Ghaziabad Shocker: फटाक्यांना आग लागल्याने पती-पत्नीचा मृत्यू, लग्नसमारंभात इव्हेंट मॅनेजमेंटचे करत होते काम

Ghaziabad Shocker: 22 एप्रिल रोजी गाझियाबादमधील तीला मोड पोलीस स्टेशन परिसरातील फारुख नगरमध्ये एका घराला आग लागली. आग लागली तेव्हा पती-पत्नी घरात झोपले होते. या घटनेत दोघांचा मृत्यू झाला. दोघांनी लग्नसमारंभात इव्हेंट मॅनेजमेंटचे काम केले असून घरात भरपूर फटाके ठेवल्याचे पोलिस तपासात उघड झाले आहे. आगीत दोघेही जळून भस्मसात झाले. गाझियाबादमधील शालीमार गार्डनचे एसीपी सिद्धार्थ गौतम यांनी सांगितले की, 22 एप्रिल रोजी गाझियाबाद पोलिसांना टीला मोड पोलिस स्टेशनच्या फारूक नगर भागात एका घराला आग लागल्याची माहिती मिळाली. पोलीस आणि अग्निशमन दलाचे जवान घटनास्थळी पोहोचले असता संपूर्ण घराला आग लागल्याचे दिसले. या आगीत पती-पत्नीचा होरपळून मृत्यू झाला.

23 एप्रिललाही त्यांना लग्नात फटाक्यांची आतषबाजी करायची होती. यासाठी त्यांनी जवळपास 13 हजार रुपये किमतीचे फटाके जवळच्या परवानाधारक फटाका विक्रेत्याकडून खरेदी करून घरात ठेवले होते, त्यामुळे आग लागल्याने हा अपघात झाला.