Maharashtra Bhumi Abhilekh 7/12 Utara Online: ऑनलाईन सातबारा उतारा कसा पाहाल? घ्या जाणून

Digital Satbara Maharashtra: जमीनीचा ऑनलाईन सातबारा (Online Satbara Utara) कसा पाहावा? असा प्रश्न अनेकांना पडतो. काही लोक 7x12 असेही लिहीतात. जमीनिच्या मालकीचा महत्त्वाचा दस्तऐवज म्हणून या कागदपत्राला प्रचंड महत्त्व असते. ज्यावर तुम्ही मूळ जमीन मालकाचे नाव. ही जमीन, भूभाग अथवा जमिनीचा तो तुकडा कोणाच्या मालकीचा आहे. या जमीनिची किती वेळा खरेदी-विक्री झाली आहे. त्यावर कोणते कर्ज, बोजा आहे का? या सर्व गोष्टींची माहिती मिळते. जमीन खरेदी विक्री करताना हा सातबारा (7/12 Transcript Online) अतिशय महत्त्वाचा ठरतो. अर्थात अलिकडे राज्य सरकार सातबार बंद करुन त्या ऐवजी प्रॉपर्टी कार्ड किंवा ज्याला मालमत्ता प्रमाणपत्र म्हणतात ते द्यायचा प्रयत्न करते. सुरुवातीला हा सातबारा (Satbara Transcript Online) तलाठी कार्यालयातच मिळत असे. मात्र, अलिकडील काळात डिजिटल क्रांती झाल्याने सरकारी कामकाजाच्या अनेक गोष्टी ऑनलाईन पाहायला मिळतात. सहाजिकच जमीनीचा सातबारा ऑनलाईन उपलब्ध होऊ लागला आहे. आपणही आपला सातबारा ऑनलाईन पद्धतीने पाहू शकता. कसा? घ्या जाणून.

• सातबारा ऑनलाईन पाहण्यासाठी आपला मोबाईल, लॅपटॉप किंवा संगणक आपण जे कोणते उपकरण वापरत असाल त्यात इंटरनेट सुरु करा. इंटरनेट सुरु केल्यावर गुगलवर जा.
• गुगलवर हाऊ टू गेट ऑनलाईन सातबारा असे टाईप करा. तुम्हाला विविध संकेतस्थळाचे विविध दुवे पाहायला मिळतील. त्यापैकी पहिल्या किंवा दुसऱ्याच दुव्यावर तुम्हाला https://bhulekh.mahabhumi.gov.in/ नावाचे संकेतस्थळ दिलेस. त्यावर क्लिक करा.
• संकेतस्थळ ओपन होताच आपल्याला महाराष्ट्र शासन महसुल व वन विभाग असे दिसेल. सोबतच महाराष्ट्र सरकारचे बोधचिन्ह दिसेल. या सर्व खुणा ही महाराष्ट्र सरकारचे अधिकृत संकेतस्थळ आहे याची पुष्टी देते. (हेही वाचा, दिलासादायक! कृषी विभागात सरळसेवेने विविध पदभरती; अर्ज करण्यास 22 जुलैपर्यंत मुदत, जाणून घ्या सविस्तर)
• आता या संकेतस्थळावर आपल्याला राज्यातील सर्व जिल्हे दिसतील. आपण ज्या जिल्ह्यातून येता किंवा आपणा ज्या ठिकाणाचा सातबारा पाहायचा आहे ते ठिकाणज्या जिल्ह्यात येते तो जिल्हा निवडा. किंवा आपण सर्च पर्यायावरुन थेट आपल्या जिल्ह्याचे नावही टाईप करु शकता. पुढे तालुका आणि आपले गाव (ठिकाण निवडा).
• गाव निवडल्यावर आपल्याला निश्चीत जागी आपला सर्व्हे नंबर किंवा गटनंबर टाकू शकता. योग्य नंबर टाकल्यानंतर आपल्या समोर स्क्रिनला आपला सातबारा पाहायला मिळू शकेल.

टीप: 'या संकेतस्थळावर दर्शवलेली माहिती कोणत्याही शासकीय किंवा कायदेशीर बाबीसाठी वापरता येत नाही', अशी सूचना पाहायला मिळते. पण या सातबाराची आपण प्रिंट काढली आणि त्यावर तलाठ्याचा सही आणि शिक्का घेतला तर आपण तो सातबारा कायदशीर म्हणून वापरु शकतो. दरम्यान, अधिक माहितीसाठी आपण जवळच्या महसूल कार्यालयात जाऊ शकता तसेच गावच्या तलाठ्याकडूनही अधिक माहिती घेऊ शकता.