Wipro Hybrid Work Policy: विप्रोने कर्मचाऱ्यांसाठी सादर केली नवीन हायब्रीड वर्क पॉलिसी; तीन दिवस कार्यालयातून काम करणे अनिवार्य
विप्रोचे प्रमुख एचआर सौरभ गोविल यांनी कंपनीची 'नवीन हायब्रिड वर्क पॉलिसी' शेअर केली आहे. या धोरणांतर्गत कर्मचाऱ्यांना आठवड्यातून तीन दिवस कार्यालयातून काम करावे लागेल. म्हणजे कर्मचारी दोन दिवस घरातून काम करू शकतील.
Wipro Hybrid Work Policy: भारतातील आघाडीच्या टेक कंपन्यांपैकी एक असलेल्या विप्रोमध्ये (Wipro) आता घरून काम (Work From Home) करण्याचे दिवस सुरू होणार आहेत. विप्रोचे प्रमुख एचआर सौरभ गोविल यांनी कंपनीची 'नवीन हायब्रिड वर्क पॉलिसी' शेअर केली आहे. या धोरणांतर्गत कर्मचाऱ्यांना आठवड्यातून तीन दिवस कार्यालयातून काम करावे लागेल. म्हणजे कर्मचारी दोन दिवस घरातून काम करू शकतील. यासह वर्षातील विशिष्ट दिवसांसाठीच रिमोटवर काम करण्याचा पर्यायही असेल. अहवालानुसार, विप्रोने आधीच जाहीर केले होते की, ते अनिवार्य नवीन हायब्रिड वर्क पॉलिसी लागू करत आहे, परंतु हायब्रीड वर्क पॉलिसीचे तपशील आता अधिकृतपणे शेअर केले गेले.
गोविल म्हणाले की, नवीन धोरण ‘कामाच्या भविष्यासाठी आधुनिक दृष्टीकोन’ आणि ‘वर्गातील सर्वोत्तम’ आहे. ते पुढे म्हणाले, ‘आमची नवीन हायब्रीड वर्क स्ट्रॅटेजी तुमच्यासोबत शेअर करताना मला अभिमान वाटतो. विप्रोमध्ये, आम्ही कामाच्या भविष्यासाठी एक आधुनिक दृष्टीकोन स्वीकारला आहे, जो आमच्या सहयोगींच्या कल्याणावर लक्ष केंद्रित करतो.’ (हेही वाचा: Amazon Layoffs: ई-कॉमर्स जायंट ॲमेझॉनमध्ये 2025 पर्यंत होऊ शकते 14,000 मॅनेजर्सची कपात; कंपनीचे दरवर्षी 3 अब्ज डॉलर्सच्या बचतीचे लक्ष्य)
दरम्यान, भारताची चौथी सर्वात मोठी आयटी कंपनी विप्रो लिमिटेडने आपल्या शेअरधारकांसाठी बोनस शेअर करण्याची योजना आखली आहे. कंपनीने स्टॉक एक्स्चेंजला सांगितले की विप्रोच्या संचालक मंडळाची 17 ऑक्टोबर 2024 रोजी बैठक होणार आहे, ज्यामध्ये या प्रस्तावावर चर्चा करून त्याला मंजुरी दिली जाईल. ही बातमी विप्रो समभागधारकांसाठी एक महत्त्वाचा संकेत आहे कारण बोनस शेअर्स त्यांच्या पोर्टफोलिओमध्ये भर घालू शकतात. बोनस शेअर्स अंतर्गत, कंपनी काही शेअर्स आपल्या भागधारकांना मोफत देते. या अंतर्गत शेअरच्या किमतीत कोणताही बदल होत नाही. बोर्डाने ठराविक दर्शनी मूल्यावर मंजूर केलेल्या शेअर्सच्या बदल्यात कंपनी काही शेअर्सचा बोनस देते. कंपनीकडे आधीपासून असलेले शेअर्सच वितरित केले जातात.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
