Delhi Pollution: प्रदूषणाचे सर्व रेकॉर्ड ब्रेक, दिल्लीचा AQI 500 पार; 'या' 20 भागात श्वास घेणं ठरतय धोकादायक
या महिन्यात दिल्लीतील लोकांना सतत 'खराब', 'खूप वाईट', 'गंभीर किंवा 'अत्यंत गंभीर' श्रेणीतील हवा श्वास घ्यावी लागत आहे. केंद्रीय प्रदूषण नियंत्रण मंडळाने दिलेल्या माहितीनुसार, शनिवारी सकाळी दिल्लीचा AQI 500 वर पोहोचला आहे. हवेची ही पातळी "गंभीर" श्रेणीत मोडते. एक दिवस आधी शुक्रवारी ते 400 होते. 24 तासांत त्यात 25 अंकांची वाढ झाली आहे.
Delhi Pollution: दिल्लीमध्ये प्रदूषणाची (Pollution) समस्या दिवसेंदिवस वाढत आहे. यंदाचा नोव्हेंबर महिना 2015 नंतर नऊ वर्षांतील सर्वात प्रदूषित महिना असणार आहे. या महिन्याच्या 24 दिवसांपैकी असा एकही दिवस गेलेला नाही जेव्हा दिल्लीचा AQI 200 च्या खाली गेला असेल. या महिन्यात दिल्लीतील लोकांना सतत 'खराब', 'खूप वाईट', 'गंभीर किंवा 'अत्यंत गंभीर' श्रेणीतील हवा श्वास घ्यावी लागत आहे. केंद्रीय प्रदूषण नियंत्रण मंडळाने दिलेल्या माहितीनुसार, शनिवारी सकाळी दिल्लीचा AQI 500 वर पोहोचला आहे. हवेची ही पातळी "गंभीर" श्रेणीत मोडते. एक दिवस आधी शुक्रवारी ते 400 होते. 24 तासांत त्यात 25 अंकांची वाढ झाली आहे.
दिल्लीतील वीस क्षेत्रे आहेत जिथे AQI "अत्यंत गंभीर" श्रेणीत पोहोचला आहे. येथील AQI 400 च्या पुढे गेला आहे. त्याच वेळी, काही भागात AQI 470 च्या पुढे गेला आहे. हे सर्व क्षेत्र आधीच प्रदूषणाचे हॉट स्पॉट म्हणून ओळखले जातात. या भागाची नावे पुढीलप्रमाणे - Supreme Court on Delhi Pollution: दिल्लीकरांच्या आरोग्याशी खेळू नका, सर्वोच्च न्यायालयाने सरकारला फटकारले)
आनंद विहार- 460
अलीपूर- 446
बवना- 468
बुरारी-427
करणी सिंग शूटिंग-416
द्वारका 437
IGI विमानतळ-423
जहांगीरपुरी-469
जवाहरलाल नेहरू स्टेडियम-402
मेजर ध्यानचंद स्टेडियम-420
टेंपल रोड 417
वजीरपूर-464
विवेक विहार-471
सोनिया विहार-449
शादीपूर-401
नरेला-431
पटपरगंज-462
पंजाबी बाग-463
आरके पुरम-430
नजफगड-404
मानकांनुसार, हवेतील प्रदूषक कण PM 10 ची पातळी 100 पेक्षा जास्त आणि PM 2.5 ची पातळी 60 पेक्षा जास्त नसावी. जेव्हा ते यापेक्षा कमी पातळीवर असते तेव्हाच ते आरोग्यासाठी फायदेशीर मानले जाते. पण, शुक्रवारी संध्याकाळी 4 वाजता दिल्ली आणि एनसीआरच्या हवेत पीएम 10 ची सरासरी पातळी 413 होती आणि पीएम 2.5 ची सरासरी पातळी 239 मायक्रोग्रॅम प्रति घनमीटर होती. म्हणजेच दिल्ली आणि एनसीआरच्या हवेतील प्रदूषक कणांची सरासरी पातळी मानकांपेक्षा चार पट जास्त आहे.
सध्या दिल्लीत वाऱ्याचा वेग खूपच कमी झाला आहे. विशेषत: सकाळच्या वेळी वारा अतिशय शांतपणे वाहत असतो. दिवसा वारा वाहत असतानाही त्याचा वेग ताशी चार किलोमीटर इतकाच राहतो. त्यामुळे प्रदूषक कणांचा प्रसार अत्यंत संथ होत चालला आहे. आकाशातही धुक्याचा थर पसरला आहे. लोकांना सामान्यपेक्षा जास्त प्रदूषणाचा सामना करावा लागत आहे.
(The above story first appeared on LatestLY on Nov 25, 2023 08:49 AM IST. For more news and updates on politics, world, sports, entertainment and lifestyle, log on to our website latestly.com).
