मध्य प्रदेशचे माजी मुख्यमंत्री, कॉंग्रेस नेते कमलनाथ आणि इतर 8 जणांविरोधात FIR; 6 ऑक्टोबर 2020 च्या ताज्या मराठी बातम्या आणि ब्रेकिंग न्यूज LIVE

मध्य प्रदेशचे माजी मुख्यमंत्री, कॉंग्रेस नेते कमलनाथ आणि इतर 8 जणांवर आयपीसी आणि आपत्ती व्यवस्थापन कायद्याच्या अनेक कलमांखाली, राज्यातील जाहीर सभेत कोविड-19 मानदंडांचे उल्लंघन केल्याप्रकरणी एफआयआर नोंदविण्यात आला.

अमेरिकेचे राष्ट्राध्यक्ष डोनाल्ड ट्रंप यांच्यावर सध्या घरीच उपचार सुरु आहेत. पहिल्या रात्री त्यांनी योग्य प्रकारे विश्रांती घेतली असून, आज त्यांच्यामध्ये कोणतीही लक्षणे आढळली नाहीत. एकंदरीत त्यांच्या प्रकृती स्थिर असल्याची माहिती डोनाल्ड ट्रम्प यांच्या फिजीशियनने दिली.

सरकारकडून दिनेश खारा यांची SBI अध्यक्ष म्हणून नियुक्ती करण्यात आली आहे.

पालघर येथे आज रात्री साधारण 9 वाजून 33 मिनिटांनी 3.5 रिश्टर स्केलच्या भूकंपाचा धक्का बसला. नॅशनल सेंटर फॉर सिस्मोलॉजी (NCS) यांनी ही माहिती दिली.

शरद पवार साहेबांच्या सूचनेनुसार बुधवार दि.6 ऑक्टोंबर 2020 रोजी सकाळी 10 ते 12 या वेळेत राष्ट्रवादी कॉंग्रेसचे कार्यालय, मुंबई येथे जनता दरबारात आरोग्यमंत्री राजेश टोपे जनतेला भ्टणार आहेत.

मुंबईमध्ये आज कोरोना विषाणूच्या 1625  नवीन रुग्णांची व 47 मृत्यूंची नोंद झाली आहे. आज शहरामध्ये 1966 रुग्ण बरे झाले आहेत. यासह मुंबईमधील एकूण संक्रमित रुग्णांची संख्या  2,17,090 वर पोहोचली आहे. यामध्ये आतापर्यंतच्या 9,199 मृत्यूंचा व 1,81,485 बरे झालेल्या रुग्णांचा समावेश आहे. सध्या मुंबईमध्ये 23,976 सक्रीय रुग्णांवर उपचार सुरु आहेत.

पंतप्रधान स्वत:ला देशभक्त म्हणवून घेतात. परंतू ते भित्रे आहेत. ते देशाताल सांगत आहेत की चीनने भारताच्या सीमेत पाऊल ठेवले नाही. भारताची जमीन घेतली नाही. जगाला माहिती आहे. अवघ्या जगात एकमेव देश आहे. ज्याची जमीन दुसऱ्या देशाने घेतली आहे. परंतू, हे देशातील नागरिकांना सांगण्याचे धाडसही पंतप्रधान करत नाही, अशा शब्दात काँग्रेस नेते राहुल गांधी यांनी पंतप्रधान नरेंद्र मोदी यांच्यावर टीका केली आहे.

मुंबई शहरातील दाट लोकवस्तीचा परिसर अशी ओळक असलेल्या धारावी परिसरात आज 22 जणांना कोरोना व्हायरस संक्रमन झाले. धारावी परिसरातील कोरोना व्हायरस संक्रमितांची एकूण संख्या 3,280 इतकी झाली आहे. त्यापैकी 192 जणांवर उपचार सुरु आहेत. उर्वरीत 2,795 जणांना डिस्चार्ज देण्यात आला आहे, अशी माहिती मुंबई महापालिका आरोग्य विभागाने दिली आहे.

मनी लाँड्रिंग प्रतिबंधक कायदा2002 (पीएमएलए) कलम 19 अन्वये अंमलबजावणी संचालनालयाने कॉक्स अँड किंग्ज ग्रुपचे सीएफओ अनिल खंडेलवाल आणि कॉक्स आणि किंग्ज ग्रुपचे अंतर्गत लेखा परीक्षक नरेश जैन यांना अटक केली आहे. दोघेही येस बँक प्रकरणात आरोपी आहेत.

ओडिशा राज्यातील एका रासायनिक कारखान्यात झालेल्या स्फोटात 4 जण जखमी झाले आहेत.

