FD Rates Hikes: आता 'या' सरकारी बँकेच्या ग्राहकांना मिळणार अधिक परतावा; बँकेने वाढवले एफडी दर
सध्या रेपो रेट 4.00% वरून 5.40% झाला आहे. वाढत्या रेपो दराचा परिणाम बँकांद्वारे ऑफर केलेल्या ठेव योजनांवर (Deposit Scheme) देखील दिसून येत आहे आणि अनेक बँकांनी त्यांच्या मुदत ठेव, आरडी आणि बचत खात्यावरील व्याजदरात सातत्याने वाढ केली आहे.
FD Rates Hikes: भारतातील वाढत्या महागाईला लगाम घालण्यासाठी रिझर्व्ह बँक सातत्याने प्रयत्न करत आहे. यासाठी मध्यवर्ती बँकेने मे, जून आणि ऑगस्ट महिन्यात रेपो दरात (Repo Rate) वाढ केली आहे. सध्या रेपो रेट 4.00% वरून 5.40% झाला आहे. वाढत्या रेपो दराचा परिणाम बँकांद्वारे ऑफर केलेल्या ठेव योजनांवर (Deposit Scheme) देखील दिसून येत आहे आणि अनेक बँकांनी त्यांच्या मुदत ठेव, आरडी आणि बचत खात्यावरील व्याजदरात सातत्याने वाढ केली आहे. आता या यादीत आणखी एका सरकारी बँक युनियन बँक ऑफ इंडियाचेही (Union Bank of India) नाव जोडले गेले आहे.
युनियन बँक ऑफ इंडियाने 2 कोटी रुपयांपेक्षा कमी असलेल्या एफडीवरील व्याजदरात वाढ करण्याचा निर्णय घेतला आहे. बँक 3.00% ते 5.80% पर्यंत सामान्य नागरिकांना 7 दिवसांपासून ते 10 वर्षांपर्यंतच्या FD वर व्याजदर देते. त्याच वेळी, बँक 5 वर्ष 1 दिवसाच्या FD वर 6.20% कमाल व्याज दर ऑफर करते. बँकेने वाढवलेले नवीन दर 14 सप्टेंबर 2022 पासून लागू झाले आहेत. युनियन बँक ऑफ इंडिया एफडी दर (Union Bank of India FD Rates) आपल्या ग्राहकांना वेगवेगळ्या कालावधीसाठीच्या एफडीवर वेगवेगळे रिटन देते. (हेही वाचा -RBI Cancelled Cooperative Bank License: रिझर्व्ह बँकेने दिली मोठी माहिती; 22 सप्टेंबरपासून 'या' बँकेतील ग्राहकांना त्यांच्या खात्यातून पैसे काढता येणार नाहीत)
2 कोटी रुपयांपेक्षा कमी ठेवींवर उपलब्ध व्याजदर-
युनियन बँक ऑफ इंडिया 7 ते 14 दिवसांच्या कालावधीसह 2 कोटी रुपयांपेक्षा कमी ठेव योजनेवर 3.00% व्याज दर देत आहे. बँक 15 ते 30 दिवसांच्या FD वर 3.00% व्याज दर देते. 31 ते 45 दिवसांच्या मुदतीवर 3.00%, तुम्हाला 46 ते 90 दिवसांच्या FD वर 4.05% व्याजदर मिळेल. युनियन बँक 91 ते 120 दिवसांच्या FD वर 4.10%, 121 दिवस ते 180 दिवसांच्या FD वर 4.10% ऑफर करते.
दरम्यान, बँक 181 दिवसांपासून ते 1 वर्षापेक्षा कमी कालावधीच्या FD वर 4.60% व्याजदर ऑफर करत आहे. 1 वर्षाच्या मुदत ठेव योजनेवर 5.35%, 2 वर्षाच्या FD वर 5.45%, 2 ते 749 दिवसांच्या FD वर 5.50%, 750 दिवसांच्या FD वर 6.15%, 750 दिवसांपेक्षा जास्त आणि 3 वर्षांपेक्षा कमी FD वर 5.50%, FD वर 5.75% युनियन बँक ऑफ इंडिया 3 ते 5 वर्षे, 5 वर्षे 1 दिवसाच्या FD वर 6.20% आणि 5 वर्षे 1 दिवस ते 10 वर्षांच्या FD वर 5.80% ऑफर करत आहे.
तथापी, युनियन बँकेशिवाय बँक ऑफ बडोदानेही एफडी दरात वाढ केली आहे. बँकेने 2 कोटी रुपयांपेक्षा कमी एफडी 20 बेस पॉइंट्स म्हणजेच 0.20% ने वाढवली आहे. हे नवीन दर 13 सप्टेंबर 2022 पासून लागू झाले आहेत. यासोबतच पंजाब नॅशनल बँक आणि सेंट्रल बँक ऑफ इंडियानेही एफडीचे दर वाढवले आहेत. PNB ने ज्येष्ठ नागरिकांसाठी त्यांच्या 2 कोटी रुपयांपेक्षा कमी FD वर व्याजदर वाढवण्याचा निर्णय घेतला आहे. त्याच वेळी, सेंट्रल बँकेने एफडीवरील व्याजदर 60 दिवसांवरून 5 वर्षांपर्यंत वाढवला आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)