करण्याची परवागनी दिल्याने चौकशी करणार असल्याचे गृहमंत्री अनिल देशमुख यांनी स्पष्ट केले आहे.

आसाम येथे उद्यापर्यंत तब्बल 70 हजार क्वारंटाइन रुग्णांना डिस्चार्ज देणार असल्याची माहिती मंत्री हिंमता सरमा यांनी दिली आहे.

आसाम येथे उद्यापर्यंत तब्बल 70 हजार क्वारंटाइन रुग्णांना डिस्चार्ज देणार असल्याची माहिती मंत्री हिंमता सरमा यांनी दिली आहे.

आंध्र प्रदेशात कोरोनाचे नवे 15 रुग्ण आढळल्याने राज्यातील आकडा 363 वर पोहचल्याची माहिती देण्यात आली आहे.

आंध्र प्रदेशात OLA Cabs ला आपत्कालीन वैद्यकीय सेवेसाठी राज्य सरकारची परवानगी देण्यात आली आहे.

भारतात महाराष्ट्र पाठोपाठ नवी दिल्लीत कोरोना बाधितांची संख्या झपाट्याने वाढत चालली आहे. नवी दिल्लीत 51 नव्या रुग्णांसह कोरोना बाधितांची संख्या 720 वर गेली असल्याची माहिती दिल्ली सरकारने दिली आहे. यात 12 रुग्णांचा मृत्यू झाला असून 25 रुग्णांचा डिस्चार्ज मिळाला आहे.

मुंबईसारख्या जास्त लोकसंख्या असलेल्या शहराता दाट लोकवस्तीत लोक छोट्याशा 10X10 च्या खोलील 15 किंवा त्याहून अधिक लोक दाटीवाटीने राहत असतात. अशा लोकांना Social Distancing साठी शाळांमध्ये हलविण्यात येणार असल्याची योजना आखत असल्याची माहिती आरोग्यमंत्री राजेश टोपे यांनी दिली आहे.

पुण्यात कोरोना बाधित मृतांची रीघ सुरुच आहे. नवीन रिपोर्टनुसार, पुण्यात 3 रुग्णांचा मृत्यू झाला असून मृतांचा आकडा 24 वर गेला आहे. ज्यातील 6 जणांचा आज मृत्यू झाला आहे अशी माहिती जिल्ह्याच्या आरोग्य विभागाने दिली आहे.

तेलंगाना मध्ये कोरोना चे नवे 18 रुग्ण आढळले असून या राज्यात कोरोना बाधितांची संख्या 471 वर गेली आहे.

मुंबईत 79 नवे COVID-19 बाधित रुग्ण आढळले असून रुग्णांची एकूण संख्या 775 झाली आहे. तर नव्या 9 रुग्णांचा मृत्यू झाला असून मुंबईतील मृतांची एकूण संख्या 54 वर गेली आहे अशी माहिती मुंबई महापालिकेने दिली आहे.

लॉकडाऊनच्या काळात 24X7 ऑनड्युटी असलेल्या पोलिसांच्या सुरक्षेच्या दृष्टीने केरळ पोलिस विभागाने 'निर्जंतुकीकरण बस' सुरु केली आहे. यात ऑनड्युटी असणा-या पोलिसांना निर्जंतुकीकरण करता येईल. ़

केरळमध्ये 12 नवे कोरोना रुग्ण आढळून आले आहेत. यामुळे केरळमधील कोरोना बाधितांची संख्या 357 वर गेली असल्याची माहिती केरळचे मुख्यमंत्री पिनराई विजयन यांनी दिली आहे.