राजस्थान मध्ये कोरोना बाधितांचा आकडा 179 वर; 3 एप्रिल 2020 च्या ताज्या मराठी बातम्या आणि ब्रेकिंग न्यूज LIVE

राजस्थान मध्ये कोरोना बाधितांचा आकडा 179 वर गेला असून त्यात आज 46 कोरोना ग्रस्त रुग्ण आढळून आले आहेत अशी माहिती राजस्थान आरोग्य विभागाने दिली आहे.

लॉकडाऊन बंद असल्यामुळे सर्व एअरलाईन्सची विमानसेवा 14 एप्रिलपर्यंत बंद ठेवण्यात आले आहेत. मात्र विस्तारा एअरलाईन्सच्या नवीन माहितीनुसार, 15 एप्रिलपासून विमानसेवेचे बुकिंग सुरु करणार असल्याची माहिती Vistara एअरलाईन्सच्या प्रवक्त्याने दिली आहे. तसेच केंद्र सरकारने नवीन अधिसूचना काढल्यास पुढील कारवाई करण्यात येईल असेही सांगण्यात येत आहे.

नूयॉर्क कोरना व्हायरसच्या संकटामुळे अत्यंत निर्णायकी क्षणांवर आले आहे. न्यूयॉर्कमध्ये तब्बल 10,482 इतक्या नव्या कोरोना रुग्णांची नोंद झाली आहे. तर, 562 जणांचा मृत्यू झाला आहे.

लॉकडाऊन काळात अवैधरित्या मद्य विक्री करणा-या नवी मुंबईतील संजोग बार आणि रेस्टॉरन्ट च्या मॅनेजर आणि वेटर्सना वाशी पोलिसांनी अटक केली आहे. तसेच या हॉटेलमधून 1.31 लाखांचा मद्यसाठा देखील जप्त केला आहे.

नवी दिल्लीत कोरोना व्हायरस बाधितांची संख्या 386 वर पोहोचली असून यात 93 नवीन रुग्ण आढळले आहेच. तसेच एकूण रुग्णांपैकी 259 कोरोना बाधित रुग्ण हे तबलिगी जमात कार्यक्रमातील आहे.

महाराष्ट्रात नवे 67 कोरोना बाधित रुग्ण आढळले असून कोरोना बाधितांचा आकडा 490 वर जाऊन पोहोचला आहे. यातील 26 रुग्णांचा मृत्यू झाला असून 50 लोकांना डिस्चार्ज देण्यात आली असल्याची माहिती राज्य आरोग्य विभागाने दिली आहे.

भारतात कोरोना बाधितांची संख्या 2547 वर गेली असून यात गेल्या 24 तासांत 478 नवे रुग्ण आढळल्याची माहिती आरोग्य मंत्रालयाने दिली आहे.

भारतात कोरोना बाधितांची संख्या 2547 वर गेली असून यात 2322 उपचार घेत असलेले, 162 डिस्चार्ज झालेले आणि 62 मृत्यू झालेल्या रुग्णांचा समावेश आहे, अशी माहिती आरोग्य मंत्रालयाने दिली आहे.

कोविड-19 चे भारतात पसरत चाललेला फैलाव लक्षात घेता राज्यसभा निवडणूका पुढे ढकलण्यात आल्या आहेत. नव्या तारखांची घोषणा काही कालावधीनंतर जाहीर केल्या जातील असे भारत निवडणूक आयोगाने सांगितले आहे.

मुंबई विमानतळावर तैनात असलेल्या 11 CISF जवानांना कोरोनाची लागण झाल्याची धक्कादायक माहिती CISF विभागाने दिली आहे. यातील एका जवानाचा पहिला रिपोर्ट पॉझिटिव्ह आला मात्र दुसरा रिपोर्ट निगेटिव्ह आला आहे. त्यामुळे तिस-या चाचणीसाठी त्याच्या रक्ताचे नमुने पाठविण्यात आले असून रिपोर्ट येणे बाकी आहे.

मुंबई विमानतळावर तैनात असलेल्या 11 CISF जवानांना कोरोनाची लागण झाल्याची धक्कादायक माहिती CISF विभागाने दिली आहे. या विमानतळावरील 142 जवानांना Quarantine ठेवण्यात आले होते. त्यातील 4 जवानांचे काल पॉझिटिव्ह रिपोर्ट आले आणि अन्य 7 जणांचे आज कोरोना पॉझिटिव्ह रिपोर्ट आले आहेत.

देशात कोरोना बाधितांचा आकडा दिवसेंदिवस वाढत चालला असून राजस्थानमध्ये कोरोना ग्रस्तांचा आकडा 166 वर गेला आहे. यात 29 तबलिगी कार्यक्रमातील कोरोना ग्रस्तांचा समावेश आहे अशी माहिती राजस्थानच्या आरोग्य विभागाने दिली आहे.

दिल्लीतील मरकज कार्यक्रमात सहभागी झालेल्या नागपूरातील 189 लोकांची ओळख पटली असून त्यांना क्वारंटाईन ठेवण्यात आले आहे. तर अन्य 19 जणांचा तपास अद्याप सुरु असल्याची माहिती नागपूर महानगरपालिका आयुक्त तुकाराम मुंढे यांनी दिली आहे.

दिल्लीत आतापर्यंत 5 कोरोना बाधितांचा मृत्यू झाला आहे अशी माहिती दिल्लीचे मुख्यमंत्री अरविंद केजरीवाल यांनी दिली आहे. यातील चौघांचा मृत्यू याआधीच झाला असून मागील 24 तासांत एकाचा मृत्यू झाला आहे. हा व्यक्ती मरकज येथील कार्यक्रमातील असल्याची माहितीही त्यांनी दिली आहे. तसेच दिल्लीतील परिस्थिती सध्या तरी नियंत्रणात असल्याचेही त्यांनी सांगितले आहे.

1 एप्रिल पर्यंत भारतीय रेल्वेने एकूण 2,87,704 मास्क आणि 25,806 लीटर सॅनिटायझरची निर्मिती केली आहे.

गेल्या 2 दिवसात तबलीगी जमातशी संबंधित कोरोना व्हायरसचे 647 रुग्ण समोर आले आहेत. अंदमान-निकोबार, आसाम, दिल्ली, हिमाचल प्रदेश, हरियाणा, जम्मू-काश्मीर, झारखंड, कर्नाटक, महाराष्ट्र, राजस्थान, तामिळनाडू, तेलंगणा, उत्तराखंड आणि उत्तर प्रदेश अशा देशातील 14 विविध राज्यात हे रुग्ण आढळून आले असल्याची माहिती आरोग्य मंत्रालयाचे सहसचिव लव अग्रवाल यांनी दिली.

रुग्णावर उपचार सुरु असताना त्यात कुटुंबियांनी कोणताही अडथळा आणू नये असे आरोग्यमंत्री हर्षवर्धन  यांनी आवाहन केले आहे. तसंच डॉक्टरांशी झालेल्या गैरवर्तनाबद्दल खेद व्यक्त केला, अशी माहिती आरोग्य मंत्रालयाचे सहसचिव लव अग्रवाल यांनी दिली आहे.

महाराष्ट्र राज्यात कन्टेंमेंट टास्क अंतर्गत 9,25,828 लोकांची कोरोना व्हायरसची तपासणी करण्यात आले. यासाठी आरोग्य विभागाच्या तब्बल 2,455 टीम्स वेगवेगळ्या कन्टेमिनेटेड झोन्समध्ये कार्यरत असल्याची माहिती आरोग्य विभागाने दिली आहे.

राहुल तरुण मित्र मंडळ असोसिएशन यांनी आज 250 स्थलांतरीत कामगारांना अन्नदान केले. त्यापैकी एका कामगाराने सांगितले की, मी कामाच्या शोधात येथे आलो आणि मला येथे अशाप्रकारे जेवण मिळाले. मी सरकारला विनंती करतो की आमची मदत करा.

तबलिगी जमातीच्या धार्मिक  कार्यक्रमामध्ये 9 ब्रिटीश, 4 अमेरिकन, 6 चीनी, 3 फ्रेंच लोकांचा समावेश असल्याची माहिती देण्यात आली आहे.