Thiruvananthapuram: 51 वर्षीय पत्नीच्या मृत्यू प्रकरणी 28 वर्षीय व्यक्तीला अटक; 26 डिसेंबर 2020 च्या ताज्या मराठी बातम्या आणि ब्रेकिंग न्यूज LIVE

केरळ राज्यातील तिरुअनंतपुरम जिल्ह्यात करकोणमजवळ आज 51 वर्षांची महिलाचा इलेक्ट्रोचॅकमुळे (Electrocuted ) मृत्यू झाा. या प्रकरणात सदर महिलेचा पती असलेला 28 वर्षीय व्यक्तीला ताब्यात घेण्यात आले आहे. दोन महिन्यांपूर्वी या जोडप्याचे लग्न झाले. आरोपीने हा गुन्हा केल्याची कबुली दिली आहे. पुढील चौकशी सुरु आहे", असे पोलिसांनी सांगितले

महाराष्ट्र दहशतवाद विरोधी पथकाने मोठी कारवाई करत साक्षीदारांना धमकावणाऱ्या एका रॅकेटचा परदाफाश केला आहे. महाराष्ट्र एटीएस डीआयजी शिवदीप लांडे यांच्या पथकाने ही कारवाई केली. या प्रकरणात पोलिसांनी आर्थर रोड काराग्रह (Arthur Road Central ) येथे जन्मठेपेची शिक्षा भोगणाऱ्या एका गँगस्टर हरीश मांडवीकर (Harish Mandvikar) याच्यासह कारागृह कॉन्सेटबल अर्जुन घोडके याच्यासह आणखी काहींना ताब्यात घेतले आहे.एटीएसच्या तपासात पुढे आले की, गॅंगस्टरच्या निरोपाची चिठ्ठी घेऊन काही लोक कारागृहातून बाहेर जातात आणि त्याच्या साथिदाराला देतात. या चिठ्ठीच्या माध्यमातून साक्षीदारांना धमकावले जात असे. या प्रकारात काही पोलीस आरोपींची मदत करत असत.

इंग्लंडमधून आलेल्या प्रवाशाला कोरोनाची लागन झाल्याचे लक्षात आले. तेव्हापासून इंग्लंडमधून आलेल्या प्रवाशांवर विशेष लक्ष ठेवण्यात येत आहे, असे महाराष्ट्र आरोग्य विभागाने म्हटले आहे.

बिजू जनता दलाने आज पार्टी मुख्यालयात आपला 24 वा स्थापना दिन साजरा केला. r या वेळी ओडीशाचे मुख्यमंत्री आणि बीजेडीचे प्रमुख नवीन पटनाईक म्हणाले, "बीजेडी ही एक सामाजिक चळवळ आहे आणि महिलांचा आत्मा आहे. संसद आणि राज्य संमेलनात 33% आरक्षणासाठी आमची लढाई सुरूच राहील," असे ओडिशाचे मुख्यमंत्री आणि बीजेडीचे प्रमुख नवीन पटनायक यांनी सांगितले.

+

युनायटेड किंग्डममधून परत आलेल्या एका व्यक्ती कोरोना व्हायरस संक्रमन झाले आहे. तो 7 डिसेंबरनंतर दिल्ली येथे आला होता. सुरुवातीला त्याची कोरोना चाचणी निगेटीव्ह आली होती परंतू, आता त्याची चाचणी पॉझिटीव्हआलीआहे. त्याच्या कुटुंबातील दोन सदस्यांची चाचणीही पॉझिटीव्ह आली आहे.

पंतप्रधान नरेंद्र मोदी उद्या सकाळी 11 वाजता आपल्या 'मन की बात' या रेडिओ कार्यक्रमातून देशाला संबोधित करणार आहेत.

पंजाबमध्ये किसान आंदोलनामुळे रेल्वेवर परिणाम झाला आहे. म्हणूनच काही गाड्या इतर मार्गांवर वळविण्यात आल्या आहेत, अशी माहिती पश्चिम रेल्वेने दिली आहे.

भारतीय किसान युनियनचे प्रवक्ता राकेश टिकैत यांना जीवे मारण्याची धमकी देण्यात आली आहे. राकेश टिकैत यांनी ही माहिती दिली आहे. त्यांना बिहार येथून फोन आला होता. फोनवरील व्यक्ती त्यांना शस्त्राने मारण्याची धमकी देत होते. या फोनचे रेकॉर्डींग आपण पोलिसांकडे पाठवले आहे. या रेकॉर्डींगचे पुढे काय करायचे ते त्यांचे ते ठरवतील असे भारतीय किसान युनियनचे प्रवक्ता राकेश टिकैत यांनी म्हटले आहे.

