Coronavirus: जगभरात कोरोना व्हायरस संक्रमित रुग्णांची संख्या 90 लाखांच्या घरात, 467,000 पेक्षाही अधिक मृत्यू

जगभरातील कोरोना व्हायरस (Coronavirus) संक्रमित रुग्णांची संख्या मोठ्या प्रमाणावर वाढत आहे. जॉन्स हॉपकिन्स युनिवर्सिटी ने दिलेल्या आकडेवारीनुसार जगभरातील कोरोना व्हायरस संक्रमित रुग्णांची संख्या तब्बल 90 लाखांच्या घरात पोहोचली आहे. तर या आजारामुळे मृत्यू झालेल्यांची संख्या 467,000 पेक्षाही अधिक झाली आहे. युनिवर्सिटीच्या सेंटर फॉर सिस्टम्स सायन्स अॅण्ड इंजीनियरिंग (CSSE) ने सोमवारी (22 जून 2020) सकाळी जाहीर केलेल्या ताज्या आकडेवारीनुसार जगभरातील कोरोना व्हायरस संक्रमित एकूण रुग्णांची संख्या 8,927,195 इतकी आहे. तर कोरोनामुळे मृत्यू झालेल्यांची संख्या 467,636 इतकी झाली आहे.

सीएसएसईने दिलेल्या आकडेवारीनुसार कोरोना व्हायरस संक्रमित 2,279,306 रुग्ण आणि 119,967 मृत्यूंसह अमेरिका जगात प्रथम क्रमांकावर आहे. अमेरिकेखालोखाल 1,083,341 कोरोना रुग्ण आणि 50,591 मृत्यूंसह ब्राझिल दुसऱ्या क्रमांकावर आहे. (एका दिवसात जगभरात किती रुग्ण वाढले घ्या जाणून...)

जगभरातील देशांची कोरोना व्हायरस संक्रमित रुग्णांची आकडेवारी

1. अमेरिका -2,279,306
2. ब्राझिल-1,083,341
3. रशिया-583,879
4. भारत- 410,461
5. इंग्लंड- 305,803
6. पेरू- 251,338
7. स्पेन- 246,272
8. चिली- 242,355
9. इटली- 238,499
10. ईरान- 204,952
11. फ्रांस- 197,008
12. जर्मनी- 191,272
13. तुर्की- 187,685
14. मेक्सिको-180,545
15. पाकिस्तान- 176,617
16. सऊदी अरब -157,612
17. बांग्लादेश- 112,306
18. कॅनडा- 103,078

जगभात कोरोना व्हायरस संसर्गामुळे मृत्यू झालेल्यांचा आकडा 10 हजारांहून अधिक असलेल्यांमध्ये इंग्लंड(42,717), इटली (34,634), फ्रान्स (29,643), स्पेन (28,323), मेक्सिको (21,825) आणि भारत (13,254) या देशांचा समावेश आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)