जम्मू-काश्मीरचे लेफ्टनंट गव्हर्नर जी. सी. मुर्मू यांचा राजीनामा; 5 ऑगस्ट 2020 च्या ताज्या मराठी बातम्या आणि ब्रेकिंग न्यूज LIVE

जम्मू-काश्मीरचे लेफ्टनंट गव्हर्नर जी. सी. मुर्मू यांनी पदाचा राजीनामा दिला आहे. सूत्रांनी दिलेल्या माहितीनुसार त्यांना केंद्रात नवीन पद मिळण्याची शक्यता वर्तवली जात आहे.

जे. जे. रुग्णालयातील पाण्याचा निचरा करण्यात आला असून तेथे आता पाणी साचलेले नाही. ई विभागाच्या सहाय्यक आयुक्तांनी जेजे रुग्णालयात व्यक्तिश: भेट दिली असून विभाग कार्यालयाची यंत्रणा देखील पाणी उपसा करणाऱ्‍या संयंत्रांसह हजर आहे, असे मुंबई महापालिकेने म्हटले आहे.

मुसळधार पावसामुळे रेल्वेरुळावर थांबलेल्या आणि पाण्यात अडकलेल्या मुंबई लोकलमधील 55 प्रवाशांना राष्ट्रीय आपत्ती निवारण दालाच्या जवानांनी सुखरुप बाहेर काढले, अशी माहिती एनडीआरएफचे महासंचालक सत्य प्रधान यांनी दिली आहे.

पुणे शहरात आज नव्याने 1,101 कोरोनाबाधित रुग्णांची नोंद झाली असून, एकूण संख्या 60,597 झाली आहे. तर 1,159 रुग्ण कोरोनामुक्त झाले असून सध्या 16,758 रुग्णांवर उपचार सुरू आहेत. शहरातील एकूण तपासणी आता 2,97,737 झाली असून आज 5,698 टेस्ट घेण्यात आल्या.

महाराष्ट्रात होत असलेल्या मुसळधार पावसाच्या पार्श्वभूमीवर पंतप्रधान नरेंद्र मोदी यांनी महाराष्ट्राचे मुख्यमंत्री उद्धव ठाकरे यांच्याशी संवाद साधला. मुसळधार पावसामुळे मुंबई आणि आजूबाजूच्या परिस्थितीबाबत पंतप्रधानांनी सर्वतोपरी सहकार्य करण्याचे आश्वासन दिले. पंतप्रधान कार्यालयाने याबाबत माहिती दिली.

महाराष्ट्र: मुंबईमध्ये होत असणाऱ्या मुसळधार पावसामुळे भायखळा रेल्वे स्थानकाबाहेर मोठ्या प्रमाणावर पाणी साचले. यासह इतर अनेक ठिकाणीही पाणी साचल्याचे आढळले होते.

मुंबई (Mumbai) मध्ये आज कोरोना व्हायरसच्या (Coronavirus) 1,125 रुग्णांची व 42 मृत्यूंची नोंद झाली आहे. यासह मुंबईमधील एकूण रुग्णांची संख्या 1,19,255 वर पोहोचली आहे. आज शहरामधून 711 रुग्ण बरे झाले आहेत.

आज मुसळधार वारा आणि पावसामुळे बीएसई (BSE) इमारतीच्या वरचे चिन्ह (Signage) निखळले. ते जमिनीवर पडून कोणाचे नुकसान होणार नाही किंवा मालमत्तेचे नुकसान होऊ नये यासाठी अग्निशमन दलाची मदत आम्ही घेत असल्याचे माहिती, बॉम्बे स्टॉक एक्सचेंज मुंबईचे मुख्य कार्यकारी अधिकारी आशिष चौहान यांनी दिली.

सुशांतसिंह राजपूतच्या मृत्यू प्रकरणात रिया चक्रवर्तीला ईडीने समन्स बजावला आहे. रियाला 7 ऑगस्ट रोजी मुंबईच्या कार्यालयात एजन्सीसमोर हजर राहण्यास सांगण्यात आले आहे.

मुंबई हायकोर्टाने मुंबई मेट्रोपॉलिटन रीजन डेव्हलपमेंट अथॉरिटीला (MMRDA) काही प्रतिबंध आणि अटींसह मॅंग्रोव्ह बफर झोनमध्ये मेट्रो लाइन 4 चे बांधकाम करण्यास परवानगी दिली.

आज महाराष्ट्रात 10,309 कोरोना व्हायरस रुग्णांची नोंद झाली आहे. आज राज्यात 6,165 रुग्ण डिस्चार्ज झाले असून, 334 रुग्णांचा मृत्यू झाला आहे. सध्या राज्यामधील एकूण रुग्णांची संख्या 4,68,265 झाली आहे. राज्यात सध्या 1,45,961 सक्रीय रुग्णांवर उपचार सुरु असून आतापर्यंत 3,05,521 रुग्ण बरे झाले आहेत.

राज्यातील मुसळधार पावसाच्या पार्श्वभूमीवर महाराष्ट्रात राष्ट्रीय आपत्ती प्रतिसाद दलाची (NDRF) 15 पथके तैनात करण्यात आली आहेत. कोल्हापुरात 4 टीम्स,  सांगलीत 2, मुंबईत 5 संघ आणि सातारा, ठाणे, पालघर व नागपूर येथे प्रत्येकी एक एनडीआरएफ पथक तैनात केले आहे.

मुंबईत सुरु असलेल्या मुसळधार पावसामुळे महापालिकेला हायअलर्ट राहण्याची मुख्यमंत्री उद्धव ठाकरे यांची सुचना दिली आहे.

कर्नाटक येथे मुसळधार पावसामुळे लॅन्डस्लाइड झाले आहे.

मुंबईतील मुसळधार पावसामुळे हिंदमाता परिसरात वॉटर लॉगिंग झाले आहे.

मुसळधार पावसाच्या पार्श्वभुमीवर सीएसटी आणि कुर्ला येथे पालिका शाळांमध्ये तात्पुरते निवारा सुरु  करण्यात आल्याची माहिती महापालिकेने दिली आहे. तसेच असुरक्षित भागातील रहिवाशांना हलविले जाणार असल्याचे ही सांगण्यात आले आहे.

मुंबईसह उपनगरास पडणाऱ्या मुसळधार पावसामुळे मुख्यमंत्री उद्धव ठाकरे यांनी बैठक बोलावली आहे. 

मुंबईतील कुलाबा येथे 22.9mm तर सांताक्रुझ येथे 8.8mm पावसाची नोंद करण्यात आल्याची माहिती IMD यांनी दिली आहे.

मुंबईत वेगवान वाऱ्यास मुसळधार पावसाची संततधार सुरु आहे. तर पहा महालक्ष्मी रेस कोर्स येथील व्हिडिओ

मुंबईसह उपनगरात पडणाऱ्या मुसळधार पावसामुळे जसलोक रुग्णालयाचे क्लॅडिंग कोसळले आहे. याच व्हिडिओ सध्या सोशल मीडियात व्हायरल होत आहे.

पहा व्हिडिओ: