Covid-19 Cases In India: भारत पुन्हा जगातील टॉप-5 संक्रमित देशांच्या यादीत पोहोचला; 24 तासांत आढळले विक्रमी कोरोना रुग्ण, 11 जणांचा मृत्यू
आकडेवारीवर नजर टाकल्यास, गेल्या 24 तासांत देशात कोरोनाच्या विक्रमी रुग्णांमध्ये वाढ झाली आहे. दरम्यान, 3,641 लोक पॉझिटिव्ह आढळले आहेत. यासह, सक्रिय प्रकरणांची संख्या 20 हजार 219 झाली आहे.
Covid-19 Cases In India: कोरोना संक्रमणाच्या बाबतीत भारत पुन्हा एकदा जगातील पाच देशांमध्ये सामील झाला आहे. येथे सर्वाधिक संसर्गाची प्रकरणे नोंदवली जात आहेत. आकडेवारीवर नजर टाकल्यास, गेल्या 24 तासांत देशात कोरोनाच्या विक्रमी रुग्णांमध्ये वाढ झाली आहे. दरम्यान, 3,641 लोक पॉझिटिव्ह आढळले आहेत. यासह, सक्रिय प्रकरणांची संख्या 20 हजार 219 झाली आहे. केंद्रीय आरोग्य मंत्रालयाच्या म्हणण्यानुसार, रविवारी संसर्गामुळे 11 जणांचा मृत्यू झाला. यामध्ये केरळमधील चार, महाराष्ट्रातील तीन आणि दिल्ली, कर्नाटक आणि राजस्थानमधील प्रत्येकी एका मृत्यूचा समावेश आहे. यासोबतच कोरोनामुळे जीव गमावणाऱ्यांची संख्या पाच लाख 30 हजार 892 झाली आहे.
दरम्यान, दैनंदिन सकारात्मकता दर 6.12 नोंदविला गेला तर साप्ताहिक सकारात्मकता दर 2.45 टक्के नोंदवण्यात आला. देशात आतापर्यंत 4 कोटी 47 लाख 26 हजार 246 लोक संसर्गाच्या विळख्यात आले आहेत. त्यापैकी 0.05 टक्के लोकांवर उपचार सुरू आहेत, तर चार कोटी 41 लाख 75 हजार 135 लोक बरे झाले आहेत. 1.19 टक्के लोकांचा मृत्यू झाला आहे. (हेही वाचा - COVID-19 in India: भारतात वाढत आहे कोविड 19 रूग्णांची संख्या; Omicron XBB.1.16 वर लक्ष ठेवावं लागेल; WHO चा इशारा)
मंत्रालयाच्या वेबसाइटनुसार, देशव्यापी लसीकरण मोहिमेअंतर्गत आतापर्यंत 220.66 कोटी कोविड लसीचे डोस देण्यात आले आहेत. जगातील सर्वाधिक संक्रमित पाच देशांमध्ये भारताचा पुन्हा समावेश झाला आहे. वर्ल्डोमीटर्सच्या आकडेवारीनुसार, भारत पुन्हा एकदा पाच देशांच्या यादीत सामील झाला आहे, जिथे सर्वाधिक संक्रमित रुग्ण आढळले आहेत.
तथापी, रविवारी, दक्षिण कोरियामध्ये सर्वाधिक 9724 लोक संक्रमित आढळले. दुसऱ्या क्रमांकावर रशियामध्ये 9,591, जपानमध्ये 6290, फ्रान्समध्ये 6027 लोक संक्रमित आढळले. यानंतर भारतात 3,641 लोक संक्रमित आढळले.