जम्मू काश्मीर मध्ये 31 मार्चपर्यंत लॉकडाऊन, अत्यावश्यक सेवा सुरु राहणार- रोहित कन्सल; 22 मार्च 2020 च्या ताज्या मराठी बातम्या आणि ब्रेकिंग न्यूज LIVE

जम्मू-काश्मीरमध्ये 31 मार्च संध्याकाळी 6 वाजेपर्यंत लॉकडाऊन ठेवण्यात आले आहे. या दरम्यान केवळ अत्यावश्यक सेवाच सुरु राहणार असल्याचे जम्मू-काश्मीरचे प्रधान सचिव रोहित कन्सल यांनी सांगितले आहे. तसेच 3 पेक्षा अधिक माणसांचा घोळका दिसल्यास त्यांच्यावर ताबडतोब कारवाई करण्यात येणार असल्याचेही त्यांनी सांगितले आहे.

भारतात कोरोना बाधित रुग्णांचा आकडा हा दिवसेंदिवस वाढत असून हा आकडा आता 396 वर जाऊन पोहोचला आहे. ही माहिती भारतीय कौन्सिल वैद्यकीय संशोधन केंद्राने दिली आहे.

कोरोना व्हायरसचा वाढता धोका लक्षात घेता नाशिकमधील नोटा छपाई कारखाना 31 मार्चपर्यंत बंद राहणार आहे. नोटा छपाई कारखाना संघटनेचे प्रमुख जगदीश गोडसे यांनी ही माहिती दिली आहे.

केरळमध्ये आणखी 15 कोरोना व्हायरस बाधित रुग्ण आढळल्याचे आरोग्य मंत्रालयाने सांगितले आहे.

कोरोना व्हायरसच्या पार्श्वभूमीवर महाराष्ट्र राज्य लोकसेवा आयोगाची पूर्व परीक्षा पुढे ढकलण्यात आली आहे. 5 एप्रिलला होणारी ही पूर्व परीक्षा आता 26 एप्रिलला होणार आहे.

भारतात आरोग्य मंत्रालयाकडे आलेल्या रिपोर्टनुसार आतापर्यंत देशात 360 कोरोना बाधित रुग्ण आढळले आहेत. यात 41 परदेशी नागरिकांचा समावेश आहे. येथे पाहा संपूर्ण यादी

पुणे पाठोपाठ नाशिक शहरातही आज रात्री 9 ते पहाटे 5 पर्यंत संचारबंदी करण्यात आली आहे, अशी माहिती नाशिकचे आयुक्त विश्वास नांगरे पाटील यांनी दिली आहे. महाराष्ट्रात कोरोना व्हायरसा वाढता प्रादुर्भाव रोखण्यासाठी हा निर्णय घेण्यात आले आहे, असे समजत आहे.

राज्याचे अल्पसंख्या मंत्री आणि राष्ट्रवादीचे नेते नवाब मलिक यांच्या वाहनाला अपघात झाल्याची माहिती समोर आली आहे. वाहनाच्या पुढील चाक फुटल्याने हा अपघात झाल्याची प्राथमिक माहिती मिळत आहे. तसेच मुंबईहून परभणीला आढावा बैठकीसाठी सरकारी वाहनातून जात असताना नगरमध्ये सकाळी साडेदहाच्या सुमारास केडगाव चौकात बायपासवर त्यांच्या वाहनाला अपघात झाल्याचे सांगितले जात आहे.

सध्या भारतावर कोरोना व्हायरसचे संकट वावरत असताना आपल्या देशातील लोकांच्या सुरक्षितेसाठी अत्यावश्यक सेवा देणाऱ्या लोकांवर कौतुकाचा वर्षाव होत आहेत. भारताचे राष्ट्रपती रामनाथ कोविंद यांनी कुटुंबाच्या समवेत टाळी वाजवून डॉक्टर, नर्सेस, वैद्यकीय स्टाफ, पोलीस आणि इतर कर्मचाऱ्यांचे आभार मानले आहेत.

