Baba Vishwanath Temple: बाबा विश्वनाथ मंदिराचा नवा प्रसाद दर जाहीर, दर्शन तिकीट झाले 250 रुपये
आता भाविकांना सहज दर्शनासाठी 300 रुपयांऐवजी 250 रुपयांना तिकीट खरेदी करावे लागणार आहे. भाविकांना आता 200 ग्रॅम लाडू केवळ 120 रुपयांमध्ये मिळणार आहेत. काशी विश्वनाथ मंदिर ट्रस्टचे सीईओ विश्वभूषण मिश्रा म्हणाले की, काशी विश्वनाथ मंदिर ट्रस्टच्या आवारात जो काही प्रसाद विकला जातो त्याच्या किंमतीत कोणताही बदल करण्यात आलेला नाही.
Baba Vishwanath Temple: बाबा विश्वनाथ धामच्या व्यवस्थेत दोन मोठे बदल करण्यात आले आहेत. आता भाविकांना सहज दर्शनासाठी 300 रुपयांऐवजी 250 रुपयांना तिकीट खरेदी करावे लागणार आहे. भाविकांना आता 200 ग्रॅम लाडू केवळ 120 रुपयांमध्ये मिळणार आहेत. काशी विश्वनाथ मंदिर ट्रस्टचे सीईओ विश्वभूषण मिश्रा म्हणाले की, काशी विश्वनाथ मंदिर ट्रस्टच्या आवारात जो काही प्रसाद विकला जातो त्याच्या किंमतीत कोणताही बदल करण्यात आलेला नाही. पूर्वी शहरात विकली जाणारी मिठाई येथे प्रसाद म्हणून विकली जात होती. प्रसादाची शुद्धता, स्वच्छता आणि पावित्र्य याबाबत श्री काशी विश्वनाथ मंदिराने निर्णय घेतला की प्रसाद स्वतः तयार केला जाईल.
विश्वभूषण मिश्रा म्हणाले की, मंदिरात व्हीआयपी दर्शनासाठी विशेष व्यवस्था नाही. श्री विश्वेश्वर धाममध्ये सर्व भाविकांना समान वागणूक दिली जाते आणि सर्वांना व्हीआयपी मानले जाते. आमच्याकडे सर्वांसाठी समान सुविधा आहेत.तथापि, काही भाविकांना मंदिरात जास्त वेळ घालवायचा आहे, म्हणून ते रांगेत थांबतात आणि नंतर जास्त काळ आवारात थांबतात. कधीकधी भक्तांना विमान किंवा ट्रेन पकडण्यासाठी विशिष्ट वेळेची मर्यादा असते. त्यामुळे त्यांचा वेळ मर्यादित आहे. अशा स्थितीत त्यांच्या दर्शनासाठी स्वतंत्र लाईन असेल. त्यांच्या तिकिटाची किंमत 250 रुपये निश्चित करण्यात आली आहे.