पुण्यात मुसळधार पावसामुळे इंदापूरच्या अनेक भागांत वॉटर लॉगिंगची समस्या ; 14 ऑक्टोबर 2020 च्या ताज्या मराठी बातम्या आणि ब्रेकिंग न्यूज LIVE

पुण्यात मुसळधार पावसामुळे इंदापूरच्या अनेक भागांत वॉटर लॉगिंगची समस्या निर्माण झाली आहे.

IPL 2020: बुधवारी दुबईमध्ये झालेल्या इंडियन प्रीमियर लीग सामन्यात दिल्ली कॅपिटलने राजस्थान रॉयल्सला 13 धावांनी पराभूत केले.

पुणे जिल्ह्यातील पूर बाधित निमगाव केतकी गावात 40 जणांचा वाचवण्यात यश मिळाले आहे, तर इतर 15 जणांच्या बचावाची कामे सुरू आहेत. इंदापूरजवळील आणखी एका घटनेत वाहनासोबत वाहून गेलेल्या दोन जणांना वाचविण्यात यश आले आहेः एसडीओ, बारामती, पुणे यांनी याबाबत माहिती दिली.

सपा नेते मुलायम सिंह यादव यांना कोरोनाची लागण झाली असून सध्या तरी त्यांच्यामध्ये कोरोनाचे कोणतेही लक्षण नसल्याची माहिती ट्विटच्या माध्यमातून देण्यात आली आहे.

नवी दिल्लीत आज दिवसभरात 3324 नवे कोरोनाचे रुग्ण आढळले असून 44 रुग्णांचा मृत्यू झाला आहे. यामुळे राज्यात कोरोना बाधितांची एकूण संख्या  3,17,548 वर पोहोचली असून मृतांचा आकडा 5898 इतका झाला आहे.

महाराष्ट्र: मध्य रेल्वे उद्यापासून विशेष उपनगरी सेवांची संख्या वाढवत आहे. ही संख्या आता 453 वरून 481 वर नेली आहे.

राज्यात आज 10,552 कोरोना बाधीत रुग्णांची वाढ झाली व आज नवीन 19,517 कोरोना बाधित रुग्ण बरे झाले आहेत. एकूण 13,16,769 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 1,96,288 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 84.71% झाले आहे.

सांगली,मिरज आणि कुपवाड शहर महापालिकेच्या स्थायी समिती सभापतीपदी भाजपचे पांडुरंग कोरे विजयी झाले. भाजपा उमेदवार पांडुरंग कोरे यांना 9 तर काँग्रेसचे मंगेश चव्हाण यांना 7 मते मिळाली.

थुलम या मल्याळम महिन्यात 16 ऑक्टोबरपासून 5 दिवस सबरीमाला मंदिर पूजेसाठी खुले असेल. दररोज केवळ 250 लोकांना दर्शनासाठी परवानगी असेल आणि फर्स्ट कम फर्स्ट सर्व्ह बेसीसवर ऑनलाइन बुकिंग केले जाईल. इथे येण्यासाठी कोविड नकारात्मक प्रमाणपत्र अनिवार्य असेल, त्रावणकोर देवासोम बोर्डाने याबाबत माहिती दिली.

पुणे पोलिसांनी एका नवजात मुलाचा मृतदेह चौकशीसाठी ताब्यात घेतला आहे. पालकांनी त्याला ठार मारल्याचा संशय व्यक्त केला गेला आहे.

महाराष्ट्र पोलिसांमध्ये गेल्या 24 तासांमध्ये 98 कोरोना विषाणू रुग्णांची व 1 मृत्यूची नोंद झाली आहे. अशा प्रकारे एकूण संक्रमितांची संख्या 2,052 झाली आहे, तर मृत्यूंची संख्या 263 वर पोहोचली आहे.

गुजरात: अहमदाबाद शहरातील ट्यूलिप इस्टेटमधील केमिकल फॅक्टरीत आग लागली असल्याची माहिती मिळत आहे. घटनास्थळी अग्निशामक दलाचे 17 टेंडर्स पोहोचले आहेत.

Maharashtra Mission Begin Again: अनलॉक 5 अंतर्गत शासकीय आणि खाजगी लायब्ररी खुल्या करण्यास परवानगी देण्यात आली आहे. तसंच मेट्रो रेल उद्यापासून सुरु करण्यास मुभा देण्यात आली आहे.

तेलंगणा: मुसळधार पावसामुळे मुसी नदीचा प्रवाह चादरघाट पुलावरुन वाहत आहे.

Kunar: अस्मार जिल्ह्यात आज सकाळी झालेल्या स्फोटात 5 नागरिक ठार झाले. अशी माहिती गृह मंत्रालयाचे प्रवक्ता तारिक अरीयन यांनी दिली आहे.

तेलंगणामध्ये काल रात्रीपासून धुव्वाधार पाऊस कोसळत आहे. त्यामुळे जलमय झालेल्या शहरामध्ये 15 जणांचा मृत्यू  झाला आहे. यामध्ये 3 जणांचा मृत्यू Gaganpahad भागात भिंत कोसळून झाला आहे.

New Zealand क्रिकेटर John R Reid यांचे वयाच्या 92 व्या वर्षी Auckland मध्ये निधन  झाले आहे. ते जुन्या टेस्ट प्लेअर्सपैकी एक होते. 

तेलंगणा: हैदराबादमधील न्यू बोवेनपल्ली भागात पूरजन्य परिस्थिती निर्माण झाली आहे.

मुंबईकरांचा धडधडीत विश्वासघात!- मेट्रो कारशेड प्रकरणी देवेंद्र फडणवीसांचा ठाकरे सरकारवर निशाणा

तामिळनाडू मध्ये उद्या मुसळधार पावसाची शक्यता वर्तवण्यात आली आहे.