Haryana Bus Accident: देवदर्शनासाठी जाणाऱ्या भाविकांच्या मिनी बसवर काळाचा घाला, ट्रकच्या धडकेत 7 जणांचा मृत्यू
हरियाणाच्या अंबाला जिल्ह्यात राष्ट्रीय महामार्गावर मिनी बसचा अपघात झाला. या अपघातात दुर्दैवाने एकाच कुटुंबातील सात जणांचा मृत्यू झाला आहे तर २० हून अधिक जखमी झाले आहे
Haryana Bus Accident: हरियाणाच्या अंबाला जिल्ह्यात राष्ट्रीय महामार्गावर मिनी बसचा अपघात झाला. या अपघातात दुर्दैवाने एकाच कुटुंबातील सात जणांचा मृत्यू झाला आहे तर 20 हून अधिक जखमी झाले आहे. मिनी बसमधील प्रवाशी माता वैष्णोदेवीच्या दर्शनासाठी मंदिरात जात होते. हा अपघात शुक्रवारी पहाटे झाला. अपघातानंतर रस्त्यावर खळबळ उडाली होती. अपघाताची माहिती पोलिसांना देण्यात आली. हा अपघात अंबाला दिल्ली जम्मू राष्ट्रीय महामार्गावर घडला. (हेही वाचा-अल्पवयीन मुलाकडून दुचाकीची धडक, 32 वर्षीय तरुणाचा मृत्यू; मुंबईतील माझगाव परिसरातील घटना, दुचाकीस्वार पोलिसांच्या ताब्यात)
मिळालेल्या माहितीनुसार, मिनी बसला ट्रकने धडक दिल्याने हा अपघात झाला. ही धडक इतकी भीषण होती की, यात सात जणांचा मृत्यू झाला. अपघातात मिनी बसचा अक्षरश: चुराडा झाला. अपघाताची माहिती पोलिसांना देण्यात आली. घटनास्थळी पोलिस दाखल होतात, बसमध्ये अडकलेल्या प्रवाशांना बाहेर काढले. जखमींना तात्काळ रुग्णालयात दाखल करण्यात आले. जखमींपैकी काही जणांची प्रकृती गंभीर असल्याचे सांगण्यात आले आहे.
Haryana | Seven people died and more than 20 people were injured in a bus accident on the Ambala-Delhi-Jammu National Highway: Dr. Kaushal Kumar, Civil Hospital, Ambala Cantt https://t.co/Iu332pIKq4 pic.twitter.com/6JcaJ4gxSv
— ANI (@ANI) May 24, 2024
अपघातानंतर रस्त्यावर वाहतुक कोंडी झाली. पोलिसांनी काही वेळातच वाहतुक सेवा सुरळीत केली. या अपघाताबावत पोलिस पुढील तपासणी करत आहे. पोलिसांनी अपघातस्थळावरून ट्रक चालकाला ताब्यात घेतले आहे. पोलिसांनी या प्रकरणी गुन्हा दाखल केला आहे.
(The above story first appeared on LatestLY on May 24, 2024 10:04 AM IST. For more news and updates on politics, world, sports, entertainment and lifestyle, log on to our website latestly.com).
