Movie Release This Week: हा वीकेंड असणार मनोरंजनाने भरलेला, हे चार चित्रपट आज बॉक्स ऑफिसवर देणार टक्कर
याशिवाय दक्षिणेसह इतर प्रादेशिक भाषांमध्येही चित्रपट प्रदर्शित होणार आहेत. चला तर मग जाणून घेऊया या चित्रपटांबद्दल
नवीन आठवड्याच्या सुरूवातीस, लोक प्रत्येक शुक्रवारी प्रदर्शित होणाऱ्या चित्रपटांची आतुरतेने वाट पाहत असतात. देशभरातील विविध प्रादेशिक भाषांमध्ये प्रदर्शित झालेले हे चित्रपट वीकेंडसाठी (Movie Release This Week) उत्तम मनोरंजन करणारे ठरतात. अशा परिस्थितीत शुक्रवारी प्रदर्शित होणाऱ्या चित्रपटांची यादी आधीच उपलब्ध असेल, तर ते पाहण्याचे अधिक चांगले नियोजन करता येते. या शुक्रवारी म्हणजेच आज 29 एप्रिल रोजी बॉलिवूडच्या (Bollywood) दोन बड्या कलाकारांचे चित्रपट बॉक्स ऑफिसवर (Box Office) टक्कर देण्यासाठी सज्ज झाले आहेत. याशिवाय दक्षिणेसह इतर प्रादेशिक भाषांमध्येही चित्रपट प्रदर्शित होणार आहेत. चला तर मग जाणून घेऊया या चित्रपटांबद्दल
चंद्रमुखी
राजकीय पार्श्वभूमीवर असणार मराठी चित्रपटही याच शुक्रवारी प्रदर्शित होणार आहे. चित्रपटाची कथा 80 च्या दशकातील संगीतमय प्रेमकथेपासून प्रेरित आहे. प्रसाद ओक दिग्दर्शित या चित्रपटात अमृता खानविलकर आणि आदिनाथ कोठारे यांच्या प्रमुख भूमिका आहेत.
रनवे 34
खऱ्या घटनांनी प्रेरित असलेला ‘रनवे 34’ हा चित्रपट कॅप्टन विक्रांत खन्ना आणि त्यांच्या आयुष्यातील घटनांवर आधारित आहे. अभिनेता अजय देवगण या चित्रपटात विक्रांत खन्ना नावाच्या पायलटच्या भूमिकेत दिसणार आहे. वादळात अडकलेल्या विमानाला आणि त्यातील प्रवाशांना वाचवणाऱ्या पायलटभोवती चित्रपटाची कथा फिरते. अयाज देवगन दिग्दर्शित या चित्रपटात अजय देवगण व्यतिरिक्त अभिनेते अमिताभ बच्चन, बोमन इराणी आणि अभिनेत्री रकुलप्रीत दिसणार आहेत.
आचार्य
कोरतला शिव दिग्दर्शित 'आचार्य'मध्ये राम चरण पहिल्यांदाच वडील चिरंजीवीसोबत मोठ्या पडद्यावर दिसणार आहे. सामाजिक काव्यात्मक नाटक या चित्रपटाची कथा एका मध्यमवयीन नक्षलवादी-समाजसुधारकाभोवती फिरते. चिरू आणि राम चरण व्यतिरिक्त, चित्रपटात पूजा हेगडे, सोनू सूद, जिशु सेनगुप्ता, वेनेला किशोर, सौरव लोकेश, पोसनी कृष्णा मुरली, तनिकेला भरणी, अजय, संगीता, बॅनर्जी आणि इतर अनेक सहाय्यक भूमिकेत दिसणार आहेत. (हे देखील वाचा: Salim Ghouse Passes Away: या बाॅलिवूड खलनायकाचे झाले हृदयविकाराने निधन)
हिरोपंती 2
टायगर श्रॉफ आणि तारा सुतारिया स्टारर हिरोपंती 2 या शुक्रवारी चित्रपटगृहात दाखल होणार आहे. हा चित्रपट रात्रीच्या वेळी लोकांना मदत करणाऱ्या एका व्यक्तीबद्दल आहे. नंतर या व्यक्तीला रशियाला मिशनसाठी पाठवले जाते. पण नंतर परिस्थिती त्याच्या विरुद्ध होते. अशा परिस्थितीत तो या अडचणींवर कसा मात करतो हे जाणून घेण्यासाठी हा चित्रपट पाहावा लागेल. अहमद खान यांनी या चित्रपटाचे दिग्दर्शन केले आहे.