Mr And Mrs Mahi Box Office Collection Day 6:'मिस्टर अँड मिसेस माही'ची धमाकेदार सुरुवात, पहिल्याच आठवड्यात 23 कोटींहून अधिक कमाई!

Mr And Mrs Mahi Box Office Collection Day 6: 'मिस्टर अँड मिसेस माही' हा चित्रपट बॉक्स ऑफिसवर चांगली कमाई करत आहे. राजकुमार राव आणि जान्हवी कपूर अभिनीत या चित्रपटाने पहिल्या आठवड्यात एकूण 23.09 कोटी रुपयांची कमाई केली आहे. या शुक्रवारी रिलीज होणारा कोणताही मोठा चित्रपट नाही, त्यामुळे 'मिस्टर अँड मिसेस माही'ला वीकेंड 2 मध्ये चांगली कमाई करण्याची जोरदार संधी आहे. या चित्रपटाने पहिल्या दिवशी 6.85 कोटींची कमाई केली होती. आठवड्याच्या शेवटी चित्रपटाच्या कमाईत थोडीशी घट झाली होती, पण त्यानंतर सोमवारी आणि मंगळवारीही चित्रपटाने चांगली कामगिरी केली. लोकसभा निवडणूक 2024 च्या निकालांमुळे मंगळवारी कमाई थोडी कमी होती. मात्र, एकूणच चित्रपटाने पहिल्या आठवड्यात चांगली कमाई केली आहे.

पाहा पोस्ट:

 

View this post on Instagram

 

A post shared by Taran Adarsh (@taranadarsh)

येत्या आठवड्यात 'मिस्टर अँड मिसेस माही'ची कमाई वाढू शकते, असे व्यापार विश्लेषकांचे मत आहे. या काळात कोणताही मोठा चित्रपट प्रदर्शित होत नसल्याने हा चित्रपट प्रेक्षकांना आकर्षित करण्यात यशस्वी ठरू शकतो. याआधी रिलीज झालेला राजकुमार रावचा श्रीकांत हा चित्रपटही बॉक्स ऑफिसवर हिट ठरला होता.