Betting On Dog Fight: विदेशी कुत्र्यांवर सट्टा लावणाऱ्या 81 जणांना अटक; 19 कुत्रे जप्त, 15 वाहने जप्त
विदेशी कुत्र्यांवर सट्टा खेळला जात असल्याची घटना राजस्थानमधील हनुमानगड जिल्ह्यातून समोर आली आहे. या प्रकरणी 81 जणांना अटक करण्यात आली आहे.
Betting On Dog Fight: राजस्थानमधील हनुमानगड जिल्ह्यात कुत्र्यांवर सट्टा (Dog Fight Betting) लावणाऱ्या 81 जणांना पोलिसांनी अटक केली आहे. शनिवारी ही घटना उघडकीस आली. हनुमानगड टाऊन पोलिस स्टेशन हद्दीतील एका फार्म हाऊसवर (Farm House) छापा टाकून पोलिसांनी विदेशी जातीचे 19 कुत्रे जप्त केले असून 15 वाहने जप्त केली आहेत.
शुक्रवारी रात्री उशिरा चक बुद्धसिंग वाला रोही येथील फार्म हाऊसवर छापा टाकण्यात आला तेथे विदेशी जातीच्या कुत्र्यांवर सट्टा खेळला गेला. पोलिसांचा छापा पडताच अनेकांनी भिंतीवर उड्या मारून पळ काढण्याचा प्रयत्न केला. काही लोकांकडून शस्त्रेही जप्त करण्यात आली आहेत. सट्टेबाजी करताना पकडलेले बहुतेक आरोपी हे शेजारील पंजाब-हरियाणातील रहिवासी होते आणि त्यांनी खाजगी वाहनांमध्ये कुत्रे आणले होते.
काही कुत्रे जखमी अवस्थेत सापडले असून त्यांच्यावर उपचार सुरू असल्याचे सांगितले जात आहे. फार्म हाऊसमध्येच या कुत्र्यांना पोलिसांच्या निगराणीखाली ठेवण्यात आले आहे. आरोपींविरुद्ध प्राणी क्रूरता प्रतिबंधक कायदा व जुगार कायद्यान्वये गुन्हा दाखल करण्यात आला आहे.
अटक केलेल्या आरोपींचा सोशल मीडियावर एक ग्रुप तयार होता. ज्यामध्ये सुमारे 250 सदस्य जोडलेले आहेत आणि हे सर्व लोक ग्रुपच्या माध्यमातून वेगवेगळ्या ठिकाणी कुत्र्यांच्या सट्टेबाजीचे आयोजन करायचे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)