मुंबई: कलिना परिसरात एका महिलेवर थुंकून पळ काढणाऱ्या दुचाकीस्वराला पकडण्यात पोलिसांना यश; 17 एप्रिल 2020 च्या ताज्या मराठी बातम्या आणि ब्रेकिंग न्यूज LIVE

एका महिलेवर थुंकून पळ काढणाऱ्या आरोपीला मुंबई पोलिसांनी ताब्यात घेतले आहे. ही घटना 6 एप्रिल रोजी मुंबईतील कलिना परिसरात घडली होती. एएनआयचे ट्वीट-

महाराष्ट्रात आज नवे 118 कोरोनाचे रुग्ण तर 7 जणांचा मृत्यू  झाला आहे. त्यामुळे राज्यातील एकूण कोरोनाबाधित रुग्णांचा आकडा 3320 वर पोहचल्याची माहिती आरोग्य विभागाकडून देण्यात आली आहे. 

महाराष्ट्रात कोरोनाच्या नॉन-हॉटस्पॉट ठिकाणी येत्या 20 एप्रिल पासून आरोग्य, शेती आणि बागकाम, नारळ, काजू आणि मसाल्याची शेती, पशुसंवर्धन, बँकेच्या शाखा, एटीएम, ई-कॉमर्स कंपन्या सुरु होणार आहेत.

दिल्लीत आज नवे 67 कोरोनाचे रुग्ण आढळून आल्याने आकडा 1707 वर पोहचला  आहे.

तेलंगणा येथे आज कोरोनाचे नवे 66 रुग्ण आढळून आल्याने आकडा 562 वर पोहचला आहे. तसेच 18 जणांचा कोरोनामुळे आतापर्यंत मृत्यू झाला आहे. तर 186 जणांची प्रकृती सुधारुन त्यांना डिस्चार्ज देण्यात आल्याची माहिती आरोग्य विभागाकडून देण्यात आली आहे.

गुजरात येथे कोरोनाचे नवे 78 रुग्ण आढळून आल्याने आकडा 109 वर पोहचला आहे.

मध्य प्रदेशात 1310 कोरोनाबाधित रुग्ण तर 69 जणांचा बळी गेला आहे.

आज 28,524 जणांची कोरोनाची चाचणी करण्यात आली असल्याची माहिती ICMR यांनी दिली आहे.

मुंबईत 77 नवे कोरोनाचे रुग्ण आढळून आल्याने आकडा 2120 वर पोहचल्याची माहिती महापालिकेने दिली आहे.

तमिळनाडू येथे 56 जणांची कोरोनाची चाचणी, एकूण आकडा 1323 वर पोहचल्याची आरोग्य विभागाकडून माहिती देण्यात आली आहे.

केरळात आज फक्त 1 जण कोरोनाबाधित रुग्ण आढळून आला आहे. तर 10 जणांची प्रकृती सुधारली आहे. आतापर्यंत केरळात 138 कोरोनाबाधित रुग्ण तर 255 जणांना डिस्चार्ज देण्यात आल्याची माहिती आरोग्य विभागाकडून देण्यात आली आहे.

पुणे येथे 44 वर्षीय कोरोनाबाधित व्यक्तीचा मृत्यू झाला आहे.

भारतात गेल्या 24 तासात नवे 1076 कोरोनाचे रुग्ण आढळून आले आहेत तर 32 जणांचा मृत्यू झाला आहे. त्यामुळे कोरोनाबाधितांचा एकूण आकडा 13,835 वर पोहचला आहे.

पश्चिम बंगाल येथे कोरोनाबाधित एकूण रुग्ण 162 तर 10 जणांचा मृत्यू झाला आहे.

कोरोना संकटकाळात गोरगरीब जनतेला रेशनदुकानांतून होत असलेल्या धान्यवाटपात गैरप्रकार होऊ नये,धान्यवाटप सुरळीत व  विनातक्रार व्हावे यासाठी सर्वं पालकमंत्र्यांनी आपापल्या जिल्ह्यात व्यक्तीश: लक्ष घालून जबाबदारी घ्यावी असे अवाहन राज्याचे पालकमंत्री अजित पवार यांनी केले आहे.

नागपूर जिल्ह्यात स्थलांतरीत झालेले परप्रांतीय कामगार सायकलवरुन आपल्या गावी निघाले आहेत. यातील काही कामगार हे मध्यप्रदेश राज्यातील असल्याचे समजते

गेल्या 24 तासात 1007 नव्या कोरोना रुग्णांची नोंद झाली आहे. तर 23 जणांचा मृत्यू झाला आहे. अशी माहिती केंद्रीय आरोग्य मंत्रालयाचे संयुक्त सचिव लव अग्रवाल यांनी दिली.

आरोग्य मंत्रालय पत्रकार परिषद इथे पाहा लाईव्ह

भाड्याच्या घरात राहणाऱ्यांना शासनाचा दिलासा : घरभाडे वसुली किमान तीन महिने पुढे ढकलावी, घरभाडे भरले नाही म्हणून किंवा घरभाडे थकल्याने कुणालाही घराबाहेर काढू नये- गृहनिर्माण विभागाच्या राज्यातील घरमालकांना सूचना

राज्याचे महसूल मंत्री बाळासाहेब थोरात यांची पत्रकार परिषद लाईव्ह इथे पाहा