Ketaki Chitale Case: अभिनेत्री केतकी चितळेचा पोलीस कोठडीत विनयभंग; म्हणाली, 'मला मारहाण करून माझ्यावर विषारी शाही फेकण्यात आली'
Ketaki Chitale (Photo Credit: Twitter)

Ketaki Chitale Case: मराठी अभिनेत्री केतकी चितळे (Ketaki Chitale) गेल्या अनेक दिवसांपासून वादात सापडली आहे. राष्ट्रवादी काँग्रेसचे अध्यक्ष शरद पवार (Sharad Pawar) यांच्याविरोधात आक्षेपार्ह पोस्ट केल्याने ही केतकी चर्चेत आली होती. केतकीने फेसबुकवर राष्ट्रवादीचे अध्यक्ष पवार आडनावाची कविता पोस्ट केली होती. त्यामुळे तिला सोशल मीडियावर प्रचंड ट्रोल करण्यात आले. त्यानंतर एफआयआरमुळे अभिनेत्रीला अटक करण्यात आली. अनेक दिवस तुरुंगात घालवल्यानंतर केतकीची 22 जून रोजी जामिनावर सुटका झाली. तुरुंगातून बाहेर आल्यानंतर अभिनेत्रीने आता तिच्या अटकेदरम्यान घडलेल्या अनेक हृदयद्रावक घटना कथन केल्या आहेत. केतकीने पोलिस कोठडीत तिच्यासोबत घडलेल्या सर्व प्रकारासंदर्भात सांगितलं आहे.

केतकी चितळे यांनी सीएनएन न्यूज 18 ला दिलेल्या मुलाखतीत सांगितले की, "मला मागे वळून पाहिल्यावर वाटतं की, आपली न्याय व्यवस्था किती विचित्र आहे. किती अन्यायकारक आहे. मला माझ्या घरातून उचलून नेण्यात आलं. मी दुसऱ्याची कविता कॉपी-पेस्ट केली होती. ते माझे शब्दही नव्हते. याबद्दल पूर्वसूचना न देता, कोणत्याही नोटीसशिवाय, अटक वॉरंटशिवाय एखाद्याला उचलणे बेकायदेशीर नाही का? ती फक्त एक पोस्ट होती. मी कोणाला लक्ष्य केलं असंही नाही. लोकांनी त्याचा अर्थ लावला. माझ्यावर 22 एफआयआर दाखल करण्यात आले. जेव्हा मी याचा विचार करतो तेव्हा माझ्या मनात पुन्हा पुन्हा तेच विचार येतात." (हेही वाचा -Kishor Das Passed Away: अभिनेता किशोर दास ने वयाच्या 30 व्या वर्षी घेतला जगाचा निरोप; 'या' गंभीर आजाराने झाले निधन)

पोलीस कोठडीत असताना माझा विनयभंग झाला. विषारी शाई फेकण्यात आली आणि मारहाण केली. अभिनेत्री म्हणाली, "मी ठाण्याच्या कोठडीत असताना माझ्यावर राष्ट्रवादीच्या महिलांनी विषारी रंगाची शाही फेकली. जी त्वचेसाठी अत्यंत हानिकारक आहे, मी पोलीस कोठडीत असताना त्यांनी अंडीही फेकली. पण पोलिसांनी काहीही केले नाही. मला मारहाण झाली. माझा विनयभंग झाला. मी साडी नेसली होती. माझा पदर पडला होता. कोणीतरी मला त्यात अडकवून माझ्या उजव्या स्तनावर मारलं. मी पोलिसांच्या गाडीवर पडले. माझी साडी वर गेली माझा पदर खाली पडला. मला समजतयं की, लोक संतापले होते. पण, एक महिला असतानाही ते दुसऱ्या महिलेचा विनयभंग करत होते.