Landslide in Mizoram: मिझोराममध्ये भूस्खलनामुळे इमारत जमीनदोस्त, तीन जणांचा मृत्यू झाल्याची भीती

Landslide in Mizoram: मिझोरामची राजधानी आयझॉलच्या बाहेरील भागात मंगळवारी भूस्खलनाने एक इमारत पडल्यामुळे  एका चार वर्षांच्या मुलीसह किमान तीन जणांचा मृत्यू झाल्याची भीती आहे. एका पोलीस अधिकाऱ्याने ही माहिती दिली. सकाळपासून सुरू असलेल्या पावसामुळे ही घटना घडली असून इमारतीत राहणारे लोक त्यावेळी झोपले होते, असे या अधिकाऱ्याने सांगितले. ते म्हणाले की कुटुंबातील काही सदस्य तेथून पळून जाण्यात यशस्वी झाले, तर एक जोडपे आणि त्यांची चार वर्षांची मुलगी बेपत्ता असून ते ढिगाऱ्याखाली दबले गेल्याचे समजते. अधिकाऱ्याने सांगितले की, सध्या बचावकार्य सुरू आहे. हे देखील वाचा:  Pune Lonavala Bhushi Dam: लोणावळा येथील भुशी डॅम परिसरातील विक्रेत्यांचे अनधिकृत ठेले हटवले; चहा, भजी, कणीस मिळविण्यासाठी पर्यटकांची धावाधाव

मंगळवारी सकाळी मोठ्या प्रमाणात भूस्खलनामुळे जुआंगतुई येथील तीन इमारती आणि आयझॉलच्या उत्तरेकडील बावांगकोन भागात एक इमारती कोसळल्या. त्यांनी सांगितले की, खबरदारी म्हणून सर्व लोकांनी घरे रिकामी केली आहेत. खराब हवामानामुळे शालेय शिक्षण विभागाने मंगळवारी सर्व शाळा बंद ठेवण्याची घोषणा केली. मिझोरामच्या अनेक भागात सोमवारपासून मुसळधार पाऊस पडत असून, राज्यभरात मोठ्या प्रमाणात नुकसान झाले आहे. रविवारी अतिवृष्टी आणि वादळाचा अंदाज लक्षात घेऊन राज्य आपत्ती व्यवस्थापन आणि पुनर्वसन विभागाने सतर्कतेचा इशारा दिला होता.