Aadhaar Card च्या साहाय्याने काही मिनिटांमध्ये मिळवू शकता PAN Card; जाणून घ्या 'या' सोप्या स्टेप्स

आपल्याला विविध आर्थिक कामांसाठी पॅन कार्ड आवश्यक आहे. अनेकदा पॅनकार्ड नसल्यामुळे लोकांची आर्थिक कामे अडकतात. आपल्यालाही त्वरित पॅनकार्डची आवश्यकता असल्यास आणि आपण अद्याप पॅन कार्ड तयार केले नसेल तर काळजी करण्याची काहीचं गरज नाही. आपण आपले ई-पॅन कार्ड काही मिनिटांत ऑनलाइन बनवू शकता. यासाठी, आपल्याला दीर्घ अर्ज भरण्याची आवश्यकता नाही. आपण केवळ आधार क्रमांकाद्वारे पॅन कार्ड बनवू शकता. याअंतर्गत Aadhaar आधारित e-KYC द्वारे त्वरित PAN (Permanent Account Number) दिले जाते.

वैध आधार कार्ड असलेले लोक या सुविधेअंतर्गत दहा मिनिटांपेक्षा कमी वेळात त्यांचे पॅनकार्ड मिळवू शकतात. ही पूर्णपणे मोफत सुविधा आहे. पॅनकार्डासाठी तुम्हाला आयकर वेबसाइटवरून अर्ज करावा लागेल. ई-पॅनसाठी अर्ज करण्यासाठी आपल्याला केवळ 12-अंकी आधार क्रमांक प्रविष्ट करण्याची आवश्यकता आहे. मात्र, यासाठी मोबाइल नंबरला आधार क्रमांकाशी जोडणे आवश्यक आहे. Aadhaar Card च्या साहाय्याने तुम्ही काही मिनिटांमध्ये खालील स्टेपने PAN Card मिळवू शकता. (वाचा - Bank Holiday in February 2021: फेब्रुवारी महिन्यात बँकेत जाण्यापूर्वी 'या' सुट्टीच्या तारखा नक्की लक्षात ठेवा)

• स्टेप 1 - प्राप्तिकर विभागाची ई-फाईलिंग वेबसाइट www.incometaxindiaefiling.gov.in. जा.

• स्टेप 2 - आता मुख्यपृष्ठावरील 'Quick Links' सेक्शनला जा आणि 'Instant PAN through Aadhaar' वर क्लिक करा.
• स्टेप 3 - नंतर 'Get New PAN' या दुव्यावर क्लिक करा. हे आपल्याला इन्स्टंट पॅन विनंती वेबपृष्ठावर घेऊन जाईल.
• स्टेप 4 - आता आपला आधार नंबर प्रविष्ट करा आणि कॅप्चा कोड प्रविष्ट करुन पुष्टी करा.
• स्टेप 5 - आता Generate Aadhar OTP वर क्लिक करा. आपल्याला नोंदणीकृत मोबाइल क्रमांकावर ओटीपी मिळेल.
• स्टेप 6 - टेक्स्ट बॉक्समध्ये ओटीपी प्रविष्ट करा आणि Validate Aadhaar OTP क्लिक करा. यानंतर, Continue बटणावर क्लिक करा.
• स्टेप 7 - आता आपणास पॅन विनंती सबमिशन पृष्ठावर पुनर्निर्देशित केले जाईल, येथे आपल्याला आपल्या आधार तपशिलाची पुष्टी करावी लागेल आणि अटी व शर्ती मान्य कराव्या लागतील.
• स्टेप 8 - यानंतर 'Submit PAN Request' वर क्लिक करा.
• स्टेप 9 - आता यानंतर नावनोंदणी क्रमांक तयार होईल. आपण या नोंदणी क्रमांकाची नोंद घ्या.

पॅन कार्ड डाउनलोड कसे करावे -

आपण पुन्हा प्राप्तिकर विभागाच्या ई-फाइलिंग वेबसाइटच्या मुख्यपृष्ठावरील 'Quick Links' विभागात जा आणि 'Instant PAN through Aadhaar' वर क्लिक करा. यानंतर 'चेक स्टेटस / डाऊनलोड पॅन' या बटणावर क्लिक करा. येथे आपण आधार क्रमांक आणि कॅप्चा कोड प्रविष्ट करुन आपल्या पॅन कार्डची स्थिती तपासू शकता आणि डाउनलोड करू शकता.

(The above story first appeared on LatestLY on Jan 30, 2021 11:47 AM IST. For more news and updates on politics, world, sports, entertainment and lifestyle, log on to our website latestly.com).