Bigg Boss Marathi 2, Episode 26 Preview: बिग बॉसच्या घरातील ग्लॅमडॉल हीना पांचाळ साठी अभिजित बिचुकले यांनी गायले 'हे' गाणे (Watch Video)
बिग बॉस मराठी 2 च्या घरात घरातील एक आगळावेगळा सदस्य म्हणून नेहमीच अभिजीत बिचुकले यांच्याकडे पाहिले जाते.
बिग बॉस मराठी 2 (BIgg Boss Marathi 2) च्या घरात घरातील एक आगळावेगळा सदस्य म्हणून नेहमीच अभिजीत बिचुकले (Abhijit Bichukale) यांच्याकडे पाहिले जाते. त्यांचा घरातील एकंदरीत वावर, बोलणे, राहणीमान आणि काही खास मैत्रिणींशी असलेली सलगी नेहमीच त्यांना चर्चेत राहण्यात मदत करते. त्यात भरीस भर म्हणून की काय त्यांची प्रत्येक गोष्टीवर गाणे म्हणण्याची सवय लोकप्रिय झाली आहे. यापूर्वी बिग बॉसच्या घरातील शिवानी सुर्वे सोबत बिचुकले यांची चांगली गट्टी झाली होती. शिवानी बाहेर पडताच व्हाईड कार्ड एन्ट्री (Wild Card Entry) झालेली हीना पांचाळ हिच्याशी त्यांची सलगी झाली आहे. (अभिजीत बिचुकले यांना बिग बॉस च्या घराबाहेर काढण्यासाठी भाजपा माजी नगरसेविका रितू तावडे यांची मुख्यमंत्र्यांकडे धाव)
आजच्या भागात तर त्यांनी हीना साठी खास गाणे देखील गायले आहे. विशेष म्हणजे शिवानी घरात असताना त्यांनी शिवानीसाठी देखील गाणे गायले होते. हीनाला जवळ घेत बिचुकले यांनी 'माने या ना माने तू मेरी हो गई' हे गाणे तिच्यासाठी गायले. तर तुम्हीच पहा बिचुकलेंचा हा सुरेल अंदाज...
पहा व्हिडिओ:
नॉमिनेशन टास्कमध्ये रुपाली सोबत झालेल्या भांडणानंतरही हीना बिचुकले यांना समजवताना दिसली. त्यानंतर बिचुकले यांनी हीनाकडून बॅक मसाजही घेतला होता. हीनाच्या एन्ट्रीनंतर बिचुकले यांनी हीनासोबत मैत्री तर केलीच आता तिच्यासाठी गाणे गाऊन मैत्री अधिक घट्ट करण्याचा बिचुकले यांचा प्रयत्न असावा.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)