आपात्कालीन क्रमांकावर फोनकरून पंतप्रधान नरेंद्र मोदी यांना हानी पोहचवण्याचे भाष्य करणाऱ्या एका व्यक्तीला अटक; 10 ऑगस्ट 2020 च्या ताज्या मराठी बातम्या आणि ब्रेकिंग न्यूज LIVE

आपात्कालीन क्रमांकावर फोनकरून पंतप्रधान नरेंद्र मोदी यांना हानी पोहचवण्याची भाषा करणाऱ्या 33 वर्षीय व्यक्तीला अटक करण्यात आली आहे. पीटीआयचे ट्वीट-  

पुणे शहरात नव्याने 761 कोरोनाबाधित रुग्णांची नोंद झाली असून, एकूण संख्या 66,727 झाली आहे. तर 1,499 रुग्ण कोरोनामुक्त झाले असून, सध्या 15,043 रुग्णांवर उपचार सुरू आहेत. शहरातील एकूण तपासणी आता 3,24,721 झाली असून आज 5,133 टेस्ट घेण्यात आल्या.

माजी राष्ट्रपती प्रणव मुखर्जी आर्मीच्या आर अँड आर हॉस्पिटलमध्ये व्हेंटिलेटरवर असल्याची माहिती सूत्रांकडू मिळत आहे.

मणिपूर येथे आणखी 100 कोरोनाबाधितांची भर पडली आहे. राज्यातील कोरोनाबाधितांची संख्या 3 हजार 853 वर पोहचली आहे. ट्वीट- 

बिहारमध्ये आलेल्या पुरामुळे 16 जिल्ह्यातील 74 लाख 40 हजार लोक प्रभावित झाले आहेत. पीटीआयचे ट्वीट- 

सुशांत सिंह राजपूत मृत्यूप्रकरणाची चौकशीसाठी ईडीकडून गेल्या अनेक तासांपासून चौकशी सुरु होती. आता ती ईडीच्या कार्यालयातून बाहेर पडली आहे. एएनआयचे ट्वीट- 

गोव्यात आज 317 नवे कोरोना रुग्ण आढळून आले आहेत. त्यामुळे गोव्यातील एकूण कोरोनाबाधितांची संख्या 9 हजार 29 इतकी झाली आहे.

हरियाणामध्ये आज 794 नव्या कोरोनाग्रस्तांची भर पडली आहे.

पुणे शहरात आज नव्याने ७६१ कोरोनाबाधित रुग्ण आढळले असून पुणे शहरातील एकूण संख्या आता ६६ हजार ७२७ इतकी झाली आहे.

महाराष्ट्रात आज 9,181 नवे कोरोनाबाधित रुग्ण आढळून आले असून 293 जणांना डिस्चार्ज देण्यात आला आहे.

आंध्रप्रदेशमध्ये आज 7,665 नव्या कोरोना रुग्णांची भर पडली असून 80 जणांचा मृत्यू झाला आहे.

कोलकातामधील पोलॉक स्ट्रीटवरील इमारतीत आग लागली असून अग्निशामक दलाच्या 20 गाड्या घटनास्थळी दाखल झाल्या आहेत.

तामिळनाडूमध्ये आज 5,914 नव्या कोरोना रुग्णांची नोंद झाली असून 114 जणांचा मृत्यू झाला आहे.

धारावीत आज 9 नव्या कोरोना रुग्णांची नोंद करण्यात आली असून धारावीतील एकूण कोरोनाबाधितांची संख्या आता 2626 वर पोहोचली आहे.

कर्नाटकचे मुख्यमंत्री बी. एस. येडियुरप्पा यांनी कोरोनावर मात केली असून त्यांना आज रुग्णालयातून डिस्चार्ज देण्यात आला आहे.

सचिन पायलट यांनी राहुल गांधी आणि प्रियांका गांधी वड्रा यांची दिल्ली येथे भेट घेतली.

राजनाथ सिंग Army च्या R&R Hospital ला भेट देऊन माजी राष्ट्रपती प्रणब मुखर्जी यांच्या प्रकृतीची विचारपूस करणार  आहेत. दरम्यान काही वेळापूर्वी प्रणब मुखर्जी कोविड 19 पॉझिटीव्ह असल्याचं त्यांनी सांगितलं आहे.  

अभिनेता संजय दत्त यांना वांद्रे येथील लीलावती रूग्णालयातून आज (10 ऑगस्ट) डिस्चार्ज देण्यात आला आहे. काही दिवसांपूर्वी संजय दत्त याला श्वसनाचा त्रास होत असल्याने हॉस्पिटलमध्ये दाखल करण्यात आले होते. 

शिवसेना खासदार संजय राऊत यांनी आज दिलेल्या वक्तव्यामध्ये अभिनेता सुशांतसिंह राजपूत याच्या मृत्यूप्रकरणी CBI ला FIRदाखल करावं लागणं ही त्यांची मजबुरी असल्याचं म्हटलं आहे. सीबीआय ही केंद्र सरकारची एजंसी असल्याने अशाप्रकरणामध्ये केंद्र सरकारची मजबूरी असते. बिहार सरकारने शिफारस केली होती. याप्रकरणाशी बिहार सरकारचा संबंध काय? असा सवाल त्यांनी विचारला आहे. 

आज दिल्ली उच्च न्यायालयाने दिल्ली विद्यापीठांना  2017 व 2018 साली उत्तीर्ण डॉक्टरांना13 ऑगस्ट पूर्वी ईमेल द्वारा digital degree certificates द्यावीत असे आदेश दिले आहेत.