एनडीएने एकूण 243  मतदारसंघांसाठी हे जागावाटप जाहीर केले. एनडीएमध्ये संयुक्त जनता दल (JDU) आणि भारतीय जनता पक्ष (BJP) दोन पक्ष प्रमुख आहेत. जनता दल युनायटेड (JDU) 115 जागा लढवणार आहे. तर भारतीय जनता पक्ष 112 जागा लढवणार आहे. उर्वरीत जाका मित्रपक्षांना सोडण्यात येणार आहेत. भाजपने उमेदवारांची यादीही जाहीर केली. ही यादी पहिल्या टप्प्यासाठी आहे.

जम्मू-काश्मीरचे लेफ्टनंट गव्हर्नर मनोज सिन्हा यांनी आज जम्मूमधील शासकीय वैद्यकीय महाविद्यालयाला भेट दिली. त्यांनी कोविड रुग्णांचा आणि रुग्णालय व्यवस्थापनांचा आढावा घेतला.

शिवाजी विद्यापीठ कोल्हापूर येथील सांख्यिकी विभागाचे वरिष्ठ प्राध्यापक डॉ. दिगंबर तुकाराम शिर्के यांची शिवाजी विद्यापीठाच्या कुलगुरूपदी नियुक्ती करण्यात आली आहे. राज्यपाल तथा कुलपती भगतसिंह कोश्यारी यांनी मंगळवारी (दि. 6) डॉ शिर्के यांच्या नियुक्तीची घोषणा केली. डॉ. शिर्के यांची नियुक्ती पाच वर्षांच्या कालावधीसाठी करण्यात आली आहे.

जम्मू-काश्मीर मध्ये नौशेरा सेक्टरमध्ये पाकिस्तानने केलेल्या शस्त्रसंधी उल्लंघनात आपला वीरमरण आलेल्या सुभेदार सुखदेवसिंग यांच्यावर आज पहाटे त्यांच्या जन्मगावी अंत्यसंस्कार करण्यात आले.

उत्सव काळात कोरोना व्हायरस संसर्ग रोखण्यासाठी केंद्रीय आरोग्य मंत्रालयाकडून SOP जारी करण्यात आली आहे. त्यानुसार कंटेन्मेंट झोन बाहेरील परिसरात कोरोना कार्यक्रमांना साजरे करण्यास मान्यता आहे. कंटेन्मेंट झोनमधील नागरिकांना या परिसराबाहेरील लोक सण साजरा करण्यासाठी बाहेरुन प्रोत्साहीत करु शकतात.

आयपीएल 2020 मध्ये मुंबई इंडियन्स संघाने नाणेफेक जिंकत प्रथम फलंदाजी करण्याचा निर्णय घेतला आहे. मुंबई इंडियन्स विरोधात राजस्थान रॉयल्स गोलंदाजी करण्यासाठी मैदानात उतरला आहे.

स्थानिक नक्षलवाद्यांनी इतर भागातील सहा नक्षलवाद्यांना ठार मारल्याचे वृत्त आहे. आम्ही या घटनेचा तपास करत आहोत,अशी माहिती छत्तीसगडमधील बस्तर रेंज मधील पोलिस महानिरीक्षक सुंदरराज पतिंगलिंगम यांनी दिली आहे.

जम्मू कश्मीरमध्ये गेल्या 24 तासात 1,706 जनांना कोरोना व्हायरस संक्रमन झाले आहे. राज्यातील एकूण कोरना संक्रमितांची संख्या 80,476, इतकी झाली आहे. जम्मू-काश्मीर सरकार ही माहिती दिली.

आंध्र प्रदेशमध्ये गेल्या 24 तासात 5,795 नागरिकांना कोरोना व्हायरस संसर्ग झाला. राज्यातील एकूण कोरना व्हायरस संक्रमित रुग्णांची संख्या 7,29,307 इतकी झालीआहे. अशी माहिती आंध्र प्रदेशच्या आरोग्य विभागाने दिली आहे.

बिहारचे मुख्यमंत्री नितीश कुमार यांनी लोकजनशक्ती पक्षाचे नेते चिराग पासवान यांच्यावर टीका केली आहे. रामविलास पासवान आजारी आहेत. आम्ही त्याला बरे करावे अशी आमची इच्छा आहे. परंतू, ते सध्या केंद्रात मंत्री आहेत. ते जदयुच्या पाठिंबाशिवाय राज्यसभा खासदार बनले काय? बिहार विधानसभेत केवळ 2 आमदार असताना भाजप-जदयुने त्यांना राज्यसभेचे तिकीट दिले. असे असताना जर कोणीही काही म्हणतअसेल तर त्याच्याशी आमचा संबंध काय? असा सवाल नीतीश कुमार यांनी उपस्थित केला आहे.