QuickLY
Socially
Robotic Surgery: चेन्नईतील अपोलो हॉस्पिटलमध्ये (Apollo Hospital) एका महिलेच्या लाळ ग्रंथीवरील 8 सेमी आकाराचा मोठा ट्यूमर (Tumor) काढण्यासाठी रोबोटिक शस्त्रक्रिया (Robotic Surgery) करण्यात आली. या शस्त्रक्रियेदरम्यान महिलेच्या मानेवर कोणतीही जखम झाली नाही. त्याचबरोबर देशातील अशा प्रकारची ही पहिलीच शस्त्रक्रिया आहे.
अपोलो रुग्णालयात रोबोटिक शस्त्रक्रिया -
अपोलो हॉस्पिटल्सने एका निवेदनात म्हटले आहे की, ही शस्त्रक्रिया अपोलो हॉस्पिटल्समधील डॉ वेंकट कार्तिकेयन सी, क्लिनिकल लीड, रोबोटिक ईएनटी हेड आणि नेक ऑन्कोलॉजी यांनी केली. या डॉक्टरांनी अशा 125 शस्त्रक्रिया केल्या आहेत. (हेही वाचा - HIV via Blood Transfusion: महाराष्ट्रात रक्ताद्वारे एचआयव्ही संक्रमणामध्ये तब्बल चार पट वाढ; पहा धक्कादायक आकडेवारी)
यशस्वी शस्त्रक्रियेबद्दल बोलताना डॉ. वेंकट कार्तिकेयन म्हणाले की, महिला (विजयालक्ष्मी) तिच्या मानेच्या उजव्या बाजूला एक मोठी गाठ घेऊन अपोलो रुग्णालयात पोहोचल्या. मानेवर कोणताही डाग न ठेवता विशेषत: सबमॅन्डिब्युलर ग्रंथीवरील 8 सेमी आकाराची गाठ काढून टाकण्यासाठी RAHI-अॅप्रोच केलेली रोबोटिक शस्त्रक्रिया देशातील पहिली शस्त्रक्रिया ठरली.
विशेष म्हणजे या शस्त्रक्रियेत महिलेच्या मानेवर कोणतीही जखम झाली नाही. थायरॉईड, पॅराथायरॉईड ग्रंथी, पॅराफेरेंजियल स्पेस ट्यूमर, सबमॅंडिब्युलर ग्रंथी काढून टाकणे, श्वासनलिकांसंबंधी क्लॅफ्ट सिस्ट्स आणि मेटास्टॅटिक ग्रीवा लिम्फ नो यासारख्या रोबोटिक शस्त्रक्रिया हा एक आदर्श उपचार आहे.