ट्वीट-

करोना व्हायरच्या विरोधात जीवाचा धोका पत्करुन लढणारे डॉक्टर, नर्सेस, वैद्यकीय स्टाफ, पोलीस आणि इतर कर्मचाऱ्यांसाठी पंतप्रधान नरेंद्र मोदी यांनी आज रविवारी मार्च रोजी जनतेला टाळ्या आणि थाळ्या वाजवून आभार मानण्याचे आवाहन केले होते. या आवाहनला जनतेनेकडून चांगला प्रतिसाद मिळाला आहे.. रविवारी संध्याकाळी बरोबर 5 वाजता लोकांनी आपापल्या सोसायट्यांच्या परिसरात, गॅलरीमध्ये येऊन टाळ्या वाजवल्या आहेत.दरम्यान बॉलिवूडचे महानायक अभिताभ बच्चन यांच्यासह अनिक कुमार आणि अक्षय कुमारनेही ट्वीटरच्या माध्यमातून अत्यावश्यक सेवा देणाऱ्यांचे कौतूक करत त्यांचे आभारही मानले आहेत. 

कोरोना व्हायरसने संपूर्ण जगात थैमान घातला असून नागरिकांमध्ये भितीजनक वातावरण निर्माण झाली आहे. परंतु, देशांमध्ये कोरोनाचे संकट वावरत असताना लोकांसाठी अत्यावश्यक सेवा देणारे डॉक्टर, परिचारिका, सफाई कामगार, रेल्वे पोलीस कर्मचारी यांचे संपूर्ण देशातील नागरिकांना आभार मानले आहेत. 

दिल्ली मध्ये आज रात्री 9 वाजल्यापासून कलम 144 लागू होणार असल्याचं जाहीर करण्यात आलं आहे. हे कलम राज्यात 31 मार्चला रात्री 12 वाजेपर्यंत लागू असेल.

बस सेवा केवळ अत्यावश्यक सेवेसाठी सुरू राहणार असल्याची माहिती आज मुख्यमंत्री उद्धव ठाकरे यांनी केलं आहे.  

महाराष्ट्रभर कलम 144 लागू करण्यात आलं आहे.  5 पेक्षा अधिक लोकं एकत्र जमू नका असं आवाहन केलं आहे. तसेच क्वारंटाईन केलेल्या नागरिकांना विलग  ठेवा. घरात देखील वेगळे रहा.  

कोरोना व्हायरच्या पार्श्वभूमीवर एनसीपीच्या लोकसभा, राज्यसभा खासदारांना दिल्लीमध्ये न परतण्याचे आदेश पक्षाचे अध्यक्ष शरद पवार यांनी दिले आहेत.

देशामध्ये COVID-19 बाधितांचा आकडा 370  वर पोहचला असल्याची माहिती देण्यात आली  आहे.

रेल्वे पाठोपाठ आता देशभरात एका राज्यातून दुसर्‍या राज्यात जाणार्‍या बस सेवा देखील 31 मार्च पर्यंत स्थगित करण्यात येत आहे. असा निर्णय घेण्यात आला आहे. 'मुंबई लोकल' सेवा आज मध्यरात्रीपासून बंद; Coronavirus च्या वाढत्या धोक्याच्या पार्श्वभूमीवर सरकारचा निर्णय. 

भारतीय रेल्वेची 31 मार्च पर्यंत पॅसेंजर ट्रेन्स वाहतूक खंडीत  करण्याचा निर्णय जाहीर करण्यात आला आहे. यामुळे देशांर्तगत लांबा पल्ल्याचा गाड्यांनी प्रवास करता येणार नाही. दरम्यान हा निर्णय कोरोना व्हायरस दहशतीच्या पार्श्वभूमीवर घेण्यात आला आहे.

पंतप्रधान नरेंद्र मोदी यांच्या 'जनता कर्फ्यू' मध्ये नागरिकांना सकाळी 7 ते रात्री 9 वाजेपर्यंत घरी बसण्याचं आवाहन करण्यात आलं आहे. मात्र रस्त्यावर अत्यावश्यक कामाशिवाय फिरताना दिसणार्‍यांना गुलाब देऊन घरी बसण्याचं आवाहन करण्यात आलं आहे.    

देशात कोरोना बाधितांपैकी मृतांचा आकडा 6 वर पोहचला आहे.  बिहार मध्ये 38 वर्षीय व्यक्तीचा मृत्यू झाला असून उपचारादरम्यान त्यांच्या किडन्या निकामी झाल्याने हा बळी गेल्याचं आरोग्य मंत्रालयाकडून सांगण्यात आलं आहे.