Delhi Shocker: नवीन फोनची पार्टी न दिल्यामुळे मित्रांनी केला 16 वर्षीय तरुणाचा खून

Delhi Shocker: पूर्व दिल्लीतील शकरपूर येथे एका 16 वर्षांच्या मुलाने नवीन फोनची पार्टी देण्यास नकार दिल्याने तीन मित्रांनी त्याच्यावर चाकूने वार केल्याची घटना घडली आहे. पोलिसांनी मंगळवारी ही माहिती दिली. पोलिसांनी सांगितले की, तिन्ही आरोपी किशोरवयीन असून ते सर्वजण साधारण १६ वर्षांचे असून ते नववीत शिकत आहेत. पोलिसांनी दिलेल्या माहितीनुसार, या तिघांनाही हत्येप्रकरणी अटक करण्यात आली आहे. पोलिस उपायुक्त (पूर्व) अपूर्व गुप्ता यांनी सांगितले की, गस्ती पथकाला सोमवारी सायंकाळी ७.१५ वाजता शकरपूर येथील रामजी समोसा दुकानाजवळ रस्त्यावर रक्ताचे डाग दिसले आणि त्यांनी तपास सुरू केला. हे देखील वाचा: Palghar Gangrape Case: पालघर मध्ये अल्पवयीन मुलीवर सामुहिक बलात्कार; एक जण अटकेत

अधिकाऱ्याच्या म्हणण्यानुसार, ही घटना दिवसाढवळ्या घडली. गुप्ता यांनी सांगितले की, घटनेच्या एक तासानंतर सचिनचा रुग्णालयात मृत्यू झाला आणि त्याच्या पाठीवर दोनदा वार करण्यात आले. डीसीपी म्हणाले की, तपासादरम्यान माहिती मिळाली की, सचिन आणि त्याचा एक मित्र मोबाईल फोन खरेदी करून घरी परतत असताना त्यांना तीन मुले भेटली.

गुप्ता म्हणाले, “तीन मुलांच्या गटाने नवीन फोन खरेदी केल्यामुळे पार्टी देण्याची मागणी केली, परंतु सचिनने नकार दिला. यावरून बाचाबाची झाली आणि अखेर आरोपींनी चाकूने हल्ला केला.

भारतीय न्यायिक संहितेच्या कलम 103(1) आणि 3(5) अंतर्गत शकरपूर पोलिस ठाण्यात एफआयआर नोंदवण्यात आला आहे आणि तीन आरोपींना मंगळवारी परिसरातून पकडण्यात आले. पोलिसांनी आरोपींची ओळख पटवण्यासाठी परिसरात लावलेल्या सीसीटीव्ही कॅमेऱ्यांतील छायाचित्रांचा वापर केला. हत्येसाठी वापरलेला चाकूही जप्त करण्यात आल्याचे पोलिसांनी सांगितले.