Mumbai: बॉलिवूड अभिनेता साहिल खानविरोधात मुंबईत FIR दाखल; काय आहे नेमके प्रकरण? जाणून घ्या
साहिल खान (46), शेजाब खान, पियुष गडगे, अंकित गजबाई, अली पटेल, शेरेहस्ता जैस्वाल आणि शशिस्ता खान यांच्याविरुद्ध कलम 500 (मानहानी), 506 (गुन्हेगारी धमकीची शिक्षा), 504 (हेतूपूर्वक अपमान) IPC च्या 34 (सामान्य हेतू) आणि आयटी कायद्याच्या संबंधित कलमांखाली गुन्हा दाखल करण्यात आला आहे.
Mumbai: आंबोली पोलिसांनी बॉलीवूड अभिनेता साहिल खान (Sahil Khan) आणि इतर सहा जणांविरुद्ध व्यावसायिक प्रतिस्पर्धी आणि अल्पवयीन मुलांसह त्याच्या कुटुंबाविरुद्ध पूर्वनियोजित सायबर मोहिमेसाठी एफआयआर नोंदवला आहे. मनीष गांधी (वय, 46) असं तक्रारदाराचं नाव आहे. एफआयआरनुसार, एबीईसीएल या प्रदर्शन कंपनीचे मालक गांधी यांनी खानसोबत काम करण्यास नकार दिला होता. यामुळे खान संतप्त झाला. त्यानंतर साहिल खाने याने गांधी आणि त्यांच्या कुटुंबाची बदनामी करण्याचा प्रयत्न केला.
साहिल खान (46), शेजाब खान, पियुष गडगे, अंकित गजबाई, अली पटेल, शेरेहस्ता जैस्वाल आणि शशिस्ता खान यांच्याविरुद्ध कलम 500 (मानहानी), 506 (गुन्हेगारी धमकीची शिक्षा), 504 (हेतूपूर्वक अपमान) IPC च्या 34 (सामान्य हेतू) आणि आयटी कायद्याच्या संबंधित कलमांखाली गुन्हा दाखल करण्यात आला आहे. 12 मार्च रोजी, गांधींच्या सहकाऱ्याने त्यांना माहिती दिली की काही अज्ञात व्यक्तीने इंस्टाग्रामवर मनीष गांधींची मॉर्फ केलेली, विकृत आणि बनावट प्रतिमा पोस्ट केल्या आहेत. त्या व्यक्तीने गांधींच्या कंपनीबद्दल अपमानास्पद टिप्पण्या देखील पोस्ट केल्या होत्या. यानंतर मनीष गांधींनी काही खाती ब्लॉक केली. (हेही वाचा -Mangal Dhillon Dies: चित्रपट आणि टीव्ही अभिनेता मंगल ढिल्लन यांचे कर्करोगाने निधन)
दरम्यान, 2 एप्रिल रोजी, गांधींचे सहाय्यक, अमित करकेरा यांना एका अज्ञात व्यक्तीकडून कथितपणे फोन आला ज्याने दावा केला की खान आणि त्यांचे सहकारी गांधी, त्यांचे कुटुंब आणि त्यांच्या कंपनीबद्दल अपमानास्पद टिप्पण्या पोस्ट करत आहेत. इंस्टाग्रामवर बदनामीकारक पोस्टची दृश्यमानता वाढवण्यासाठी साहिल खानने शेजाब खान, पियुष गडगे, अंकित गजबाई आणि अली पटेल या चार लोकांना मोठी रक्कम दिली होती, असा दावा कॉलरने केला आहे.
दरम्यान, साहिल खान यांच्यावर गुन्हा दाखल होण्याची ही पहिलीचं वेळ नाही. 2021 मध्ये, मुंबई पोलिसांनी बॉलीवूड अभिनेता आणि इतर चार जणांवर प्रख्यात शरीर-बिल्डर आणि माजी मिस्टर इंडिया मनोज पाटील यांना आत्महत्येसाठी प्रवृत्त केल्याप्रकरणी गुन्हा दाखल केला होता. एप्रिल 2023 मध्ये, खान विरुद्ध भारतीय दंड संहिता (IPC) च्या विविध कलमांखाली बदनामी, धमकी आणि एका महिलेच्या विनयशीलतेचा अपमान केल्याबद्दल ओशिवरा पोलीस ठाण्यात गुन्हा दाखल करण्यात आला होता.
सध्याच्या ताज्या प्रकरणात साहिल खान आणि इतर सहा जणांविरुद्ध एफआयआर दाखल करण्यात आला आहे. आम्ही या प्रकरणाचा तपास करत आहोत आणि लवकरच त्याला बोलावले जाऊ शकते, असे आंबोली पोलिस ठाण्याच्या अधिकाऱ्याने शनिवारी सांगितले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)