निवडणूक आयुक्तपदी नियुक्ती झालेले राजीव कुमार 1 सप्टेंबर रोजी पदाचा कार्यभार स्वीकारतील; 21 ऑगस्ट 2020 च्या ताज्या मराठी बातम्या आणि ब्रेकिंग न्यूज LIVE

अशोक लवासा यांच्या राजीनाम्यानंतर राजीव कुमार यांची निवडणूक आयुक्तपदी नियुक्ती. राजीव कुमार 1 सप्टेंबर रोजी पदाचा कार्यभार स्वीकारतील.

सेमी हाय-स्पीड ट्रेन सेट (Vande Bharat) च्या 44 सेटच्या निर्मितीच्या निविदा रद्द करण्यात आली आहे. सुधारित सार्वजनिक खरेदी (मेक इन इंडियाला प्राधान्य) च्या आदेशानुसार एका आठवड्यात नवीन निविदा आणल्या जातील, अशी माहिती रेल्वे मंत्रालयाने दिली आहे.

उपमुख्यमंत्री अजित पवार यांच्याकडून राज्यातील जनतेला गणेशोत्सवाच्या शुभेच्छा. सुखकर्ता, विघ्नहर्ता श्रीगणरायांच्या चरणी वंदन करून राज्यावरील कोरोनाचं संकट दूर करण्याचे घातले साकडे. यंदाचा गणेशोत्सव कोरोना व्हायरस प्रतिबंधक नियमांचं पालन करुन साजरा करण्याचे आवाहन.

गोव्यात कोरोनाचे आणखी 385 रुग्ण आढळून आल्याने आकडा 13,484 वर पोहचला आहे.

राजस्थान येथे कोरोनाचे आणखी 1335 रुग्ण आढळून आले तर 12 जणांचा बळी गेला आहे.

आदरणीय खा. शरद पवार साहेबांच्या सुचनेनुसार येत्या 31 ऑगस्टपासून जनता दरबार आयोजित केला जाणार आहे. दर गुरुवारी दुपारी 2 ते 4 या वेळेत मुंबई येथील पक्ष कार्यालयात हा दरबार भरेल.  भेटताना कृपया सामाजिक अंतर व कोरोनाविषयक नियमांची खबरदारी घ्यावी, असे आवाहन करण्यात आले आहे.

बॉलिवूड अभिनेत्री सोनाक्षी सिन्हाच्या इन्स्टाग्राम अकाऊंटवर अश्लील टिप्पण्या पोस्ट केल्याप्रकरणी औरंगाबाद शहरातील 26 वर्षीय व्यक्तीला अटक झाल्याची माहिली पोलिसांनी दिली आहे.

मुंबईत आज 1,406 नवे कोरोना रुग्ण आढळून आले असून 42 जणांचा मृत्यू झाला आहे. याशिवाय आज 1,235 जणांनी कोरोनावर मात केली आहे.

लोकप्रिय लोक गायिका शारदा सिन्हा यांना कोरोना विषाणूची लागण झाली आहे.

शरद पवार यांच्या बारामती येथील गोविंद बाग बंगल्यात काम करणाऱ्या 4 कर्मचाऱ्यांची कोरोना चाचणी पॉझिटिव्ह आली आहे.

मध्य प्रदेशचे मंत्री गोपाल भार्गव यांची कोरोना चाचणी पॉझिटिव्ह आली आहे.

महाराष्ट्रात आज 14,161 नव्या कोरोना रुग्णांची नोंद करण्यात आली आहे. त्यामुळे 339 जणांचा मृत्यू झाला आहे.

केरळमध्ये आज 1,983 नवे कोरोना रुग्ण आढळून आले असून 12 जणांचा मृत्यू झाला आहे.

कर्नाटकमध्ये आज 7,571 नवे कोरोना रुग्ण आढळून आले असून 93 जणांचा मृत्यू झाला आहे.

वांद्रे येथील सुशांत सिंह राजपूत यांच्या निवासस्थानी दोन पोलिस अधिकाऱ्यांनी भेट दिली.

मुंबई शहर व उपनगरी भागात पुढील 3 तासांत वेगळ्या ठिकाणी मध्यम ते मुसळधार पाऊस पडण्याची शक्यता, भारतीय हवामान विभागाने वर्तवली आहे.

आंध्र प्रदेशमध्ये 9,544 आज कोरोना रुग्ण आढळून आले असून 91 जणांचा मृत्यू झाला आहे.

श्रीशैलम जलविद्युत संयंत्रात लागलेली आग दुर्दैवी आहे. मी शोकग्रस्त कुटुंबांसमवेत आहेत. जखमींनी लवकरात लवकर बरे होण्याची आशा आहे, असे पंतप्रधान नरेंद्र मोदी यांनी म्हटलं आहे.

इशांत शर्मा, दीप्ती शर्मा दुती चंद, नेमबाज मनु भाकरसह 27 जणांना अर्जुन पुरस्काराने गौरवण्यात आले आहे.

मुख्यमंत्री उद्धव ठाकरे यांनी आज डोंबिवलीत 121 बेड्स असलेल्या COVID-19 हॉस्पिटले ऑनलाईन पद्धतीने उद्घाटन केले. हे आजपासून सुरु झाले असून यात अतिदक्षता विभागासह कोविड संबंधी अत्यावश्यक सुविधा ठेवण्यात आल्या आहेत.