Pakistan: इम्रान खान यांच्याविरोधातील अविश्वास प्रस्तावावर आज होणार मतदान, काही वेळातच संसदेचे कामकाज होणार सुरू
इम्रान खान (Imran Khan) यांना सर्वोच्च न्यायालयाकडून (Pakistan SC) मोठा झटका बसला आहे. संसदेची कारवाई चुकीची असल्याचे सांगत न्यायालयाने इम्रान खान यांना अविश्वास प्रस्तावाला सामोरे जावे लागेल, असे आदेश दिले होते.
पाकिस्तानमध्ये (Pakistan) पंतप्रधान इम्रान खान (Imran Khan) यांच्याविरोधात मांडण्यात आलेल्या अविश्वास प्रस्तावावर आज नॅशनल असेंब्लीमध्ये मतदान होणार आहे. तत्पूर्वी त्यांनी देशाला संबोधित केले. ते म्हणाले की, माझा देशाला संदेश आहे की, मी नेहमीच शेवटच्या चेंडूपर्यंत पाकिस्तानसाठी लढलो आणि लढत राहीन. देशात सध्या सुरू असलेल्या राजकीय गोंधळाच्या पार्श्वभूमीवर इम्रान खान (Imran Khan) यांना सर्वोच्च न्यायालयाकडून (Pakistan SC) मोठा झटका बसला आहे. संसदेची कारवाई चुकीची असल्याचे सांगत न्यायालयाने इम्रान खान यांना अविश्वास प्रस्तावाला सामोरे जावे लागेल, असे आदेश दिले होते.
एक्सप्रेस ट्रिब्यून वृत्तपत्राने पक्षाच्या सूत्रांच्या हवाल्याने म्हटले आहे की, पीटीआय राष्ट्रीय आणि प्रांतीय विधानसभांमधील आपल्या आमदारांच्या राजीनाम्याचा विचार करत आहे, कारण शनिवारी नॅशनल असेंब्लीमध्ये अविश्वास ठरावादरम्यान इम्रान खान यांचा पराभव होण्याची शक्यता आहे. दुसरीकडे, विरोधकांनी देशभरात मोर्चे काढण्याचे नियोजन केले आहे. विरोधक इस्लामाबादमध्ये एक सामान्य रॅलीही काढू शकतात. नवाझ शरीफ लंडनमधून आभासी माध्यमातून संबोधित करतील, असे मानले जात आहे.
Tweet
सकाळी 10.30 वाजल्यापासून होणार मतदान
पाकिस्तानच्या नॅशनल असेंब्लीमध्ये आज इम्रान खान यांच्याविरोधातील अविश्वास प्रस्तावावर मतदान होणार आहे. पाकिस्तानी मीडियाने दिलेल्या माहितीनुसार, आज सकाळी 10.30 वाजता नॅशनल असेंब्लीचे अधिवेशन बोलावण्यात आले आहे. यादरम्यान त्यांच्याविरोधात अविश्वास ठरावावर मतदान होणार आहे.