ग्लॅमरस अंदाजात न्युयॉर्क येथील मादाम तुसाद संग्रहालयात 'प्रियंका चोप्रा'चा मेणाचा पुतळा (Photos, Video)
बॉलिवूडची देसी गर्ल प्रियंका चोप्रा हीने बॉलिवूडनंतर हॉलिवूडमध्येही आपला झेंडा रोवला आहे. हॉलिवूडमधील तिच्या उत्तम कामगिरीमुळे ती ग्लोबल स्टार बनली आहे.
बॉलिवूडची देसी गर्ल प्रियंका चोप्रा (Priyanka Chopra) हीने बॉलिवूडनंतर हॉलिवूडमध्येही आपला झेंडा रोवला आहे. हॉलिवूडमधील तिच्या उत्तम कामगिरीमुळे ती ग्लोबल स्टार बनली आहे. तिच्या दिवसागणित वाढणाऱ्या लोकप्रियतेचे आणखी एक उदाहरण समोर येत आहे. अमेरिकेतील न्युयॉर्क (New York) येथील मादाम तुसाद (Madame Tussauds) या संग्रहालयात प्रियंकाचा मेणाचा पुतळा उभारण्यात आला आहे. इतकंच नाही तर लंडन, सिडनी आणि आशियातही तिचा मेणाचा पुतळा लवकरच उभारण्यात येणार आहे. यामुळे मादाम तुसादच्या चार संग्रहालयात पुतळा असणारी प्रियंका चोप्रा पहिली सेलिब्रेटी बनली आहे. आतापर्यंत अमेरिकन गायिका व अभिनेत्री व्हिटनी ह्युस्टन (Whitney Houston) हिचे मादाम तुसादच्या तीन संग्रहालयात मेणाचे पुतळे होते.
अलिकडेच प्रियंकाने न्युयॉर्कमधील मादाम तुसाद संग्रहालयाला भेटी दिली. या खास क्षणांचे फोटोज आणि व्हिडिओ तिने सोशल मीडियावर शेअर केले आहेत.
प्रियंका चोप्रा लवकरच 'इजन्ट इट रोमॅन्टिक' हा हॉलिवूड सिनेमात तर 'स्काय इज पिंक' या बॉलिवूड सिनेमात झळकेल.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)