PM Modi Visit To Karnataka: बंगळुरू ते म्हैसूरचा प्रवास आता 75 मिनिटांत; पंतप्रधान मोदी आज करणार एक्स्प्रेस वे चे उद्धघाटन
पंतप्रधान त्यांच्या कर्नाटक दौऱ्यात 16,000 कोटी रुपयांच्या प्रकल्पांचे उद्घाटन आणि पायाभरणीही करतील. पंतप्रधान राज्यातील जनतेला अनेक नवीन प्रकल्प भेट देतील.
PM Modi Visit To Karnataka: पंतप्रधान नरेंद्र मोदी (PM Modi) आज कर्नाटक (Karnataka) दौऱ्यावर आहेत. या कालावधीत पंतप्रधान मोदी बेंगळुरू-म्हैसूर द्रुतगती मार्गाचे (Bengaluru-Mysuru Highway) उद्धाटन करणार आहेत. हा एक्स्प्रेस वे 118 किलोमीटर लांबीचा आहे, जो एकूण 8,480 कोटी रुपये खर्चून विकसित करण्यात आला आहे. एक्स्प्रेस वेच्या बांधकामामुळे, बेंगळुरू आणि म्हैसूर दरम्यानचा प्रवासाचा वेळ सुमारे 3 तासांवरून 75 मिनिटांपर्यंत कमी होईल. निदाघट्टा-म्हैसूर विभाग सहा पदरी करण्यात आला आहे. हा द्रुतगती मार्ग दोन्ही शहरांच्या सामाजिक-आर्थिक विकासासाठी उत्प्रेरक म्हणून काम करेल.
पंतप्रधान त्यांच्या कर्नाटक दौऱ्यात 16,000 कोटी रुपयांच्या प्रकल्पांचे उद्घाटन आणि पायाभरणीही करतील. पंतप्रधान राज्यातील जनतेला अनेक नवीन प्रकल्प भेट देतील. यानंतर पंतप्रधान मंड्या जिल्ह्यात रोड शोही करणार आहेत. हंपीच्या स्मारकांच्या धर्तीवर बांधलेल्या होसपेटे रेल्वे स्थानकाचेही पंतप्रधान मोदी यांच्या हस्ते उद्घाटन होणार आहे. (हेही वाचा - केंद्रीय मंत्री पियुष गोयल यांनी शेअर केला Vande Bharat एक्सप्रेसचा सुंदर व्हिडीओ (Watch Video))
पंतप्रधान मोदी आज सकाळी 11 वाजता कर्नाटकातील मंड्या येथे पोहोचतील. सकाळी 11.30 वाजता पंतप्रधान मंड्यामध्ये रोड शो करणार आहेत. त्यानंतर दुपारी 12.15 वाजता पंतप्रधान बेंगळुरू-म्हैसूर एक्सप्रेसवेसह अनेक प्रकल्पांचे उद्घाटन आणि पायाभरणी करतील. यानंतर, पंतप्रधान हुबळी-धारवाडला जातील. जिथे ते हॉस्पेट रेल्वे स्थानकाच्या उद्घाटनासोबत अनेक नवीन प्रकल्पांची पायाभरणी करतील.
यानंतर पंतप्रधान मोदी म्हैसूर-खुशालनगर 4 लेन महामार्गाची पायाभरणी करतील. सुमारे 4130 कोटी रुपये खर्चून 92 किमी पसरलेला हा प्रकल्प विकसित केला जाणार आहे. कुशलनगरची बेंगळुरूशी कनेक्टिव्हिटी वाढवण्यात आणि प्रवासाचा वेळ सुमारे 5 वरून केवळ 2.5 तासांपर्यंत कमी करण्यात हा प्रकल्प महत्त्वाची भूमिका बजावेल.
तत्पूर्वी, नितीन गडकरी यांनी ट्विटरवर या कनेक्टिव्हिटी प्रकल्पाचे वर्णन प्रदेशासाठी महत्त्वपूर्ण असल्याचे सांगितले. त्यांनी माहिती दिली की, बेंगळुरू-म्हैसूर द्रुतगती मार्गाच्या बांधकामामध्ये NH-275 चा काही भाग, चार रेल्वे ओव्हरब्रिज, नऊ महत्त्वाचे पूल, 40 छोटे पूल आणि 89 अंडरपास आणि ओव्हरपास यांचाही समावेश आहे.
वेगळ्या ट्विटमध्ये गडकरी म्हणाले की, या कनेक्टिव्हिटी प्रकल्पामुळे या प्रदेशातील पर्यटन क्षमता वाढेल. या महत्त्वाकांक्षी प्रकल्पाचे उद्दिष्ट श्रीरंगपट्टणा, कूर्ग, उटी आणि केरळ सारख्या भागात प्रवेश सुधारणे आहे. ज्यामुळे येथील पर्यटन क्षमतेला चालना मिळेल.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)