Adipurush: प्रभास आणि सैफ अली खानच्या 'आदिपुरुष' चित्रपटात कृती सेनन साकारणार सीताची भूमिका; शेअर केला खास फोटो
या चित्रपटात सैफ अली खान रावणची भूमिका साकारताना दिसणार आहे. तर सनी सिंग लक्ष्मणच्या भूमिकेत दिसणार आहे. हा चित्रपट पुढच्या वर्षी 11 ऑगस्टला थिएटरमध्ये रिलीज होईल.
Adipurush: सैफ अली खान (Saif Ali Khan) आणि प्रभास (Prabhas) च्या आदिपुरुष (Adipurush) या चित्रपटाने आता आणखी एक मोठं नाव जोडलं गेलं आहे. या चित्रपटात आता अभिनेत्री कृती सेनन (Kriti Sanon) दिसणार आहे. कृती सॅनॉनने तिच्या सोशल मीडियावर अभिनेता प्रभास आणि दिग्दर्शक ओम राऊतसोबतचे फोटो शेअर केले आहेत. रिपोर्टनुसार कृती सॅनॉन या चित्रपटात सीतेच्या भूमिकेत दिसणार आहे. या चित्रपटात प्रभास रामाच्या भूमिकेत दिसणार आहे. या चित्रपटात प्रभास आणि कृतीची जोडी पाहणं प्रेक्षकांसाठी औत्सुक्याचं ठरणार आहे.
कृती सॅनन ने हा फोटो शेअर करत म्हटलं आहे की, नवीन प्रवास सुरु होणार आहे. हे खूप खास आहे. या जादूच्या जगाचा भाग असल्याचा मला खूप आनंद आणि अभिमान वाटत आहे. हा फोटो शेअर करताना प्रभासने कृती सेननचे स्वागत केले आहे. (वाचा -Vicky Kaushal चा घोड्यावर उभा राहिलेला फोटो पाहून सोशल मीडियात भडकले युजर्स, दिल्या 'या' प्रतिक्रिया)
ओम राऊत यांच्या दिग्दर्शनाखाली तयार होणाऱ्या आदिपुरुष चित्रपटावर बरेच पैसे खर्च होणार आहेत. या चित्रपटाच्या माध्यमातून प्रेक्षकांना रुपेरी पडद्यावर वेगळा अनुभव घेता येणार आहे.
या चित्रपटात सैफ अली खान रावणची भूमिका साकारताना दिसणार आहे. तर सनी सिंग लक्ष्मणच्या भूमिकेत दिसणार आहे. हा चित्रपट पुढच्या वर्षी 11 ऑगस्टला थिएटरमध्ये रिलीज होईल.15 ऑगस्टच्या सुट्टीच्या आधी येणाऱ्या या चित्रपटाला शनिवार व रविवार 5 दिवसांचा कालावधी मिळणार आहे. हा चित्रपट हिंदी, तेलगू, तामिळ, कन्नड आणि मल्याळम भाषांमध्ये प्रदर्शित होईल.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)