Terrorist Attack Alert: ISIS भारतात रचत आहे दहशतवादी कट; प्रजासत्ताक दिनी दिल्लीसह अनेक राज्यात मोठ्या दहशतवादी हल्ल्याचा इशारा

Terrorist Attack Alert: प्रजासत्ताक दिनी (Republic Day) दिल्ली (Delhi) आणि पंजाब (Panjab) सह देशातील अनेक शहरांमध्ये मोठा दहशतवादी हल्ला होऊ शकतो. IB ने आज सोमवारी एक अलर्ट जारी केला आहे की पाकिस्तानची गुप्तचर संस्था ISI आणि इस्लामिक स्टेट अल कायदाला हा हल्ला घडवून आणू शकते. 26 जानेवारीच्या पार्श्वभूमीवर दिल्ली, पंजाब आणि देशातील अनेक मोठ्या शहरांमध्ये दहशतवादी हल्ले होण्याची शक्यता आहे. याशिवाय दहशतवादी अयोध्येतील राममंदिराला लक्ष्य करू शकतात, अशी माहिती गुप्तचर यंत्रणांना मिळाली आहे. एजन्सीच्या सूत्रांनी दिलेल्या माहितीनुसार, आत्मघातकी बॉम्बरच्या माध्यमातून राम मंदिरावर हल्ला करण्याचा कट रचला जात आहे.

यासंदर्भात सुरक्षा यंत्रणांना एक गोपनीय अहवाल प्राप्त झाला आहे. देशात होणार्‍या G-20 शिखर परिषदेवरही इस्लामिक स्टेट अल कायदाची सायबर शाखा सायबर स्पेसवर चांगलीच सक्रिय झाली असून शिखर परिषदेदरम्यान मोठे सायबर हल्ले करण्याच्या तयारीत आहे. (हेही वाचा -Asaduddin Owaisi On Islam: इस्लामने भारताला लोकशाहीची भेट दिली; असदुद्दीन ओवेसी यांचा दावा)

आयएसआय आपल्या स्लीपर सेल आणि रोहिंग्यांचा वापर करू शकते. 26 जानेवारीच्या निमित्ताने दिल्ली आणि पंजाबमध्ये आरडीएक्स स्फोट होऊ शकतात. एवढेच नाही तर अल कायदाचे दहशतवादी लोन वुल्फ हल्ल्याच्या शोधात आहेत. प्लॅननुसार, जर 26 जानेवारीला दहशतवादी योजना अयशस्वी ठरली, तर G20 शिखर परिषदेत दिल्लीत मोठा दहशतवादी हल्ला करण्याची योजना आहे.

आयएसआय यावेळी दिल्ली आणि पंजाबला लक्ष्य करण्यासाठी रोहिंग्या आणि अन्सार उल बांगला आणि जमात उल मुजाहिदीन या दोन बांगलादेशी संघटनांचा वापर करू शकते. शीख दहशतवादी गट दिल्ली आणि पंजाबमध्ये मोठे दहशतवादी हल्ले करू शकतात, असेही सांगण्यात आले आहे. सुरक्षा यंत्रणांनी दल खालसा आणि वारिस पंजाबवरही बारीक नजर ठेवण्यास सांगितले आहे, या दोन्ही संघटना देशातील वातावरण बिघडवण्याचा जोरदार प्रयत्न करत आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)