मुंबई शहरातील दाटीवाटीचा परीसर अशी ओळख असलेल्या धारावी येथे आज कोरोना व्हायरस संक्रमित केवळ एक रुग्ण आढळला. तर दादर येथे आज कोरोनाचा एकही रुग्ण सापडला नाही, अशी माहिती मुंबई महापालिकेने दिली आहे.

पाठिमागील 24 तासात महाराष्ट्रात कोरोनाचे 2,854 रुग्ण आढळले आहेत. दिवसभरात नव्या 60 मृतांसह आतापर्यंत राज्यात 49,189 जणांचे कोरोनामुळे बळी गेले आहेत, असे राज्याच्या आरोग्य विभागाने म्हटले आहे.

शिवसेनेचे खासदार संजय राऊत म्हटले आहे की, कॉंग्रेसप्रणित यूपीएची व्याप्ती वाढविण्याची वेळ आता आली आहे, सर्व विरोधी पक्षांनी केंद्राच्या 'हुकूमशाही वृत्ती'विरोधात एकत्रित येऊन मजबूत पर्याय उपलब्ध करुन द्यायला हवा.

अंदमान, निकोबार बेटांवर 4.1 रिस्टर स्केलचा भूकंप झाल्याची माहिती भूकंपमापन राष्ट्रीय केंद्राने दिली आहे.

पंतप्रधान नरेंद्र मोदी येत्या 28 डिसेंबर रोजी व्हिडिओ कॉन्फरन्सिंगच्या माध्यमातून महाराष्ट्रातील सांगोला ते पश्चिम बंगालमधील शालीमारपर्यंत 100 व्या किसान रेल्वेस रवाना करणार आहेत. केंद्रीय मंत्री नरेंद्रसिंग तोमर आणि पियुष गोयल हे या वेळी उपस्थित राहणार आहेत.

भारतीय आदिवासी पार्टी (बीटीपी) आणि एआयएमआयएम गुजरातमधील विधानसभा निवडणुका एकत्रित लढवणार आहेत. असदुद्दीन ओवैसी (एआयएमआयएम प्रमुख) यांनी मला गुजरातला जाऊन बीटीपी नेत्यांशी चर्चा करण्यास सांगितले आहे, अशी माहिती एआयएमआयएम खासदार इम्तियाज जलील यांनी दिली आहे.

माजी पंतप्रधान एच. देवेगौडा यांनी जेडीएसचे भाजपमध्ये विलीनीकरण करण्याबाबतचे अनुमान फेटाळले आहे. देवेगौडा यांनी म्हटले आहे की, त्यांचा पक्ष असाच राहणार असून पुढील कर्नाटक विधानसभा निवडणुकीत स्वबळावर सत्तेवर येण्यासाठी प्रयत्नशील आहे.

इटानगर महनगरपालिका निवडणुकीत भाजपला सर्वाधिक 10 तर जेडीयू 9 आणि एनपीपी पक्षाला एक जागा मिळाली आहे. या ठिकाणी 20 जागांसाठी निवडणूक झाली.

राज्यसरकारने कोरोना आहे म्हणून नववर्ष सेलिब्रेशनवर घातलेले निर्बंध शिथील करावेत. सरकारने निर्बंध शिथील केले नाहीत तर आम्ही आमच्या पद्धतीने सेलिब्रेशन करु, असे महाराष्ट्र नवनिर्माण सेनेने म्हटले आहे. मनसे नेते अविनाश जाधव आणि संदीप देशपांडे यांनी ही माहिती दिली.

उत्तर 24 परगणा येथे आयएफबी अ‍ॅग्रो इंडस्ट्रीज लिमिटेड कार्यालयावर झालेल्या हल्ल्याच्या चौकशी प्रकरणी पश्चिम बंगालचे राज्यपाल जगदीप धनखार यांनी मुख्यमंत्री ममता बॅनर्जी यांना पत्र लिहून चौकशीचे आदेश देण्यास सांगितले.

कॅम्पस फ्रंट ऑफ इंडियाचे राष्ट्रीय सरचिटणीस के.ए. रऊफ शेरीफ यांना PMLA न्यायालयाने 14 दिवसांची न्यायालयीन कोठडी सुनावली आहे.

दिल्ली आणि देशातील सर्व भागातील नागरिकांनी येणारं नवीन वर्ष दिल्ली येथील आंदोलन करणाऱ्या शेतकऱ्यांसोबत साजरे करण्यात यावे असे अवाहन संघटनेचे नेत दर्शन पाल यांनी केले आहे.