Money (Photo Credits PTI)

SBI Scheme: शेअर बाजारात (Stock Market) गुंतवणुकीचा धोका नेहमीच जास्त असतो. प्रत्येक गुंतवणूकदाराला बाजारातील जोखीम घेण्याची क्षमता नसते. त्यामुळे अशा गुंतवणूकदारांसाठी (Investors) सुरक्षित आणि निश्चित उत्पन्नासाठी एक मजबूत आणि सदाबहार पर्याय म्हणजे बँक मुदत ठेवी (Bank FD). या ठेव योजनेचे एक प्रमुख वैशिष्ट्य म्हणजे ज्येष्ठ नागरिकांना वेगवेगळ्या मुदतीच्या योजनांवर नियमित ग्राहकांपेक्षा जास्त व्याज मिळते.

देशातील सर्वात मोठी बँक SBI आपल्या ग्राहकांना 7 दिवसांपासून ते 10 वर्षांपर्यंतच्या FD चा पर्याय देते. वेगवेगळ्या मुदतीच्या FD वर, SBI नियमित ग्राहकांना 3% ते 6.5% आणि ज्येष्ठ नागरिकांना 3.5% ते 7.5% वार्षिक व्याज देते. (हेही वाचा -SBI Hikes Interest Rate: एसबीआयचे कर्ज झाले महाग; गृहकर्ज, वाहन आणि वैयक्तिक कर्जासाठी EMI वाढणार, 'येथे' पहा नवीन व्याजदर)

10 लाखाचे होणार 20 लाख रुपये -

SBI आपल्या ग्राहकांसाठी खास योजना घेऊन आली आहे. समजा एक नियमित ग्राहक SBI च्या 10 वर्षांच्या मॅच्युरिटी योजनेत एकरकमी 10 लाख रुपये जमा करत असेल तर SBI FD कॅल्क्युलेटरनुसार, गुंतवणूकदाराला 6.5 टक्के वार्षिक व्याजदराने मॅच्युरिटीवर एकूण 19,05,558 रुपये मिळतील. यामध्ये व्याजातून 905558 रुपये निश्चित उत्पन्न मिळेल.

दुसरीकडे, एक ज्येष्ठ नागरिकाने SBI च्या 10 वर्षांच्या मॅच्युरिटी योजनेत एकरकमी 10 लाख रुपये जमा केल्यास SBI FD कॅल्क्युलेटरनुसार, ज्येष्ठ नागरिकांना 7.5 टक्के वार्षिक व्याजदराने परिपक्वतेवर एकूण 21,02,349 रुपये मिळतील. यामध्ये व्याजातून 1102349 रुपये निश्चित उत्पन्न मिळेल. (हेही वाचा -SBI Clerk Recruitment 2023: एसबीआय मध्ये 8283 Junior Associate पदांसाठी नोकरभरती होणार; sbi.co.in वर 10 डिसेंबर पर्यंत करा अर्ज)

बँकांच्या मुदत ठेवी/मुदत ठेवींवरील व्याज उत्पन्न करपात्र आहे. आयकर नियमांनुसार (आयटी नियम), एफडी योजनांवर स्रोतावर कर वजावट (टीडीएस) लागू आहे. म्हणजेच, एफडीच्या मॅच्युरिटीवर मिळालेली रक्कम ही तुमची मिळकत मानली जाईल आणि तुम्हाला स्लॅब दरानुसार कर भरावा लागेल.

आयटी नियमांनुसार, ठेवीदार कर कपातीतून सूट मिळण्यासाठी फॉर्म 15G/15H सबमिट करू शकतो. दुसरीकडे, ग्राहक 5 वर्षांच्या कर बचत एफडीवर कलम 80C अंतर्गत 1.5 लाख रुपयांपर्यंतच्या कर कपातीचा दावा करू शकतात.