Kolkata: बिकिनी फोटोवरून प्रोफेसरला नोकरी सोडण्यास भाग पाडले, म्हणाले- हे लज्जास्पद आणि भीतीदायक आहे

कोलकाता (Kolkata) येथील सेंट झेवियर्स युनिव्हर्सिटीच्या एका महिला प्रोफेसरला (Professor) तिच्या काही बिकिनी फोटोमुळे (Bikini Photo) राजीनामा द्यावा लागला. प्रोफेसरने हे फोटो इंस्टाग्रामवर (Instagram) शेअर केले आहेत. हे प्रकरण गेल्या वर्षीचे आहे. महिला प्राध्यापिकेने सांगितले की, गेल्या वर्षी ऑक्टोबरमध्ये संस्थेने या प्रकरणाबाबत 'कांगारू कोर्ट' बोलावले होते, जिथे तिला लाज, भीती, द्वेष वाटत होता. कुलगुरू आणि इतरांसोबत झालेल्या बैठकीत आपला अपमान झाल्याचा आरोप महिला प्राध्यापिकेने केला आहे. ती म्हणाली, 'ही एक प्रकारची चाचणी होती जिथे माझी चौकशी करण्यात आली आणि माझी खाजगी इंस्टाग्राम फोटो बनावट असल्याचे सांगण्यात आले. या काळात मला नैतिकतेचे धडे तर शिकवलेच पण राजीनामा देण्यासाठी दबावही टाकला.

प्रोफेसरचा दावा आहे की मुलाच्या पालकांनी इंस्टाग्रामवर बिकिनीमध्ये त्यांचे फोटो पाहिल्याबद्दल मुलाच्या पालकांनी तक्रार केल्यामुळे त्यांना कॉलेज सोडण्यास भाग पाडले गेले. त्यांनी सांगितले की प्रथम वर्षाच्या पुरुष पदवीधर विद्यार्थ्याच्या वडिलांनी तक्रार पत्र लिहिले होते. त्यात त्यांनी म्हटले आहे की, त्यांनी आपल्या मुलाला विद्यापीठातील प्राध्यापकाचे अश्लील फोटो पाहताना पकडले. या पत्राच्या आधारे विद्यापीठ प्रशासनाने आपल्यावर कारवाई केल्याचे त्यांनी सांगितले.

'अंडरगारमेंटमध्ये फोटो अपलोड करणे लज्जास्पद'

पालकांनी लिहिलेले हे तक्रारीचे पत्र सोशल मीडियावरून समोर आले. त्यात लिहिले होते, 'अलीकडेच मी माझ्या मुलाला प्रोफेसरचे काही फोटो पाहताना पकडले, जो वल्गर होते. शिक्षिकेने तिच्या अंडरगारमेंटमधील फोटो सोशल मीडियावर अपलोड करणे लज्जास्पद आहे. एक पालक म्हणून माझ्यासाठीही ही लाजीरवाणी गोष्ट आहे. (हे देखील वाचा: महिलेने उत्तेजक कपडे घातलेले असल्यास प्रथम दर्शनी तिची तक्रार Sexual Harassment मानली जाणार नाही; Kozhikode Sessions Court ने नोंदवलं मत)

त्याचबरोबर महिला प्राध्यापकावर दबाव टाकल्याचा आरोप विद्यापीठ प्रशासन फेटाळत आहे. आता त्या प्राध्यापकाविरोधात विद्यापीठ प्रशासनाकडून 99 कोटी रुपयांची मानहानीची नोटीस बजावण्यात आली आहे. या मानहानीच्या नोटीसविरोधात प्राध्यापकाने न्यायालयात जाण्याचे बोलले आहे.