Lok Sabha Speaker Om Birla Covid-19 Positive: लोकसभेचे सभापती ओम बिर्ला कोरोना संक्रमित, उपचारासाठी एम्स कोविड सेंटरमध्ये दाखल
दिल्ली आणि महाराष्ट्रासह देशातील आठ राज्ये आणि केंद्रशासित प्रदेशांमध्ये कोरोना संसर्गाची प्रकरणे वाढत आहेत. केंद्रीय आरोग्य मंत्रालयाच्या म्हणण्यानुसार महाराष्ट्र, तामिळनाडू, पंजाब, मध्य प्रदेश, दिल्ली, गुजरात, कर्नाटक आणि हरियाणा या आठ राज्यात संसर्ग झपाट्याने वाढत आहे.
Lok Sabha Speaker Om Birla Covid-19 Positive: लोकसभेचे सभापती ओम बिर्ला (Om Birla) कोरोना संक्रमित (Covid-19 Positive) झाले आहेत. त्यांना उपचारासाठी दिल्लीतील एम्स कोविड सेंटरमध्ये (AIIMS COVID Centre) दाखल करण्यात आलं आहे. रुग्णालयाने याबाबत माहिती दिली आहे. ओम बिर्ला 19 मार्च रोजी कोरोना पॉझिटिव्ह असल्याचे आढळून आले. त्यानंतर त्यांना 20 मार्च रोजी एम्स कोविड सेंटरमध्ये निरीक्षणाखाली ठेवण्यात आलं आहे. रुग्णालयाच्या म्हणण्यानुसार, त्याची प्रकृती आता बरी आहे. अर्थसंकल्पीय सत्राचा दुसरा टप्पा 8 मार्चपासून सुरू झाला असून तो 8 एप्रिलपर्यंत चालणार आहे.
भारत कोरोनाच्या दुसर्या लाटेचा सामना करीत आहे. देशात कोरोना प्रकरणे सातत्याने वाढत आहेत. आरोग्य मंत्रालयाने सकाळी आठ वाजता जाहीर केलेल्या आकडेवारीनुसार, गेल्या 24 तासांत कोरोनाचे 43,846 नवीन रुग्ण आढळले. त्याच वेळी 197 लोक मरण पावले. आतापर्यंत देशात 1,15,99,130 प्रकरणे नोंदली गेली आहेत. सक्रिय प्रकरण 3,09,087 वर वाढले आहे. आतापर्यंत 1,59,755 लोक मरण पावले आहेत. यापूर्वी, 26 नोव्हेंबर रोजी एकाच दिवसात 44,489 प्रकरणे नोंदली गेली. (वाचा - Coronavirus in India: देशात आज मोठी कोरोना रुग्णवाढ! 43,846 नव्या रुग्णांसह 197 मृतांची नोंद)
दिल्ली आणि महाराष्ट्रासह देशातील आठ राज्ये आणि केंद्रशासित प्रदेशांमध्ये कोरोना संसर्गाची प्रकरणे वाढत आहेत. केंद्रीय आरोग्य मंत्रालयाच्या म्हणण्यानुसार महाराष्ट्र, तामिळनाडू, पंजाब, मध्य प्रदेश, दिल्ली, गुजरात, कर्नाटक आणि हरियाणा या आठ राज्यात संसर्ग झपाट्याने वाढत आहे.
Lok Sabha Speaker Om Birla tested positive for COVID19 on March 19. He was admitted to AIIMS COVID Centre for observation on March 20. He is stable: AIIMS, Delhi pic.twitter.com/nhook5tr83
— ANI (@ANI) March 21, 2021
दरम्यान, शनिवारी महाराष्ट्र मंत्री आणि शिवसेना नेते आदित्य ठाकरे यांची कोरोना चाचणी पॉझिटिव्ह आली. ठाकरे यांनी शनिवारी ट्विट करत माहिती दिली होती. यात त्यांनी म्हटलं की, 'कोविडची सौम्य लक्षणे पाहिल्यानंतर मी माझी कोविड चाचणी करून घेतली. ही चाचणी सकारात्मक आल्याचं आढळलं. माझ्या संपर्कात आलेल्या प्रत्येक व्यक्तीला आपली कोरोना चाचणी करून घ्यावी. स्वत: ची काळजी घेणं अत्यंत महत्वाचं आहे. सर्वांनी कोविड प्रोटोकॉल अनुसरण करा आणि सुरक्षित रहा.'
(The above story first appeared on LatestLY on Mar 21, 2021 02:52 PM IST. For more news and updates on politics, world, sports, entertainment and lifestyle, log on to our website latestly.com).
