कमल हासन यांच्या Indian 2 सिनेमाच्या सेटवर क्रेन कोसळून भीषण अपघात; तिघांचा मृत्यू तर 10 जण जखमी

Crane collapsed on the set of movie Indian 2 (Photo Credit: Twitter)

तामिळ अभिनेता कमल हासन (Kamal Hassan) यांचा आगामी सिनेमा इंडियन 2 (Indian 2) च्या सेटवर भीषण अपघात झाला. शूटिंग दरम्यान क्रेन कोसळून झालेल्या अपघातात तिघांचा जागीच मृत्यू झाला तर 10 जण जखमी झाले आहेत. जखमींना तात्काळ रुग्णालयात दाखल करण्यात आले असून त्यांच्यावर उपचार सुरु आहेत. तर या अपघातात दिग्दर्शकाचा पर्सनल असिस्टंट मधू (29), साहाय्यक दिग्दर्शक कृष्णा (34) आणि एक कर्मचारी चंद्रन (60) यांचा मृत्यू झाला आहे.

इंडियन 2 या सिनेमाचे शूटिंग चेन्नई जवळील ईव्हीपी एस्टेट स्पॉटवर सुरु होते. शूटिंग सुरु असताना रात्री दहाच्या सुमारास हा भीषण अपघात झाला.

ANI ट्विट:

#UPDATE Chennai: Madhu (Personal Assistant to Director Shankar), Krishna (Assistant Director) and a staffer Chandran, have lost their lives in the incident. https://t.co/VpjDmRd9pU

— ANI (@ANI) February 19, 2020

अपघातादवेळी अभिनेता कमल हासन सेटवरच उपस्थित होते. ते सुखरुप असून त्यांनी ट्विट करुन अपघाताबाबत दु:ख व्यक्त केले आहे. आज पाहिलेला अपघात हा माझ्या करिअरमधील कधीही न पाहिलेला भीषण अपघात होता. मी माझे तीन सहकारी गमावले. पण त्यांच्या नातेवाईकांचे दु:ख त्याहून मोठे आहे. या दु:खात मी त्यांच्या कुटुंबियांसोबत आहे, अशा आशयाचे ट्विट कमल हासन यांनी केले आहे.

कमल हसन यांचे ट्विट:

மருத்துவமனையில் விபத்தில் சிக்கியவர்களை பார்த்து மருத்துவர்களிடம் பேசியுள்ளேன்.

முதலுதவி வழங்கப்பட்டு உரிய சிகிச்சைக்கான வேலைகள் நடக்கிறது.

இவர்கள் விரைவாக உடல் நலம் பெற்றிடுவார்கள் என்ற நம்பிக்கையுடனே இந்த இரவு விடியட்டும்.

— Kamal Haasan (@ikamalhaasan) February 19, 2020

तसंच त्यांनी रुग्णालयात जाऊन जखमींची विचारपूसही केली. जखमी झालेले माझे सहकारी लवकर बरे होतील, अशी आशाही त्यांनी व्यक्त केली आहे.